［科幻有甜］《一場末日危機，令患上中二病的我變成救世者》18+: 第五十章：迷失

我攬住赤裸嘅辛梓玲喺廳嘅梳化大覺瞓，被佢對胸擠壓我心口嗰種感覺真係好爽。瞓到半夜，點知突然被佢嘅喊聲嘈醒。
「點解妳會喺度喊？」
「對唔住，我又試夢遊，但估唔到今次居然同你.........」辛梓玲好似有少少後悔同我做。
「妳係咪後悔？」我望住佢一雙充滿淚水嘅眼講。
「唔係，我真係鍾意你，只係我好驚發夢連自己做過乜都唔知。」辛梓玲一手攬住我條腰，表示佢認定我係佢男友。就係咁，我哋喺梳化一覺瞓到天光。

時間就咁過咗兩個月。為咗保護仲係學生嘅曉彤，我習慣每日定時接佢返學同放學，以防洛不凡埋佢身綁架。有一日，當我接佢放學，仲差一條街就返到辛梓玲屋企嗰陣，曉彤忽然問起我一個尷尬嘅問題。
「其實........你係咪鍾意咗梓玲姐姐？」曉彤兩眼直望地問我。
「點解妳會咁問？」
「有晚半夜我去廁所，點知被我偷睇到你兩個喺度做。」


「我地兩個都已經係成年人，有啲野未必可以同妳講得咁白......」
「我唔係指呢樣，我想講姐姐收埋好多野你未知。」
「例如呢？」
「我曾經見過佢半夜起床時自言自語，語氣聽落好似第二個人咁，有次佢起身仲突登走去窗邊食煙.......好古怪.......」
「放心，佢係夢遊，冇事嘅。」雖然我同曉彤咁講，但其實身為男友嘅我都覺得辛梓玲真係有啲唔妥，越諗越驚之下，寧願快啲返到屋企睇下佢。
正當我哋返到辛梓玲屋企樓下嗰陣，我離遠見到有兩個熟悉嘅身影進入大廈，佢哋唔係一般人，正正就係神聖嘅彌賽亞同馬太！