《每朝起身，總會見到細妹著校服》: [Take 03－戒丁一日] PART 06
仆街！
已經太遲喇！
已經返唔到轉頭...
已經唔可以扮傻喇！
點算呢點算呢？
呢一下已經嚇到魂飛魄散！
咩獸慾都冇晒！
點好呢...
應該點解釋好呢？
『呃...Sorry...我...』都係直接認衰仔...求原諒罷啦...
「唔～我都唔介意～」Emma竟然擰擰頭，回返個微笑俾我！
真係可以咁大方？
俾人𥄫乳溝喎...
咁都唔介意？
使唔使咁感動呀？
「男仔嘛...係咁㗎啦～」Emma仲要勁溫柔咁帶住微笑望住我～
『但係你面都紅晒喎...』面紅紅嘅Emma真係勁可愛囉....
「唔介意姐...但都會怕羞㗎嘛～」Emma雙手撳住自己塊面～
『呃...呃...Sorry...Sorry...』咁老尷都唔知講乜好...
「唔唔～真係唔緊要～我OK㗎～我OK㗎～」Emma仲係面紅紅咁，帶住甜美嘅笑容揮揮手～
『之但係...呃...始終都係我唔啱...』始終都係𥄫咗Emma波罅...
「唔...其實又冇話啱唔啱嘅...」Emma咬住下唇諗一諗...
『吓？』咁都冇話啱唔啱？
「唔...咁...其實女仔都鍾意俾人望嘅～證明自己吸引吖嘛～」Emma諗一諗又點點頭～
『呃...我都有聽過...』即係好似啲女仔鍾意著熱褲短裙咁，都係想俾人知自己對腳夠修長姐～
唔通真係想清涼啲咩～
之但係呢...你走去𥄫佢哋，佢哋又會鄙視你...當你係變態佬咁冷眼睥住你...
梗係啦！因為佢哋著到咁暴露唔係俾你睇㗎嘛！係俾啲靚仔睇㗎嘛！
「當然我都唔係個個都接受到啦～不過係你嘅話...我OK...」Emma含春...含撚...含羞答答咁咬住下唇點點頭...
『呃...點解我就OK呢？』我...我Get唔到喎...
「唔...因為我覺得你係一個正人君子～」Emma面紅紅咁咬住下唇，帶住甜美嘅笑容點點～
正人...君子...
我喎...我係正人君子？
我點睇都似係一隻見女就想擒嘅禽獸啦！
『我...我邊係吖...』我真係唔敢當吖...
滿腦子都係淫嘢...
仲要成日扯住扯住...
啱啱仲想偷偷望住Emma嚟J...
我仲點可能厚顏無恥咁接受“正人君子”嘅個讚美吖...
我岳不群嚟㗎咋！
「就係你而家呢個唔好意思嘅樣，就算唔係正人君子，都一定唔會係陰險小人啦～」Emma帶住甜美嘅微笑向我打咗個眼色～
『你真係...你真係一個大方得嚟又善良嘅天使...』竟然...竟然喺我生命之中...出現天使...
「會唔會係天使咁誇張吖～」Emma塊面又勁紅咁～
『真㗎真㗎！真心話嚟㗎！你...你真係好似天使...』此女只應天上有...
「多謝～」Emma塊面紅卜卜～帶住甜美嘅微笑點點頭～
『客氣...客氣...』Emma真係人又靚...心地又善良...
明明我都只係一個態變佬...
但Emma都唔介意...仲要讚我係正人君子...
「咁...呢兩張喜帖係唔係可以Send俾個客喇？」Emma將個話題帶返去公事上。
『嗯～等我幫你Set埋個公司E-mail...咁...以後你就可以用公司E-mail收發郵件喇～』我收起狼心，幫Emma Set E-mail～
Send完兩個E-mail出去之後...
「我算唔算完成咗第一樣工作吖～」Emma向我展露天真嘅笑容。
『嗯～仲好完美咁完成添～』望住呢個咁純潔嘅天使，我真係唔應該有分毫淫念！（呢一刻...）
講真嗰句，Emma咁完美，試問喺呢個世界上，有邊個男人可以抗拒？
唔俾Emma吸引住嗰啲唔係Gay嘅就係公公啦！
有時真係會諗，與其做岳不群...不如做田佰光～
Emma做完兩份工作之後，要求再俾多啲佢...
俾多啲嘢佢做～
見佢畫炸彈畫得咁靚又咁有Feel，我就俾多四張佢畫啦～（即係除咗我手頭嗰張，全部炸彈都俾晒Emma畫～）
Emma一直都好專心，一直都好投入～
而喺呢個角度睇，Emma嘅美腿真係表露無遺～
無錯～我又喺度𥄫Emma對腳喇～（鬼叫我部電腦又Hang撚咗咩屌...）
其實我留意咗好耐...
Emma好鍾意伸長佢對腳仔～
將對腳伸到直一直...
又間唔時翹吓對腳，疊吓對腳～
有時坐耐咗，仲會踢吓踢吓對腳添～
不時換吓姿勢，等我𥄫得冇咁悶～
真係𥄫對腳仔都𥄫到我又扯扯地...（都話㗎啦...淫念唔收得幾耐㗎咋...）
我係唔係對腳情有獨鍾？
我都唔知...
我都唔知由幾時開始咁鍾意𥄫女仔對腳...
細細個已經聽過人講：「男人會隨著年齡增長，對眼就越向下望。十歲前只會望樣，十三歲後開始望胸，廿歲左右就會望屁股，三十歲前後就會開始望對腳...」
我唔知係唔係真啦～
不過我就覺得係因為Emma對腳真係太誘人先會吸引到我視線～
個樣唔正咩？對波唔正咩？條腰唔正咩？
正～梗係正啦～甜美嘅笑容顏射流～
啱啱先𥄫完Emma波罅玩乳交冇難度～
捉實條小蠻腰從後抽插一定抽插到“啪啪”聲～
Emma成個人都咁正，𥄫邊忽都𥄫到扯晒旗啦～
只係...呢個角度𥄫腳係最容易～而且又冇咁易俾佢發現～
話就話佢唔介意姐...但俾佢知我成日𥄫...唔知會唔會反感㗎嘛...（物極必反吖...）
而且始終我都係岳不群...都係偷偷𥄫比較好...
一邊𥄫Emma對腳，一邊做嘢，簡直係真正嘅生活態度～
手上張炸彈搞掂埋...
五個平面廣告初稿...仲差一個...
「飛揚～我又搞掂喇～你又要唔要過嚟睇睇吖？」Emma帶住甜美嘅笑容望向我招招手～
『哦哦...好好...』難得有得睇...就梗係過去睇睇啦...
我行到去Emma身邊...不過今次又唔係好敢行咁近...
都係正正經經咁睇咗啲炸彈先啦...
Emma逐張逐張咁俾我睇～
『嘩你真係好勁喎...啲構圖吖...啲字吖...排版吖都完美配搭喎～』真係一啲都唔求其...
而且仲要咁快...喺咁短時間內諗好...仲畫埋出嚟...
用Mac機工作，效率真係高啲嘅？
「多謝～」Emma帶住甜絲絲嘅微笑～
『哈哈～好有禮貌喎～』我望一望Emma...差啲又俾佢對豐乳吸咗對眼落去...
「俾人讚係要講多謝㗎嘛～」Emma帶住甜絲絲嘅微笑點點～
『乖～』我做乜鳩...成個變態怪叔叔咁...
Emma塊面又越嚟越紅～
『呃...係呢...畫喜帖會唔會覺得好悶？』都係轉移個話題落公事上...
「唔會～」Emma對手臂夾一夾對豐乳，望住Mon裡面張喜帖，「我好鍾意畫吖～」
Emma呢一夾...成對豐乳谷一谷...成條乳溝出晒嚟...
而且純白色嘅雪紡衫領離得更開...可以更清楚咁睇都...睇到裡面...
白色無帶Lace邊1/2杯Bra...一對雪白粉嫩嘅北半球...
真係好大...好挺...
『係吖...點解咁鍾意嘅...』我又痴痴迷迷咁...望住Emma對北半球...
「結婚～可以同深愛嘅人結婚～係女仔最大嘅幸福～」Emma對手臂再夾一夾...再夾一夾...
夾吓夾吓...Emma對豐乳...夾到彈吓彈吓...
真係好彈...又好軟熟...
「我都好想...可以同深愛嘅人結婚...從始幸幸福福咁生活～」Emma雙臂夾實...
白色無帶Lace邊1/2杯Bra就快俾Emma夾爆喇...
唔得唔得...扯扯地...已經扯扯地...
『呢樣對你嚟講唔難啦～』唔好再𥄫喇...再𥄫就真係扯到凸...
企正喺Emma身邊...俾佢見到我扯到凸起晒...
Emma話唔介意俾我𥄫姐...冇話唔介意我𥄫佢𥄫到扯晒旗吖嘛！
「嗯？」Emma對手臂夾住對豐乳，一面天真咁望實我～
『呃...你咁靚女...要同鍾意嘅人一齊唔難啦～』唔好再𥄫喇...唔好再硬喇！
「咁都要佢鍾意我先得㗎～」Emma帶住甜美嘅微笑擰擰頭～
『你咁靚女...好難會唔鍾意你喎...』除非係Gay啦...
「真係好難講喎...」Emma咬住下唇諗一諗...
『你...冇拖拍？』我打量住Emma...
「冇吖～」Emma帶住甜美嘅微笑擰擰頭～
『你...有鍾意嘅對象？』我繼續打量住Emma...
「嗯嗯～」Emma帶住甜美嘅微笑點點頭～
『咁你問佢咪得囉～』靚女有鍾意嘅對象，開口問就得啦～
「嘩會唔會好唐突㗎...」Emma睜大對大眼仔望實我！
『你同佢識咗幾耐吖？』我又打量住Emma...
「唔...」Emma咬住下唇諗一諗，「都唔係好耐咋...」
『咁你都係同佢熟啲先啦...』雖然話女追男隔層紗...
但識咗冇耐就表白，話唔埋個男仔見有女送上門，𡁻完鬆...害咗Emma就唔好啦...
「嗯嗯～我都係咁諗～」Emma帶住甜笑嘅笑容點點頭～
『我就唔係啲咩愛情專家～不過呢...又唔好真係太過熟...等陣Friend Zone咗就陰公豬咯～』戴返個頭盔先～
「仲話唔係愛情專家？成個愛情專家嘅口吻咁喎～肯定拍過唔少次拖啦～」Emma帶住甜美嘅笑容打量住我～
『No啦～我而家嗰個女朋友仲係我嘅初戀嚟㗎～』講起就丟架...
「咁係因為你長情同專一姐～」Emma咬住下唇，甜絲絲咁望實我～
『我吖？或者啦...』我都唔知算唔算係...
我只係覺得...一齊得嘅話...冇理由要分開吖...
「咁...如果係同第二個女仔...又或者下個女朋友呢？」Emma一面期待咁望實我～
『咁假設嘅問題...』就喺我都唔知點答嘅時候...
「傾咩咁好傾吖？」肥豬腦細由房走咗出嚟。
『哦...冇～傾啲公事姐～』我同Emma打咗個眼色～
「嗯嗯～飛揚教咗我好多嘢吖～」Emma又同我打咗個眼色～
「咁就好喇～融融洽洽～」肥豬腦細行到去Office嘅中間，「嗱～為慶祝Emma加入我哋呢個大家庭...我已經Book咗吉壽日本料理食放題喇～」
『好高興有你加入我哋呢個大家庭～』我同Emma互相對望～拍拍手～
「我都好高興可以加入你呢個大家庭呢～」Emma甜絲絲咁望住我～拍拍手～
「好～我哋出發！」肥豬腦細帶頭走向門口。
今次我冇再叫肥豬腦細帶銀包帶卡...一陣又唔知佢條仆街用乜藉口要我找數...
反正有啲嘢真係避無可避...就不如唔好避...
Emma都係跟住我後面行...
今次我故意行慢返少少...Emma就慢慢咁行到嚟我身邊...
而家嘅位置係...由左至右開始數起...肥豬腦細...我...然後跟住係Emma...
冇錯...我係夾住喺中間嗰個...
其實有啲奇怪...
我本來諗住留個中間位俾Emma行...
但Emma係選擇咗喺我右邊行...
咁有乜咁奇怪？
Emma同肥豬腦細係親戚嚟㗎嘛～我諗住就算Emma唔係行喺肥豬腦細身邊...都最起碼會行喺我哋中間吖～
咁講法...佢哋嘅關係唔算係太好？