陸聿說: 番外（3）原點

2018年 冬

剛來面試的女孩眼睛真漂亮呢！人也夠聰明，可惜經驗淺了些... 前往餐廳的路上，Cleo還在想著剛才面試的事情。
「大佬！你今日心情好好咁喎！」走在Cleo身邊的阿直敏銳地捕捉到她唇邊的笑意。
「你又知！」
「覺得囉！等我估吓... 今朝有人嚟interview，係咪in到正嘢？」
「都算係嘅！」
「樣靚身材正？九頭身？42寸長腿？童顏巨乳？」阿直的八掛之火熊熊燃燒。
「Interview係睇能力，唔係睇樣睇身材囉唔該！」Cleo沒好氣的拍了一下阿直的頭。
「咁即係醒目女啦，靚唔靚㗎？」阿直撥弄著被Cleo弄亂的髮，死心不息的追問著。




「對眼幾靚。」

「各位同事，我哋今日有三位新同事加入，佢哋喺哩行經驗尚淺，我想邀請幾位senior嘅同事做佢哋嘅mentor，幫佢哋盡快適應。Gigi你跟阿Jade，Kenny你跟Andrew，Mandy有大Project喺手，所以Jasmine你跟我啦。」大佬竟然親自出山教junior？Jasmine一定就係上次大佬in完之後心情大靚嗰個！阿直心𥚃想著。

「師傅，夠鐘食晏喇！估吓我今日買咗啲咩俾你食？」跟了Cleo一個月，Jasmine發現她一忙起來就不吃午餐，導致常常胃痛，還用咖啡送胃藥，完全不顧自己的身體，所以她決定了，一定要讓師傅正正經經的吃飯。
「Ham and Cheese Croissant？」Cleo放下手上的文件，瞄了一眼外賣袋上的Logo。
「Bingo！我見你上次話佢哋啲咖啡好飲，你又唔鍾意食飯，所以我買咗牛角包同咖啡，快啲試吓好唔好食！」看著Jasmine一臉雀躍的樣子，Cleo知道，自己無法拒絕那雙充滿期待的大眼睛。

Mandy：「喂喂喂，老細今日因乜事塊面咁黑呀？頭先Andrew入去問小小嘢都俾佢剷到上天花板，死啦，我陣間仲有份嘢要俾佢批... 阿直又放緊假，今次死梗喇！」
Jade：「唔緊要，阿直唔喺度，仲有Jasmine吖嘛！」




Mandy：「唔係掛... 佢仲咁新，叫佢去搵黑緊面嘅老細，咪即係叫佢去送死！」
Jade：「都叫咗你唔好成日匿埋一邊埋頭苦幹㗎啦！老細係Jasmine嘅mentor，錫佢錫到不得了，黑邊個面都唔會黑佢面，放心交俾佢啦！」

2019 Year End Appraisal
「喺我講你嘅表現之前，用一分鐘概括一吓你嘅2019年。」
「多謝師傅俾機會我跟喺你身邊學嘢，之前做嘅每一個Project都令我獲益良多，大家都好nice又好肯教我嘢，我覺得喺呢度做嘢好開心。師傅，我希望出年可以繼續留喺你身邊呀！」本來一本正經的回顧，在不經意間滲進了撒嬌的味道。
「哩一年我都睇到你嘅進步，由當初做Project Alpha嗰陣所有嘢都要問我，到近排做Project Hugo嘅時候，已經可以喺我開聲之前做好資料搜集同基本分析，真係進步咗好多。之前Gigi走咗，你主動接手幫阿Jade，啲同事個個都話你好幫得手，總算無丟我架啦。做咗你一年嘅mentor，都係時候放手俾你獨立喇，2020開始，你就同阿直一樣，邊個有Project開就去幫佢哋啦！」雛鳥要自己振翅才可高飛，小徒兒，加油吧！Cleo在心𥚃想著。
「師傅... 如果你要開Project，我仲可唔可以幫你？」Jasmine的聲音裡有著眷戀和懇求。
「傻妹，你應該去跟吓其他人，學多啲唔同嘅嘢，咁樣先可以搵到屬於你自己嘅路，建立一套適合自己嘅方法。」Cleo察覺到Jasmine對自己的依賴，好像還有一些別的什麼... 但她比自己年輕了十年，就算自己對她也有好感，也敵不過年齢的差距... 既然不打算發展，還是減少接觸好了。Cleo下定決心，讓Jasmine離開自己的羽翼，好讓自己蠢蠢欲動的心冷靜下來。





接下來的日子，Jasmine開始幫著各位Senior做Project，她感覺到師傅有意無意的疏離，喑自傷心了好一陣子，卻還是忍不住，時常關注著經理房的動靜。而經理房𥚃，也有一雙眼在默默注視著門外漸漸和其他人打成一片的女孩，兩人彷似有了默契，誰都沒有再在公事以外主動找對方，直到那一天，公司裁員...