《我的MK妹同桌》第二季: 38

嗰晚，我係呀詩屋企瞓，本來頭先接放工嘅氣氛無咗，我自己依家都無曬性慾。
 
我攬住佢，雙眼睜開，完全無睡意。
 
我以為自己好豁達，成績呢家嘢，唔考都考咗啦，但原來係可以咁不安。
 
我上手穿過呀詩膊頭，下手摟住呀詩嘅纖腰，稍為有經驗嘅男仔都明白，呢個距離，同個波之間，只有一手之隔。
 
想摸想揸，全憑自己嘅意志力。換轉平時，我一早對佢上下其手，因為實在係會忍唔住。
 




但係今日無，思緒飄忽不定。
 
食完糖水，我同呀詩之間嘅對話都好簡短，唔難睇得出呀詩對於聽日嘅緊張同埋焦慮。
 
我想安慰佢，但查實我自己都一樣。
 
越係黑暗，同安靜嘅空間，就會對時間流逝出現一種錯覺。
 
我硬係覺得過咗好耐，耐到呀詩應該瞓著咗，呀詩背對住我，我睇唔到佢個樣，亦感受唔到佢瞓著咗嘅氣息。
 




我探頭望下佢，佢察覺到我望佢，嚇咗佢一跳，驚弓之鳥咁。
 
「屌你咩！嚇撚死我啦⋯⋯」佢嚇到呼吸有啲急促，見到佢嚇親個樣，幾搞笑。
 
「咩姐，我睇下你瞓咗未姐。」我解釋。
 
「未瞓啊，瞓唔到。」呀詩平復返心情，繼續瞓返落床，但今次唔係背對住我，而係面向住我。
 
我用一隻手托住自己個頭，另外一隻手則撫摸佢嘅頭髮。
 




我哋又係無講嘢，呀詩嘅眼睛不停咁係度眨，我想開少少燈，但俾呀詩阻止。
 
「今晚我唔想開燈。」佢道。
 
「好。」今晚沉重度我都唔知講咩好。
 
又靜咗。
 
但我動作都停落嚟，我係度輕撫下佢嘅秀髮，由上而下咁掃落去，呀詩啲頭髮好順，又有陣髮香，真係好撚正。
 
良久，呀詩忽然間問：「如果萬一真係考衰咗咁點？係咪要周圍搵asso同埋ive㗎啦？」
 
「你去睇下樹仁嗰啲收唔收先啦，萬一啲分卡係中間，你就asso啊hd咩都報，jupas都照報，最多蝕個報名費姐。」
 
「但係我驚無咁多報名費，我打工返嚟儲嘅錢都唔知夠唔夠俾。」呀詩呢段時間望落好似好堅強咁，我知道，喺一種逼自己嘅堅強。




 
「唔夠嘅，我幫你俾啦，遲啲我都會返pt㗎啦。」我攬住佢，試圖想安撫佢。
 
「我都仲係好驚啊⋯⋯」
 
「好驚聽日會係學校見到好多屋企人嚟學校，陪啲仔女去搵學校，但我自己就咩人都無啊⋯⋯」
 
原來呀詩最擔心嘅係呢樣。
 
一路以嚟，其實佢最想要嘅，係一個完整嘅家。
 
呢個陰影同遺憾，喺會跟住佢一世。