《你信唔信，真係有前世今生》: 1.2

「其實我學左冇耐......」Cassandra帶點猶豫，但她的聲音卻有種吸引人問下去，就像那一顆水晶，有種文字無法形容的魔力。

「至於你話準不準呢......你算得塔羅牌，就千祈唔好抱著試探嘅心態，姐係唔好用一種諗住試下佢準不準嘅心態。」

May突然拍Simon的大腿，然後看著Simon：「喂，不如問下我的兩個嘅感情會點？你話好唔好啊？」

Simon把臉轉過去：「唔好啦，呢啲野咁危險......如果占到話我地會分手咁點？我就唔想知喇。」

「你點會咁諗嫁，可能我地會一齊幸福快樂呢，我真係好想知啵。」May朝著Simon嘟起嘴唇，然後撒嬌的搖著他的手。





「其實，塔羅牌算嘅係講緊你繼續依家嘅做法唔改變，會得到嘅「結果」嘅預測，而你個人嘅選擇係可以改變結果嘅。」

「BB啊，咁試下都無妨啊，又唔係冇得改變......」

Simon也沒有堅持下去，只是碎碎唸著：「唉，知道又點姐......你鐘意就試啦，我就唔夠膽聽喇......」

「哦，咁唔試囉。」May有點埋怨的扁起嘴巴說著，然後重新把頭靠在Simon的肩膀。

兩人一言不發，場面即時變得尷尬。





Suki嘗試挽回氣氛：「喂啊，你地兩個唔好咁掃興啦，難得有人可以占卜，我就想試下。」

「啊，今年市道咁差，我想知道我黎緊搵工順唔順利？唔知可唔可以占卜到呢？」

「可以啊，你等我一陣。」Cassandra肯定的回答。

她一臉認真的拿著撲克牌洗牌一樣先把它打亂，然後把整副牌打開在桌子上，就像什麼賭場的電影裡荷官總是這樣做的。她從裡面抽出一張牌，然後打開在Suki的前面。上面的圖看似希臘神話的人物，帶點神秘。

我們三個女人的眼睛都無法離開桌子上打開的牌，雖然看不明白，卻有種說不出的緊張。塔羅占卜看電視就看過好多遍，親身體驗還是第一次。





此時此刻，Cassandra只顧自己眼前的工作，熟練的再從牌堆裡繼續抽，然後在特定的位置打開，它們每一張都有自己的位置，只有她才知道。這樣的動作重覆了六遍，現在七張牌整齊的排列在她的前方。

她看著眼前的七張，然後思考了幾秒。

「唔......你起搵工嘅過程未必好順利啵。你自己好多野都想做、想試，你嘅內心又好迷惘，唔係好清楚想做邊一類嘅工作，做唔到決定。」Cassandra認真看著那些卡牌。

Suki認真聽著，然後輕輕的點頭。

Cassandra指著最右邊的一張牌：「唔......搵工就未必好順利......不過，到最後你會起貴人幫助之下搵到一份你滿意嘅工。」

Suki聽到自己最後會順利終於舒了一口氣：「都總算係順利，都好啲。」

「其實都幾準啵，我又真係比你講中，唔清楚自己想做咩......」Suki接著說。

我心想：「其實宜家又有邊個知道自己想做咩......」





「最緊要最後有貴人，最後搵到工姐。」我敷衍的說，然後拍拍Suki的肩膀。

「呵呵，希望大家都順利畢業搵到份好工啦。」Suki看了一下我、May和Simon然後說。

「係喇，Cassandra，你都係今年畢業？」我好奇的問。

「唔係啊，我做緊野喇。」

「咁，你做邊行嫁？」

「我做IT，做緊啲軟件開發嘅嘢。」

IT，跟Cassandra很有違和感。





「呃，你聽日唔洗翻工咩？又會上黎嘅？」

「聽日清假啊，所以啊May話帶我上黎感受下hall life囉，哈哈。你地仲有冇野想我幫你地占卜？」Cassandra問。

「Joyce，你要唔要問下幾時出到pool啊？」Suki突然提起我。

「吓，講呢啲？」我邊說邊拿起手機看，作為一個現代人，手機總不能離開手超過一小時。

那是一則未覆的訊息：「我又酒聚」

我好毫不思索的覆了一個字：「哦」

Suki：「唔講呢啲講咩，等左你餐出pool飯好耐喇，咁落去睇黎你都係A住 grad。」

她們老是關心我的感情狀況，這個時候我只想轉移話題。腦海忽然想起剛剛在YouTube上的那條影片。