不如我們分開一年，好嗎？: 第三章

第三章

「去識多啲朋友啦，同朋友一齊玩好好玩㗎！況且識多個朋友，對你都唔係一件壞事呀！」

不知為何，自從那天以後，我腦海中就經常重複播放著詠琳這句說話，我也因為這句說話多了找人聊天。

就連文謙也看得出我的轉變。

「你多咗搵人講嘢喎！」他說。





「係呀，有人叫我外向啲。」

「係邊個對你咁緊要呀？」他疑惑地問我。

我把事情告訴了他。

「你係咪鍾意咗人呀？」他問。

「唔係掛……」我不太肯定地答。





但是即使我現在多了找人聊天，唯獨是詠琳，我從來不敢whatsapp她。

「話咗你鍾意佢架啦！」

我按進和詠琳的聊天，打算找些話題談談。我重複的輸入再刪除，輸入再刪除，過了十五分鐘，還是什麼也想不到。為什麼要找個話題也這麼難？

「你一定係鍾意咗佢。」文謙肯定地跟我說。

「但係……我只係見過佢幾面咋喎，咁快就鍾意咗人，會唔會太過……衝動？」我擔心地說。





「有啲人，你成世大部分時間都要對住佢，但係佢對你完全無影響；有啲人，你只係見過佢幾面，佢就影響你一世。」文謙說。「不如咁問啦，你覺得佢有咩咁吸引到你？」

「佢好靚……但係咁樣真係好膚淺，我好似冇一個好嘅原因去鍾意佢……」我依然很擔心地說，因為我實在不能確定自己心中的感覺是什麼。

「自古以來，好多人都不愛江山愛美人，我覺得無問題呀。況且，愛情係一種感覺，而感覺係唔需要原因㗎。」

「又係嘅……」我總算被他說服了。

「如果你係鍾意人嘅，就主動啲搵人啦，唔通要人身為女仔主動搵你咩？」

但是我總不可能無緣無故找她吧……？

幸好全能的facebook替我找到了一個原因。三月五日是詠琳的生日，我在當天祝她生日快樂。

「生日快樂呀 :) 多謝你同我合作寫咗一篇小說，唔知我地重有無機會見面呢？」





很快詠琳就回覆了:「多謝呀！我出嚟見你係咪有生日禮物收先😂😂」

到底她這樣說是什麼意思呢？是她真的想見我？還是想收到生日禮物？

抑或只是說笑而已？

我始終覺得是後者。

我不知道該回什麼，只好貼上乳酪蛋糕的做法……說笑而已，我當然沒有這樣做。

「好呀😀」看看她有什麼回覆。

「係咁你講咗就算數架喇！我會好期待你份生日禮物 :))))」





！！！

我內心忽然有種小鹿亂撞的感覺。我好像從來也未試過為一件事而這麼興奮的。

我想，我真的喜歡上她了。