未來教師情慾物語: 結局（下）

九月一號明明係開學嘅日子，唔知點解我個中學同學Jeannie揀咗呢日擺喜宴。收喜帖時，Jeannie有同我講佢有咗Chris嘅小朋友。我問佢：「做咩咁唔小心啊？冇戴套咩？」Jeannie笑笑口咁答：「佢鐘意射入黎，我又唔小心食咗啲過期避孕藥。你唔好同人講吖，我淨係話畀你聽咋。」
 
嗰晚同Jeannie母校有關嘅人都安排咗喺兩圍食飯，我張枱有幾個後生仔，一身嘅服裝好似去緊謝師宴，原來係我師弟。佢地自我介紹，叫阿楓、阿文、阿輝同阿賢。本來傾得幾開心，直到一個人出現，令我地即刻收斂咗好多，佢就係我地嘅訓導主任黃副校。等得悶悶地，我望過去隔離枱，見到Jeannie喺大學嘅師長，Dr Lau同Dr Chiu。
 
臨開席之前，有個中年阿嬸推住輪椅走埋黎我地張枱，輪椅上面有個老人家，阿楓即刻認出係已經退休嘅校工周伯。佢幾個月前中風，宜家不良於行，講說話都有困難。呢個時候，新郎新娘出場。Chris扶住Jeannie隻手行出黎，Jeannie爸爸又喺隔離磅住佢個女。兩個男人夾住一個女仔，唔知點解硬係怪怪地。我望住Jeannie已經微微隆起嘅小腹，暗自為佢擔心：未畢業就大肚，第時點搵教席呢？
 
《未來教師情慾物語》全篇完

多謝大家支持。