《每朝起身，總會見到細妹著校服》: [Take 01－平凡一日] PART 03
喺㗎咁悶焗嘅巴士上面，我已經成條鹹魚咁黐埋喺塊玻璃窗...
冷眼望住前面...條MK學生妹盅吓盅吓...盅落190嘅年輕有型西裝友個膊頭...
再盅多幾吓...條MK學生妹直頭瞓落190嘅年輕有型西裝友個膊頭...成個人都挨晒埋去...
我呢？我呢？
我咪又係俾個又熱又臭嘅大肥佬黐到實一實囉...
唉...
我帶住厭世嘅心情，由屯門出到旺角...
又係咁...日日如是...是如日日...
行到公司間大廈...
殘殘舊舊咁...
「喂～陳生返工喇？」大廈嘅保安同我打個招呼。
『係呀...』唔係返工唔通走嚟撳鐘仔咩？！
入到升降機，又係俾班麻甩佬夾住。
我嘅一生，係唔係都要同啲麻甩佬糾纏不清呢？
上到去公司，望住塊玻璃門，裡面黑漆漆...
個死人光頭腦細就梗係冇咁早返工㗎喇。
門就一定係我開㗎喇。
唔係除咗我，仲有邊個？
“咔”開好門...
“啪啪啪”開晒燈...
放好個公事包就準備開工。
尋日起咗五個平面廣告嘅初稿...
三個刊物封面嘅第二、第四、第八版都Send晒俾啲客改...
四個刊物嘅排版都排咗...
七張炸彈都求鳩其咁搞掂咗～
咁今日就要...好似仲有兩個平面設計未起稿...咁起咗初稿先啦～
好！開工！
我每日就係要喺呢個豆潤咁細又冇嚟生氣嘅Office裡面獨自打仗。
間唔時仲要出去見吓客添！
喺我哋行內流傳一張圖，圖裡面嘅意思大約是咁的：
要平要靚就唔會快；要快要平就唔會靚；要靚要快就唔會平；要平要靚又要快？不可能！
而我就係將不可能變成可能嘅男人...
啲客個個都話又趕又急又要改改改改改九百幾次又要靚絕五台山！
最慘我人工先得嗰一萬鬆啲啲...
係鬆啲啲咋！
即係一萬一千都唔到嗰隻啲啲咋！
得嗰一萬鬆啲啲就要我做超人？
我仲唔係將不可能變成可能嘅男人係啲咩呀？
對住部爛鬼電腦畫畫畫畫畫畫畫畫咗半個鐘...
『仆你個街又Hang機！』
平時有人嘅時候我真係好少講粗口。
但對住部爛鬼電腦，我真係忍唔撚到！
畫唔夠幾筆就Hang一次...
畫唔夠幾筆又Hang一次...
日撚柒日都係咁撚樣！
工欲善其事，必先利其器！
人地做Design嘅就用Mac機，我做Design嘅就用爛鬼PC！
仲要行梗XP！
雖然D IT人話識得用梗係用XP。
但XP都係微軟嘢！
係男人一聽到“微軟”都唔老嚟啦！
你叫我點專心工作呀？！
畫多兩畫...
『妖！』正當我要Dom Mouse落街之際...
“叮噹”門鐘聲？！
九點七咋喎！
老闆唔係咁早返呀化？
平時佢冇十一點都唔見人㗎...
我起身望出玻璃門外...
有一個好似係著住DHL制服嘅男人...
唔係老闆喎...
我打開門：『師傅，有咩貴幹？』
「送貨嚟。簽收吖。」師傅已經拎定部機俾我簽。
『送咩貨呀？』我望一望一大盒紙皮箱，後面仲有一個師傅挨住喺手推車度印吓印吓。
唔係喎...呢箱嘢...咪係...
「呢度係唔係Good Bob Design...好波創意有限公司呀？」師傅望住部機問。
『係呀係呀...』呢箱嘢...明明就係...
「咁啱喇，27吋iMac。簽收。」師傅隊咗部機埋嚟。
係囉！明明就係27吋iMac！
唔講都唔記得添！
『呃...你哋尋日咪送咗...』我指指張...滿佈雜物嘅大檯...
點...點解會仲係...滿佈雜物...明明尋日...
「咩吖？快啲簽咗先啦...好唔得閒㗎...」師傅勁唔耐煩咁隊多兩隊部機埋嚟。
『哦...哦...』點會...
我望住張滿佈雜物嘅大檯...簽收完...
「放喺地下你自己搞喇...簽個收都呆吓呆吓...呢間公司請智障㗎？」兩個師傅邊走邊口噏噏...
冇理由㗎...明明尋日...點解而家又會...
我完全諗唔明...呆晒咁企咗喺度...望住張滿佈雜物嘅大檯...
然後...
“叮噹”又有人撳鐘。
我望一望玻璃門...
『老闆...』我立即開門...
『林老闆...』我帶住疑惑嘅眼神...打量住肥頭耷耳光頭黑框眼鏡老闆...
「做乜呆呆滯滯咁嘅樣吖？未瞓醒吖？咦？部嘢送咗嚟喇？」老闆望住盒紙皮箱。
『係吖...係吖...部嘢唔係尋日已經...已經...』我繼續呆晒咁...口噏噏咁...
「咩尋咩日，已咩經吖？」老闆摸摸盒紙皮箱。
『唔係尋日已經送咗嚟...』點解而家又會...
「咩尋日已經送咗嚟呀？你噏呀？尋日星期日你有返工咩？你放假放到懵咗呀？」老闆皺住眉咁打量住我。
屌你啦...點會係放假放到懵咗呀？係都係我返工返到痴撚咗啦！
不過...尋日係星期...日？！
「快啲執埋張檯上面嘅嘢去啦！」老闆指住佢間房出面，放喺角落頭滿佈雜物張四腳大檯，「我世侄女返緊嚟㗎喇！」
『世侄女？』唔係尋日已經...
係咯...今朝返到嚟都唔記得...（一個人工作得太耐...從來都只有我一個人工作...）
明明尋日就已經...返咗工...
「我有個世侄女嚟做...我星期五咪講過囉！」老闆皺住眉講。
『我知我知...』我都未講完...
「知就得啦！仲唔快快手手執好張檯佢！佢十點會上嚟㗎喇！」老闆係咁指住檯上面嘅雜物！
『哦哦...』點會...點會...
「仲有部Mac機...執好張檯就Set好埋部機...俾佢用㗎...呀係吖！買咗呢部Mac機今年冇花紅分㗎喇。」老闆一邊行入房一邊講...
花唔花紅都唔重要...（反正我有邊一年有花紅分過？！）
最大問題嘅都係...究竟而家係咩情況？！
望住檯上啲雜物...
望住盒紙皮箱...
點會咁㗎...腦細話尋日係星期日...今日唔係星期二咩？
點會...
我立即返埋位...撳返開啲Folder...
『冇...冇...』我一邊撳...一邊Check...
尋日起咗嗰五個平面廣告嘅初稿...冇...
尋日嗰三個刊物封面嘅第二、第四、第八版仲未Send俾啲客...
尋日嗰四個刊物嘅排版仲未排...
尋日嗰七張炸彈仲未求鳩其搞...
冇...冇晒...尋日做過嘅...全部都冇晒...冇做過一樣！
點會...點會咁？！
我再睇一睇右下角個日子...
『星期一？！』真係...真係星期一...
點會咁㗎？點會係星期一㗎？
明明尋日係星期一...今日星期二...尋日我咪返咗工囉...
點解...點解會...係唔係啲乜撚整人真人Show呀？！
我八八卦卦咁望望整間Office...
冇吖...冇啲隱蔽鏡頭影住吖...間Office豆潤咁細...一眼睇晒啦！
更何況...腦細又邊得閒玩埋啲戇鳩嘢呀？
唉屌唔好撚諗...都係執咗張檯先！（所有嘢都未做過...又要再做多次...）
我快快手手執好張檯...
仲要用1比99濕毛巾抹咗幾次...
再幫部27吋iMac開包...
幾經辛苦放埋部iMac上檯...整整齊齊放好晒Keyboard同Mouse...
搞掂晒...所有嘢都執好晒...放好晒...就好似尋日一樣...
望一望個鐘...9:54...
會唔會又係...同尋日一樣...一樣時間...
我望實道玻璃門...時間一秒一分咁過...
然後...我就望到玻璃門...有個身影...
“叮噹”門鐘響起...
我都未行前兩步...對腳仲係有啲震震軟軟...肥豬腦細就一個箭步衝咗出嚟...
「你嚟喇～入嚟先入嚟先～當自己屋企得㗎喇～」肥豬腦細披著人皮的豬扮狗...
我就行前兩步...再行出兩步...
「等我嚟介紹吓先～呢個喺我哋首席設計師，陳飛揚。以後佢會照顧你㗎喇。」肥豬腦細個豬身一移，我再次見到一個...發光嘅天使出現！
長長嘅啡色秀髮，斜瀏海配上髮尾帶少少卷曲...高貴得嚟又不失少女氣息～
同尋日一樣...一樣妝扮...
一雙大眼睛將男人嘅靈魂盡吸...
天工手藝...
雪白嘅面孔透出淡淡嘅粉紅...
半點人造粉都冇喺面上...
不帶半點人工修飾...
傳說中嘅裸肌...
雪白嘅肌膚由面部一路向下伸展，配上純白色嘅雪紡吊帶長裙將玲瓏浮凸嘅身段若隱若現...
一樣...同尋日一樣衣著...
底裙只係去到大髀再上少少嘅位置...
將修長嘅美腿令人更“慾”罷不能！
神來之筆！
可惜嘅係...佢高我足足一吋咁多...
唔係...佢唔係高過我...只係...
「你好～我叫李家敏Emma～請多多指教～」Emma伸出右手...
Emma...呢個睇起上嚟...有啲似日本妹嘅Emma...明明尋日我哋就...就已經介紹過...
『你...你好...叫我飛揚得㗎喇...』我握一握Emma隻手...
我握住Emma隻滑過Ashlynn對大髀嘅手仔...
我都唔記得介紹返...Ashlynn係我女朋友...
不過呢啲都唔重要...
我而家眼前嘅Emma...真係好似第一次見面咁...
輕輕摸多一摸...疑惑咁打量住Emma...
今日真係...
「咳咳！」肥豬腦細咳咗兩聲...「你握完未呢？」
我立即鬆開手：『So9...Sorry...Sorry...我...我尋晚唔係好夠瞓...係喇我尋晚唔係好夠瞓...』
雙手喺自己大髀度搓吓搓吓...
一定係我尋晚唔夠瞓...所有嘢都係幻覺嚟㗎姐...嚇我唔到嘅...
Emma好似唔多介意我有意無意淫慾佢隻粉嫩小手，仍然面帶笑容。
「咁我交Emma俾你喇。Emma有咩唔明問飛揚喇。」肥豬腦細交低完就急急腳走入房。
交俾我...得喇得喇...放心交俾我...
『Emma...你個位喺呢度，隨便坐得喇。』我帶到Emma去佢自己個位...就好似尋日咁...
Emma好有儀態咁坐低後：「咁我要做啲乜呢？」
『呃...你不如先上上我哋公司個網，睇睇我哋公司嘅資料先～』老老實實有乜好睇？
放得上網嘅都係表面嘢，吹水嘢！
只係...我真係唔知俾得啲乜佢做好...
我真心唔覺得一個富三代...仲要靚女成咁...可以做得啲乜...
「嗯～」Emma回答完我之後，自動波開著部iMac。
“登！”一下沉重嘅開機聲...
係喎！又唔記得咗添！
『我仲未幫你做Setting，不如等...』我都未將句說話講完...
「你俾個Wi-Fi Password我就得㗎喇～我自己搞得掂～唔使照顧我～」Emma咪咪嘴笑～
真係好Pure好True...
『哦...咁好喇...咁你自己慢慢...』我都係唔好理Emma咁多，無啦啦又要做返尋日做過嘅嘢...
坐返埋位之後，偷望一下斜對面嘅Emma...
由於我個Mon用嚟擋住大門，我哋又冇Partition隔開，所以我可以好清楚咁望到Emma嘅七三面...
又係以呢個視角...偷窺Emma...
最重要嘅係仲望到檯下嘅雙腳...
我一直偷望Emma對腳...
Emma對腳喺檯下面搖吓搖，擺吓擺吓...
再望落啲...Emma其實係著咗對三吋高嘅純白色高踭涼鞋...
冇錯...尋日我就留意到Emma其實唔係真係高我一吋...應該比起Ashlynn仲要矮啲...
我一直望住Emma啲腳趾...
腳趾掃上一層白色嘅腳甲油...
Emma一路搖對腳，啲腳趾就搓吓搓吓咁...
同尋日一樣...完全一模一樣...
又係令我聯想到...放條J落佢腳趾度Chok...
J腳就J得多...
真係想試試J腳趾...
諗多兩諗...我下面又扯扯地...
再望上多少少...
望到被透透地嘅白色雪紡長裙輕輕蓋住嘅小腿...
Emma搖一搖對腳，長裙就磨一磨對小腿...
再擺一擺...又磨一磨...
越望...我下面就越硬...
Emma真係好正...一直都只係得我一個喺苦悶嘅空間自己工作...突然出現咗一個天使一樣嘅美女獨處喺呢個細小嘅空間...
我望多兩望...望返上Emma塊面...
我見到...Emma雙眼...
四目交投！