［科幻有甜］《一場末日危機，令患上中二病的我變成救世者》18+: 第二章：PORTAL

某月某日，故事的開端發生於一個服務式住宅單位內。
「呢個叫PORTAL，字面解作傳送門嘅意思，實際上係個立體生物掃描器。」身穿運動背心和短褲的妙齡女子指著住宅單位內一具不斷向外發射不明詭異光束的黑色半球體，試圖向前來調查的大廈保安員杜子奇解釋。單位內則放置了不同的小型動植物，有蘭花、玫瑰、雀鳥、不同品種的貓狗、蛇和變色龍等，儼如一個小型動物園一樣。
「我收到鄰居投訴，話妳對佢哋作出滋擾。小姐，麻煩妳解釋一下呢個.......PORTAL同嗰D動植物之間嘅關係？」杜子奇面上流露出好奇的表情問道。
「嗰D動物全部都係雌雄成雙嘅，呢個係方舟計劃嘅一部份，我要帶領佢哋離開地球。」女子說話時胸部微晃，露出腋下的誘人半球。
「就憑妳嗰具古靈精怪嘅機器？」
「傳送門已經初步完成掃描程序，再等多五分鐘，佢就會將五十平方米範圍內，亦即呢個單位內嘅所有生物數據收集，包括咗基因同大腦意識數據，完成後，就會傳送去土星衞星泰坦上嘅中轉站裝置。」
「小姐，妳到底喺度講乜野？妳係新搬入嚟嗰個租客嗎？可唔可以睇下妳張身份證？」

 「聽住，我意思係話，地球上兩大強國將於一年內爆發核戰，加上病毒疫情擴散，人類以至地球上嘅生命會於明年滅絕，我哋呢個方舟計劃，係利用喺泰坦上所蘊含嘅豐富有機物質資源，喺嗰度打印出跟地球一樣嘅生命出嚟，然後將收集起嚟各式各樣嘅地球生物，雌雄一對咁裝入小型太空艙內，再利用泰坦上嘅低引力，發射到軌道上停泊住嘅巨型太空船，最後一齊出發前往十光年外，有孕育生命條件嘅系外行星。」
「哈哈，妳想要講複製人嗎？」杜子奇取出對講機來。


「生物嘅軀殼可以複製，但靈魂只得一個，所以我哋會安排掃瞄大腦意識數據，亦即你哋所謂嘅靈魂，然後一次過傳送到中轉站裝置，我哋會於一分鐘後出發，你可以選擇留低見證世界滅亡，但一旦靈魂傳送之後就永遠唔可以返轉頭，到時請唔好後悔，想清楚未？」
「妳口口聲聲話我哋，咁你哋係咩組織？妳又係咩人？」杜子奇按下對講機聯絡總部。
「我哋係潛伏者，我係地球所有潛伏者嘅代言人。冇時間啦，距離出發仲有十秒鐘。」
「總部嗎？我係大廈保安員阿當，呢度嘅住客好有問題，個名叫………夏娃？」杜子奇看著女子的身份證，一臉訝異地說。
突然間，整個空間填滿了白色的強光，周遭並且充斥著高頻率的噪音，靈魂如同走入時光隧道，強烈的恐懼感在杜子奇體內滋生，他感到生命逐漸遠離自己，死亡猶如近在咫尺………

歷劫過後，杜子奇終於逐漸清醒過來，可惜他卻無法解釋眼前這個迷離的光景：二人全身赤裸地身處在一個銀黑色球狀密室內。
「唔駛急，我哋仲有一世人嘅時間去創造下一個地球………」夏娃一臉詭異地說。