《你信唔信，真係有前世今生》: 2.1

媽媽知道我搬了新居，就急不及待的要我FaceTime，說著要看看我的新居。

我一手拿著手機，帶上藍牙耳機，然後跟手機裡的媽媽揮手。

「媽咪，呢度就係我新屋喇。我都係啱啱到，啲野仲未執。」我一手開著FaceTime跟遠在台灣的母親視像通話。

「呢個呢，係共用嘅客廳，有梳化有電視，個窗仲望到少少海景添。」我把新居完整的介紹給母親，她一直微笑著。

「新屋唔錯呢，咁你同咩人一齊住？」





「有一對情侶，同埋我朋友啊Ken。」

「喔，啊Ken，男仔啵，叫佢黎打個招呼啊？」媽媽突然睜大眼睛，非常雀躍。

「佢落左樓下買野食，下次啦。」

「你地幾時識嫁？有個男朋友仔，仲要宜家同居埋，媽咪都唔知嘅。」

「欸，普通朋友黎，咁啱大家都要搵地方住嘛。」





「真係咁簡單？唔準呃媽咪。」媽媽質疑的問。

「係啊，唔係你諗咁樣囉。」我無奈的說。

「嗱，我就好開明嘅，你拍拖、同居其實都唔緊要嫁，都咁大個人喇，都差唔多時候啦，媽咪都好高興你搵到個好歸宿。不過最緊要安全，所有野小心啲，你都唔想咁快做媽媽，係唔係？」

「咳咳，我都話我地係普通朋友，唔好諗咁多啦。」

「咁普通朋友都有機會發展落去嘛，一齊住大把時間培養感情啦。好喇，我開飯喇，遲啲再講啦，Bye。」她爽快的把視訊關掉。





這裡是一個家的模樣，客廳、廚房、洗手間、睡房，正常得很過分，卻讓我好不習慣。

我只好打開了電視，製造一點聲音打破這裡的寂靜，然後進了自己的房間收拾剛搬來的行李。
「叮咚。」
我打開門，Ken拿著兩袋外賣，我接過來然後放到桌子上。
「原來我地樓下有間幾出名嘅台灣野。」Ken說。

「咁好啊，以後可以成日落去食。」

「以後唔洗下下出旺角食。」他說。

「哈哈，仲有，食完唔洗你車我翻Hall。」我說，說完心裡覺得有點唏噓。

Ken走到廚房，然後問：「我買左台灣啤酒啊，飲唔飲？」





「好啊。」

「你唔係尋晚先飲完咩？得唔得嫁？」

「哈哈，正確黎講係飲到今朝，不過今日搬新居應該慶祝下嘅。」

「酒鬼。」Ken從廚房走出來，然後把啤酒放下。

「邊夠你犀利啊。」

「係呢，Johnson同Karrie下個禮拜先搬入黎，佢地話考完試先慢慢搬。」

「咁你呢？」

「我早兩日已經quit左hall搬曬啲野喇，如果唔係邊有啤酒你飲。」





「你仲早過我嘅？你唔係未交曬assignment咩？」我疑惑的問。

「想早啲搬黎，起度慢慢做。」

「哦，都係嘅，呢度靜啲專心啲。」

他把啤酒打開，然後遞給我。然後再開一罐。

「慶祝我地新居入夥，飲杯。」他拿起啤酒說著。

「飲杯。」我跟他碰罐，然後喝了一口冰涼的啤酒，那是久違台灣的味道。

我看一看罐子，那是我最喜歡的台灣啤酒。當地人都說18日的生啤是最好喝的一款，那時候去台灣探媽媽，一試就愛上。可惜，因為它只有18天保存期，所以香港買不到，也找不到它的替代品。





「呢隻18日生啤，香港冇得賣啵，你專登飛台灣買翻黎？」

「我上網搵台灣代購。」

「你又識揀啵，乜你都有研究開台灣啤酒嘅咩？」

「冇。不過同半個台妹一齊住啵，點都要識啲。」他調皮的笑著，然後吸了一口麵條。

「乜Karrie係台妹咩？你冇講過嘅？」我一頭冒水的看著他。

Ken忽然停了下來，然後注視著我。

「傻瓜，我眼前大大啖食緊鹽酥雞，仲飲緊台灣啤酒，嗰個咪台妹囉。哈哈。」他笑得像個小孩。

「哈哈。」見他笑得那麼開心，我也不想破壞他的興致，於是我附和他。





「好無聊啊，咁你係咪台仔？」我反問。

「我是太灣忍。」他用他半鹹半淡的國語說著。

「好fail啊，你好似古天樂。」我快要笑死了。

「挖喜逮丸郎。」我憑記憶用台語說著，這是一個台灣朋友教的。

「都話你係台妹啦，我呢啲就偽台仔喇。」

「哈哈，其實我淨係識呢句，都係做翻港女啱我啲。」說罷，我繼續吃著我的便當。

「你開心就好喇，台妹定港女有乜所謂。」Ken若有所思的笑著。

「食野啦。」

這頓晚餐為我們一個星期的同居生活展開序幕。