［科幻有甜］《一場末日危機，令患上中二病的我變成救世者》18+: 第八章：赤裸交鋒

估唔到俾個老翻上戶彩羞辱完之後，夏娃即刻出嚟撐我，講真我咁大個仔都冇被人欣賞過，佢肯咁講真係令我好窩心，好感動。原來嗰個上戶彩同件鬼佬雷神係反派上身，兩個你一句，我一句咁同夏娃爭辯一啲非常抽象嘅概念。我本來都冇咩興趣去理佢哋係咪內訌，但係見到日月男女二個蝦一個，唔知點解，我愈來愈覺得自己應該企出嚟幫夏娃嘅。
「喂！你哋講下道理好冇？正所謂四海之內皆兄弟，我相信件事冇你哋諗得咁複雜嘅，不如大家揾個地方坐低拆掂佢。我哋地球人有句話叫凡事留一線，日後好相見，唔駛下下要去到咁盡........」為咗平息糾紛，我決定走出嚟主持公道。

勢估唔到上戶彩忽然飛身衝前，用肉眼睇唔到嘅速度捉緊我條J，跟住佢一出力，我成條J就咁冇咗！呀..............呀..............呀..............呀..............真係好撚痛呀！
「嘿嘿........連自己子孫根都保唔住就想學人逞英雄，嚮我哋潛伏者面前，你呢類垃圾低等生物只會死得更慘！」個變態女人竟然一邊揸住我條斷J一邊笑住口講，然後隻手一握，裡面就咁變咗一堆血肉，好殘忍呀！
我當場痛到瞓咗嚮地下，下面得返個窿起勢咁噴血，此時此刻莫講話要保護夏娃，要企得返起身都好難.........被佢重創完下體嘅我簡直辛苦到講唔到野，甚至感到自己生命正在一分一秒咁流失。
「夏娃，妳唔想佢慢慢受盡屈辱同折磨咁死，就立即加入我哋，妳答應嘅話我會俾佢死得爽快啲！」原來個變態女人係用我嚟威脅夏娃。
家陣我嘅情況就好似肉隨砧板上，下身狂失血，就連自己點死都控制唔到，剩係記得自己臨死中出過眼前呢個咁索嘅女仔。就係呢個時候，我用告別嘅眼神望住夏娃，但唔知同佢講咩好，點知夏娃居然赤裸裸咁擋喺我同兩個奸人中間，唔通佢諗住赤手空拳應付呢兩件變態殺手？
「妳到底想點？」上戶彩開口問夏娃。
咦？點解夏娃突然低頭念經嘅？佢唔係諗住同對面嗰兩條友傳教講耶穌嘛？



「叛徒，我要懲罰你兩個！」雖然夏娃背住我講，但偏偏我對透視眼睇到佢雙手合十，然後對手周圍被好多紫色光芒包住。
「呢個係CODE999，佢要炸咗隻艦！」就喺呢個咁緊張嘅時候，鬼佬雷神突然爆響口。
金翅仆街鳥..........我想話我啱先死過一次咋，可唔可以唔駛再死多鑊呀！