《我的MK妹同桌》第二季: 64

可能我個表情真係呆得濟，搞到Gigi一下感到恥辱，即刻著返件衫，遮返佢。
 
「唔⋯⋯唔⋯唔係啊，我無特別意思，你唔好咁驚住先。」我都口窒窒，我諗頭先個反應真係hurt親佢。
 
其實最怕嘅，係人哋嘅眼光。
 
我不其然諗起呀詩，呀詩以前都係咁，因為家庭嘅自卑，佢好怕人哋同情嘅眼神。
 
「依家你咁樣行出去，啲人實驚到唔敢行埋嚟啊！」我故作輕鬆，但好驚講錯嘢。
 




Gigi呆一呆，然後笑咗，笑靨如花。
 
「你想講嘅話，幾時都可以同我講，不過你自己小心啲唔好整親。」我再小心翼翼咁睇下附近。
 
不遠處有幾個黑衣人行過，我正想出去痴佢哋，但無耐就消失係轉角位。
 
當我將注意力放返係Gigi度嘅時候，先發覺原來後來佢拖住我，我都渾然不知。
 
佢用力咁捉住我，我感覺到後面有股熱氣⋯⋯
 




跟住有個兩個灰色衫嘅男仔經過，佢哋無發現到我哋，我估佢哋都係漏單㗎啦。
 
佢哋係我哋面前，經過咗個牌，都無察覺到我哋，我心生一計⋯⋯
 
就係趁佢哋唔為意，撕走佢哋個牌！
 
我向Gigi示意一下，做咗個「噓」嘅手勢，佢似乎明白，但佢睇落有啲驚，楚楚可憐咁。
 
呢招對男人嚟講真係好煞食。
 




當佢哋一經過，我知道機不可失，就衝上撕走其中一個背後嘅名牌。
 
我撕唔到兩個⋯⋯
 
「哇！！！」佢哋大叫。
 
「我屌⋯⋯」佢哋兩個嚇親之餘，仲有啲憤怒，好似有啲唔對路。