只想和你愛一次: 5. 真相
很擔心這幾天會是大家一起的最後日子， 接下來的行程Elven和Ada每天都過得很甜蜜， 彷彿回到大家剛剛一起的時間。 Elven很害怕失去Ada， 所以他盡最大努力去愛和呵護Ada， 希望能感動她讓她回心轉意。 他相信只要Ada還喜歡自己， 他便還有機會。
這幾天他對Ada 無微不至的照顧， 把她捧在掌心般疼錫，讓大家很多以前的感覺都回來了，他自信Ada對分手這決定是越來越動搖。
一切看似向著好的方向進行，但二人的旅程最終還是來到回港前的最後一晚。 這一晚， 他們分外纏綿， Elven近乎瘋狂地在Ada身上耕作起來， 彷彿要把自己對Ada所有的愛透過動作全貫注到Ada身上。 Ada亦十分配合， 緊抱著Elven的同時亦不停扭動著自己的腰肢去迎合這身上的男人， 一邊熱烈地接受著這男人對自己恩寵， 一邊也想用自己的愛去包容著對方的一切…
不知結合了多少回， 在少歇了一會後 Ada拖著仍在微微發抖的雙腿到洗手間裏沖洗，而Elven則拿起手機一臉滿足地挨坐在床頭。 突然， Ada在床頭櫃面的手機震了一震。
Sam: 「I miss you…」
下意識側頭望到這訊息， Elven完全不能相信自己的眼睛。 聯想起之前Ada的private posts以及提起Sam時對方略為不自然的反應， 突然間他明白了自己和Ada中間真的出現了第三者， 而且這第三者竟然還是自己一直的好兄弟…
當腦裏正不斷產生了一個又一個的疑問， Ada亦從洗手間走回出來。
「可唔可以解釋下?」Elven把電話遞到Ada身前，強逼自己冷靜地詢問著。
「我地無野架…」Ada呆了一呆，然後略帶點慌張地回答。
「幾時開始㗎?」Elven問了另一條問題。
「我地真係無野㗎!」Ada焦急地澄清。
「上次佢嚟搵你嗰陣?」Elven再問。
「你信我啦， 我地真係無野㗎! 我無做過任何對你唔住嘅野…」Ada慢慢己經轉變成近乎哀求的語氣。
Elven:「你行為上無對我唔住， 咁心有無?」
沉寂了近乎半分鐘， 「我…唔知」Ada終於答道。
「佢主動定你主動?」Elven開始不能再保持冷靜地問道。
Ada: 「…佢」
「好! 我真係好天真! 鄧詠欣， 我真係從無諗過你地會咁對我... 一個係我女朋友， 一個係我好朋友， 嗰陣你同我講佢嚟搵你， 就算會住喺你哩度， 我都從無擔心過， 因為我信佢唔會做傷害我嘅野， 更加信就算有其他人追你， 你都一定唔會背叛我… 結果呢? 我真係覺得自己好可笑， 我啲自信到底係喺邊度嚟㗎…哈哈哈…」Elven開始陷入崩潰的狀態。
「所以甚實哩個先係真正想分手嘅原因?」沉寂了一段時間後Elven又再問。
「唔係， 唔關其他人事， 係我地自己嘅問題…」Ada立即回答。
「上次佢過嚟嗰陣， 我仲為緊我地嘅問題而唔開心。嗰陣我好辛苦， 好想見你， 好想同你傾計， 我好累好想你可以陪住我， 但我唔知我地仲可以點行落去。 我同佢講咗我地嘅問題， 甚至講咗我有諗過分手嘅念頭。 但我嗰陣對佢係完全無野㗎， 純粹因為佢識我地兩個識咗咁耐， 了解我地所以我先好放心咁同佢呻下。
佢嗰陣都係安慰我， 叫我搵機會同你好好傾下。 不過之後佢好似開始對我越嚟越好， 就算返返去Birmingham後都不時會關心我同我傾計。 我當時完全無諗過我地會有野發生， 所以都好放心咁同佢繼續傾， 無諗過要避忌。 直到有日，佢突然過咗嚟搵我， 我地食完飯後佢就突然攬住我仲同我表白，話其實由中學嗰陣佢己經鍾意我…
嗰一刻我潛意式想推開佢， 但推唔開下慢慢我發覺我自己對佢原來都有啲感覺…
不過之後我都同佢講我唔會背住你同佢一齊，而且因為大家嘅關係，就算最後我地分咗手， 我同佢都唔適合一齊。 佢聽完後表示明白，於是我地就繼續做返朋友…」隔了一會Ada又再補充。
Elven聽完後 總算明白了真相，然後他又陷入深深的自責當中。
對Ada， 他並沒有半點怪責， 反而覺得是自己咎由自取。 如果自己之前能著緊多點Ada， 關心多點Ada， 早點發現問題， 這件事情根本就不會發生。 Ada的變心， 完全是自己一手一腳造成。
「對唔住， 我知係我唔好令你受苦， 我真係會改唔會再比你難受㗎， 你比多次機會我， 唔好分手啦…」Elven再次把Ada抱實然後說。
「唔好咩都攬晒上身啦， 件事我都要負上好大責任… 其實我都好難受好憎自己咁樣， 你再比啲時間我，我地返到香港先再算，好無? 好夜喇， 明天就要返去， 我地早啲訓啦。」見Elven完全沒有責怪自己的意思還不停道歉，Ada亦確實感動回抱著Elven說。
「好啦…」Elven無奈應道。
不過這晚大家都不能順利入睡。 冷靜過後， Elven雖然對Ada沒半點怨恨， 但 Sam的行為， 卻深深刺痛了他。
(霍振東你個仆街， 我當你係兄弟， 你就背住我撓我長腳，我信錯你呀! 明知Ada同我一齊緊仲send個咁嘅message過嚟， 你嘅意圖其實都好明顯啦…) Elven默默想著。