只想和你愛一次: 10. 被遺忘的故事 (十)
“過了十分開心的兩個月後，我們各自便踏上了全新的環境，那時為了減少引誘，我還故意選了一間男hall入住，只可惜這也改變不了我們逐漸變得疏離的命運… 到現在，其實我都仍然不太清楚到底你最後幾個月究竟發生了甚麼事... 有時我都會懷疑，就算比我時光以倒流可以讓我重新來多一次 ，我又是否真的可以改變你離開這結果? ”
上到大學後的壓力比我想像中大很多，最重要是當見識到世界有多大的時候，我才意識到自己有多廢。我記得你入了大學一段時間後曾經都和我說過類似的說話，原來以前大家都只是井底之娃。
為了不被其他同學拋離，我只能不停努力，而維持努力的背後，我其實很需要你的支持。初時我們都能夠保持以往那樣經常溝通，但慢慢地大家好像都因為生活的改變而忽略了雙方的需要。而當這忽略成為了習慣，那它就會變成了日常，然後自然地讓我們的關係變得疏離。你知嗎? 當我習慣了沒有你，然後變成不再需要你，那麼我們這段關係可以說已經是步入了死亡。
還有一點我初時其實沒太為意，之後亦一直沒告訴過你，是隨著我接觸越來越多的叻人，以前對你那種偶像式的欣賞和崇拜亦不知不覺被淡化，我不會再有覺得自己配不上你這些想法了… 當然這有部份亦可能是因為隨著我們一起的時間越來越長，我已完全適應了自己身份的關係所致。
而就在我已經慢慢習慣了不再需要你的時候，另一個人的出現代替你給了我需要的。
在我們最後一起過的復活節，甜蜜的感覺把我們的距離拉回不少，而且當知道你暑假會來英國時，我真的很期待和興奮，整天都不自覺地在手舞足蹈。只是過了不久，我們好像很快又再回復到原狀…
不過無盡的projects和assignments，令我也沒有甚麼時間去思考這問題，只是每逢稍為能歇息的時間，慢慢地我由想起你想見你，變成了沒有想起你而只是單純想休息。而有天就在我忙得焦頭爛額的時候，突然收到Sam的SMS。
「Ada，我下星期嚟開London探朋友，之後會stay幾日呀，得唔得閒見下?」
「你到時再搵我啦，我近排好忙， 可能真係無時間理你… =(」
「唔緊要，到時再約啦。」
一星期後
Sam:「我係London喇，could have dinner tonight?」
「ok ar，不過喺我大學campus食ok嗎?我仲趕緊份功課呀…」我勿勿回應。
Sam:「當然無問題啦~」
當我到餐廳時Sam看似已經等了很久。
「Sorry呀，做做下無留意時間遲咗…」我抱歉說道。
Sam:「唔緊要我都係啱啱到咋嘛， 我要多謝你百忙中都仲抽空嚟同我食飯先真~」
我:「講哩啲… 過門都係客嘛 ，哈哈~」
Sam:「你睇你個黑眼圈，真係捱殘晒喎…」
我:「無計啦… 有時都真係好辛苦，一陣仲要返去繼續砌個model呀…」
Sam:「你咁忙咁Elven點算?」
「哈，佢可能都不比我輕鬆，我地依家有時一星期先聯絡到一兩次咋…」我苦笑道。
Sam:「咁有啲難攪喎… 好彩你地感情夠深唔驚~」
「你又點呀? 前排散咗幾時搵返個新㗎? 需要介紹出聲喎，我有啲同學都ok㗎~」不想提及和Elven的問題我轉移話題道。
Sam:「隨緣啦…哩啲嘢急唔嚟嘅~」
晚餐在輕鬆愉快的氣氛下進行和完結。
「好啦，我要返去繼續努力喇，你住邊呀?」
Sam:「返返去個friend度瞓囉，你個model有無嘢我可以幫手呀? 反正我無嘢做，又費事太早返去阻住個friend同佢女朋友啦~」
「又真係幫到手喎! 咁快啲行啦~」已是老朋友加上確實有需要所以我並沒有和Sam客氣。
結果他一直幫我幫到差不多第二朝天光…
「嘩… 原來做到第二朝喇，sorry呀，搵咗你笨添， 我請你食早餐啦…」我不好意思地說。
Sam:「唔緊要，我覺得好好玩喎~ 不過好似仲差好多，你攪唔攪得掂呀…」
「唔掂都要掂啦，得返三日做咋…」我苦笑道。
Sam:「一係哩幾日我幫你一齊攪掂埋佢啦，橫掂我都開始熟手哩啲手作仔喇，唔好浪費嘛~」
「你真係無嘢做咁得閒?」我疑惑地問。
Sam:「無呀，本身之前完咗個test同assignment都係諗住嚟哩邊抖下咋嘛~」
「咁就唔該晒你喇… 做完請你食餐好嘅!」 確實我是有點擔心自己趕不及完成份功課，所以順勢找了Sam繼續幫手。
那幾天我們基本上都是日對夜對一起做這份功課，他真的幫了我很大忙，而且一路有人陪著談天感覺亦沒那麼辛苦。頭一晚他就睡在我房地下，但之後因為睡得太少太累，我有點不好意思所以第二晚便讓他直接和我一同睡在床上，當然我們都真的只是純粹睡覺，甚麼事也沒發生。
三天後，我們總算把這份功課完成。
「終於攪掂喇! 唔該晒你呀，無你我真係唔知要用多幾多時間…」完成一刻我由衷感激說道。
Sam:「傻啦， 我都係第一次砌哩啲 model，幾好玩呀~」
我:「當你成日都要做就唔會覺得好玩㗎喇…好累喇， 返去補補眠我地今晚出去食餐好嘅!」