《我的MK妹同桌》第二季: 69

之前仲有人專登玩嘢，整蠱兩個男仔，要兩個男仔錫10秒，食花生係幾好睇嘅，但如果係自己嘅話，就唔好玩啦。
 
有幾個人歡呼，大神用感激涕零嘅眼神望住我，睇嚟佢淨係咁已經滿足啦喎？
 
兩個人尷尷尬尬咁對望咗30秒，我原以為係會咁。
 
點知佢哋兩個真係眼定定咁望住30秒，係旁邊睇都見到佢哋眼入面嘅火花⋯⋯
 
到咗30秒，佢哋都仲望緊，唔捨得放咁。
 




咩事啊大佬？
 
我以為會係大家都想快啲過完30秒㗎嘛，通常呢30秒都會過得好漫長，哇⋯真係估你唔到。
 
我哋成班人嗌佢哋先聽到。
 
「喂喂喂⋯⋯你哋咁忘我㗎咩？」組爸都尷尬埋一份，唔知點搞好。
 
跟住先無事，到抽下一個。
 




抽到大神，全場又再興奮起嚟。
 
「哇，唔撚係掛？咁睇嚟有好嘢睇。」我諗在場個個都認為佢會同組媽嚟個世紀之吻。
 
「點啊國王？」組爸問。
 
「um....」佢沉思緊。
 
「咪扮嘢啦！！快手啦。」
「仲扮！」




「扮曬嘢咁。」
 
點知佢語出驚人：「咁⋯⋯薯頭同呀Gigi錫10秒啦！」
 
⋯⋯⋯⋯
⋯⋯⋯
⋯⋯
 
唔係啊？？？