只想和你愛一次: 3. 心如刀割

Ada的說話讓Elven的腦部像瞬間被斷了線不能反應，然後當線路突然再被接通時他就感覺到自己的腦內好像有某種東西瞬間被炸開了一樣。
 
他有想過Ada可能是想埋怨他大家相處時間少， Long Distance戀愛很辛苦， 又或是想長遠點討論關於大家將來的打算， 甚至是想向自己炫耀一番有很多狗公正熱烈追求她，唯獨分手這選項是他從沒有想過的。
 
也許是大家一起已經太久， 也許是Ada一直對自己都很好， 這一切都讓Elven把她視為理所當然失去了危機感，從沒想過對方會有想離開自己的一天， 以至於聽到這訊息後的數十秒裏， 他腦海都只能一片空白。
 
他知道自己錯了， 而且還是錯得很離譜那隻…
 
 
「原因?」Elven略帶口震地問道。




 
「我其實一直都覺得好辛苦好孤獨， 好多個夜晚當我一個人做功課做到好夜好累， 想搵人陪我傾計， 我發覺我係搵唔到你， 你亦無可能喺我身邊陪住我... 我知你都好忙， 大家生活都唔同左好多，我唔可以怪你， 因為同樣地我知當你需要我嘅時候我都一樣唔可以喺你身邊陪住你...
 
事實上我都仲係好鍾意你， 但我真係唔想繼續咁落去， 我唔想有男朋友等於無男朋友， 我覺得好辛苦好唔開心。 我掙扎咗好耐， 亦都好唔捨得， 但最後我覺得自己真係需要去改變現狀…」Ada邊哭邊說著。
 

時間確實會讓人變得善忘，就連一些最基本應該要留意的事，時間久了也會像被視為日常擺設而讓人不自覺被忽略掉。

 
「對…唔住…我真係唔知你原來一直有都咁難受… 係我疏忽， 我衰， 我唔夠關心你， 一直忽略你感受… 點解你唔早啲同我講， 要到直接下咗決定先講呀…」聽到Ada的自白，Elven覺得很內疚，只能不停道歉。
 
「我有想同你講， 不過你成日好忙， 到你臨近比賽或者考試我又驚影響到你， 結果就一直無講… 不過你諗真啲， 我係咪真係完全無同你講過? 知唔知點解我會將自己Xanga同Email嘅password比你?」Ada解釋。




 
“我好掛住你…”
“趕咗幾晚通宵終於做完啦， 你幾時得閒同我傾下計呀~”
“Honey， 我好累好辛苦想放棄喇…”
 
聽到Ada說話，好多當時不為意的message突然浮現在Elven腦海當中。
 
對， 原來警號一早已經出現， 只是自己習慣了安穩，危機意識太低所以一直沒有為意…
 
「我會改， 我真係會改， 我以後會好好對你， 唔會再比你孤單一個㗎! 你信我比多次機會我啦! 求下你，我地經歷左咁多野唔好咁易放棄呀…」Elven很焦急地說道。




 
「太遲喇… 本身我係諗住同你開開心心過埋衣十日， 等返香港之後先再同你講， 不過依家… 點都好， 我仍然好希望大家可以好好珍惜餘下嘅日子， 繼續開開心心過埋依幾日， 留個美好回憶比大家， 好唔好?」對於Elven嘅懇求Ada並沒有心軟。
 
「唔好! 我唔要分開…我唔要呀!」Elven並沒有放棄繼續哀求道。
 
Ada沉默了沒有立即回應，整個空間就只剩下Elven焦急凌亂的呼吸聲。
 
「我估你都要啲時間消化下， 我都要， 我地今晚都係冷靜下先啦…」隔了數十秒後， Ada再次打破沉默說道。
 
之後 Elven 和Ada一直都再沒有說過話，洗完澡後兩個便靜靜躺在床上睡覺。 過了不知多久， Ada睡著了， 但Elven睡不著。 他下床打開了Ada的notebook， login了Ada的Xanga， 然後發現這幾個月原來Ada有很多的private posts， 只是自己太久沒有login 所以一直沒有察覺。
 
“是不是熱情過後總會回歸冷淡?”
“不打擾是我的溫柔”
“誰來愛我”
“真係傾兩句都咁難?”




“疏離未必是最可怕， 習慣了才是”
 
每看一句， Elven都覺得自己的心臟被割了一刀。
 
“點解對我咁好嘅唔係佢”
“他真的緊張我嗎?”
“壞女孩”
 
再看下去， Elven突然發現了近一個月Ada開始有一些自己看不懂的private posts。
 
----------
 
「如果有第二個男仔想追我你會點?」
 
突然間， Elven醒起了之前Ada曾經有日問了他一句。




 
「我咁好， 你點會捨得唔要我呀~ 我信你唔會鍾意第二個㗎~」Elven那時話自信滿滿地回了一句。
 
Ada:「咁如果我同你講我對佢都有好感呢?」
 
Elven:「傻妹， 就算有我相信你都會為咗我懸崖勒馬將佢扼殺於無形之中嘅~」
 
----------
 
 
(白痴! 當時我仲以為佢只係想考驗下我，我到底係邊到黎嘅自信呀...  點解果陣我咁都留意唔到?  原來7年真係會完全磨蝕晒我嘅危機意識…)
 
Elven突然明白了甚麼。
 
其實有幾次， 他都有想過login Ada的xanga 看看， 不過每次拖著拖著最後就都不了了之。




 
(如果我對佢多啲關心， 少啲大安旨意， 就唔會去到哩個地步先發現…  Ada比咗咁大安全感我， 但我又比咗啲咩佢?)
 
Elven陷入深深的自責。
 
 
(真係有第二個出現? 到底係邊個?)
 
Elven很想叫醒Ada問清楚， 但話去到嘴邊，卻不忍心喚醒她。
 
又或者只是因為一日未確認， 一日Elven還可以欺騙自己， 不用接受這個殘酷的現實。