《我的MK妹同桌》第二季: 221

無論佢係咩都好，我都墮入咗佢嘅圈套。
 
呀詩已經撩起咗我熊熊嘅慾火，將積積埋埋，長達半年嘅慾望一下子爆發曬出嚟。
 
之前唔係無㗎，只不過呢幾日都有忍住咋嘛，而且呢排都唔係一個好嘅時機。
 
我哋之間，仲有其他問題比起呢樣嘢更加嚴重。有係bonus，但無咪無囉，我都係本住呢種心態嘅其實。
 
呢幾日有時會扯起咗好辛苦咋嘛，女仔應該想像唔到男仔扯到行有幾咁辛苦，而且仲要扯住瞓呢⋯⋯好煎熬啊！！！
 


依家有得反守為攻，我當然唔會咁輕易放過。
 
我除咗唔咁易放過之外，我仲要慢慢享受，然後要整到呀詩同我一樣，慾罷不能，唔會咁容易就滿足佢，等佢體驗下俾人吊住鋪癮嘅滋味！
 
我擺低啲材料，就抱住佢個小小翹嘅屁股，托住佢，一路行一路吻佢。
 
「嗯⋯嗯⋯⋯李⋯⋯巧⋯⋯岩。」佢俾我封住咗個嘴，唔係好出到聲，但係我已經知道佢進入咗個狀態。
 
我哋依家嘅體位根本上係隔住條褲互相摩擦，活用身體上任何一個部位，唔會停落嚟。我抱住佢行去我哋張床度，呀詩都有返咁上下重量㗎，我要食曬佢嘅力量，我又唔係啲咩大隻仔，係有點吃力。
 


我放佢落床，然後繼續我嘅攻勢，我無好快咁chur盡佢，而係每個位都慢慢地、深深地留低痕跡。
 
係抱住呀詩入嚟嗰陣，我知道呢次機會可能係最後一次，因為唔知仲會唔會有下一次。
 
原來做愛都可以咁無安全感⋯⋯
 
所以我想盡可能每一刻都刻係腦中，呢一個動作我已經由好早之前有做了，就算知道依家拼死去逼自己記住，一段長時間後，都係唔會成日拎出嚟重溫。
 
人就係咁得意，明明知道個結果係點，都仍然選擇跳落個氹度。
 


今次唔同呀詩臨離開香港嗰次，呢次係前所未有咁感到傷感。
 
我好溫柔咁吻呀詩每一個敏感部位，我相信咁樣做將來回想起來會更加深刻。