《我的MK妹同桌》第二季: 27

等呀Ken離去，呀詩捉住子晴，講：「咁快應承佢？」
 
子晴反問：「唔好咩？」
 
「咁又唔係⋯⋯只係仲諗緊第二個計劃姐。」
 
「咩啊？」我同蕃薯仔眼前一亮，都好奇想知咩嚟，因為實在諗唔到仲有咩搞。
 
「去老蘭飲下酒！難得我哋今日著咁靚。」呀詩意圖不明嘅微笑，特別淫邪！！！
 


「下？」我同蕃薯仔呆住，對望咗一眼，已經大約估到對方想點。
 
「唔好！咁⋯咁樣邊得呢⋯⋯唔俾！！」
「唔準！痴線咩咁樣落去！」
 
我哋異口同聲咁講。
 
「點解姐？」呀詩扭曬計。
 
「真係去啊？」子晴問，有啲擔憂。


 
「你諗下，我哋又未去過蘭桂芳，而且曬咁多時間執得咁靚，唔係唔去見識下啊？」呀詩大條道理咁講。
 
呀詩見我哋無反應，就知道佢講嘅嘢有用，然後就繼續扇風點火⋯⋯
 
「去啦～～」
 
「但你著到咁靚，一陣俾人溝走咗咁點算啊？」
 
「你連自己條女都睇唔住㗎咩？」呀詩成日都挑釁我，激發我深層嘅男性意識。」


 
「驚你啊！我一定會望到你實一實。」我斬釘截鐵的說。
 
「但我頭先已經應承咗呀Ken啦喎⋯⋯」子晴道。
 
「我去講就係啦。」
 
「你哋係咪去先？」呀詩再次確認。
 
「去⋯囉。」蕃薯仔都無可奈何。
 
然後·呀詩行去同呀Ken講咗幾句，就招積咁行返嚟，滿臉風騷。