黑魔后: 白武士

Ann：「你睇唔睇到呀，新嚟嘅白武士好靚仔呀！佢頭先仲對住我笑呀！」
Beatrice ：「TB嚟嘅，唔啱我。不過都確係幾養眼嘅，又夠高，睇落應該有5尺8！」
Cathy：「聽講佢係喺英國relocate返嚟㗎！好有王子feel呀！希望佢噤捱啲，唔好咁快俾黑魔后打殘啦。」

辦公室裡的眾人在竊竊私語，另一邊廂的會議室，一眾高層正饒富興致的望向Roger身旁那一身白色西裝的主人...
「正式開會之前，先同大家介紹返，我身邊嘅呢位係Zico，係喺英國總部嗰邊relocate返嚟嘅Marketing Director，唔好睇佢咁後生，公司好多出名嘅Marketing Campaign都係出自佢手。Zico，交個時間俾你介紹吓自己。」Roger微笑着拍了拍Zico的肩，不難看出他對Zico甚是滿意。
「大家好，我係Zico Yeung，楊逸。今日可以企喺哩度同大家傾計，我嘅心入面洋溢住開心同興奮，期待之後同大家嘅合作，可以擦出璀璨嘅火花！」聽到Zico的食字自介，大家都忍俊不禁。俊俏的外表，幽默的談吐，再加上她那些獲獎無數的Marketing Campaign，為她在大家心中贏得不少分數，只除了那坐在她正對面，穿着一身黑色套裝的女人，Director of Operations，Liz Chung。她的神情平靜，在Zico作出自我介紹的時候，適當地露出職業性的微笑，一切都完美得無可挑剔，然而那笑意未達眼底的樣子卻挑起了Zico的興趣。

這個冷漠帶刺的女人，有意思。