人鬼情未了／GL: 相遇

我轉動門把， 一諗起再搵唔到靈異現象就無人睇直播就搵唔到錢交租又會比人追數。煩惱地嘆咗一聲氣，總係覺得今日特別攰。
望下隻錶，原來已經凌晨1200  。我將行李好隨意咁擺喺一邊，就攤喺梳化到，回憶呢一個禮拜去日本除材嘅經歷。
－－－
我係一個專門拍靈異片段嘅ytber， 正確啲嚟講搵唔到錢嘅ytber，
為咗搵到啲靈動現象，我隻身去日本希望搵到啲有趣嘅場面，只不過咩都無發生。
我特登凌晨去咗一個廢墟，聽附近嘅居民講，曾經有一戶人家俾人放火燒死全家，之後化作冤魂留喺廢墟到
我小心翼翼咁跨過障礙物
見到燒焦嘅痕跡，難以想像究竟發生過幾大嘅火災先有咁嘅痕跡留低
我set 好攝影機就諗住通頂，希望影到啲有趣嘅嘢
時間好快就過咗一個鐘， 睇嚟今晚又無咩嘢會發生




正當我攞起打火機想點燃香煙嘅時候
一陣狂風刮起，將火機嘅火吹熄。
嗰下總係覺得有啲唔對路
「有怪莫怪，對。。對唔住呀， 我會走架啦」
即係攞住行李就離開呢度
自此就覺得特別攰
－－－－
返到香港我都冇諗咁多，覺得應該係心理作用。
簡單梳洗就上床瞓覺。
「其他嘢都係聽日先諗，瞓醒覺應該就冇嘢架啦」




我好快就瞓著， 呢個時候
我夢見床邊有一個披頭散髮手腳都係燒傷痕跡嘅女仔，佢望住我。
突然，爬上我身上
我好驚但係發覺自己根本郁唔到，連聲都出唔到
「唔好做無謂嘅掙扎，而家啲年輕人真係唔識規矩，睇嚟要懲罰一下」嗰個女仔用一把御姐聲線說道
佢凌空將我嘅手綁起床頭
嗰下我心諗
「呢次仆街了。。」
－－－－
後日會再更新甜嘅部份