［科幻有甜］《一場末日危機，令患上中二病的我變成救世者》18+: 第二十一章：蘿莉

呢個擁有天使外表，魔鬼身材嘅女仔，竟然令我想起《攻殼機動隊》入面嗰個草薙素子！
「我叫蘿莉，請多多指教。」個女仔講野嘅時候，對眼不斷嚮我身上掃瞄，好似想食咗我咁。講真，如果佢唔係機械人嘅話，俾佢食其實係一種享受。
「蘿莉係總部入面實力最強嘅機械信差，佢日後會喺我唔得閒嗰陣專門同你培訓。」夏娃邊講邊走向蘿莉。
嘩！同我陪瞓？雖然佢係機械人，但妳都好大方下喎，竟然完全唔呷醋！
「係呀，你講得啱，蘿莉除咗係機械信差，佢仲係個受過嚴格軍事訓練嘅保鑣，佢嘅職責係廿四小時咁保護你，所以陪你瞓覺亦都係佢日常工作之一。」
吓，唔係咁好嘅，話晒我哋都係一場夫妻..........
「呀！我唔記得同你講清楚，夫妻呢種概念係唔存在喺我哋潛伏者嘅世界之中，由於暫時我同你都去唔到系外行星開技散葉，我相信要等叛變件事結束咗後，我哋母星先至會再派遣下一隻方舟號嚟地球去接我同你走，所以我哋暫時冇交配呢個需要。」
冇交配呢個需要？乜原來外星人當做愛係交配？嚮呢一刻我望住夏娃，感覺唔到佢哋有愛情上嘅需要，一切都係因為工作而發生，正如佢上兩次同我做嘅唯一目的都係為咗意識同步。
「我其實都好唔明地球人，佢哋浪費咗好多塑膠原料去做避孕套，就係為咗開心，咁樣做其實好唔環保。不過點都好，我好多謝你喺地球回收站救咗我，唔知點解我覺得你好特別，如果有機會我都想知同地球人拍拖會係點樣..........但喺我哋逗留嚮總部呢段時間內，由於我哋任務唔同，所以要暫時分開一下，就由蘿莉代替我同你做住交流先。」夏娃繼續講落去，雖然佢口口聲聲話要同我分開，但我依然聽得出佢仲掛住我嘅。
吓，分開？唔係化？我冇興趣玩情趣公仔！


「我雖然叫蘿莉，但我都係一個合資格嘅教官，由於你嘅體質同潛伏者仲有段距離，所以暫時唔會安排同夏娃一齊參與任務。為咗拉近呢個距離，我會喺任何時間裡面鍛鍊你全身嘅肌肉，包括喺床上。」