《我追咗一個女仔好耐，最後...》: 第二十六章

經過那天後，原本和Jacky在學校二人午餐的日常，增添多二個位置。Eddie每次都帶自己一個兄弟陪我吃飯，他叫Dan

Eddie告訴我因為阿Dan對Jacky頗有好感，便借他之手近水樓臺先得月。事實上他們簡直旁若無人，聊得起勁。

「喂你睇吓佢哋兩個傾得幾好？我哋算唔算做咗一次丘比特呀？」我小聲問Eddie

「不過我都想同妳食飯嘅...」Eddie偷偷告訴我，難得真心。

「真係咩？咁我都想同你食飯啦。」我甜笑道。





「不過點解你食得咁唔健康㗎，又食炸雞薯條。」他抱怨。

「我又唔肥怕咩喎。」我一臉輕鬆地說。

我要喜歡那些垃圾食物，而且個人體質不怕肥，更不會用滿面青春痘。對於自己身材上還是相當有自信。

「我幫妳撕走啲雞皮啦，咁熱氣。」我搶走我的外賣袋，細心者我撕走雞腿上任何一處肥油和脆皮。

「哼，乜你咁煩㗎。」我扁嘴投訴。





「為妳著想咋，咁都唔珍惜。」他淘氣地拿油淋淋的手塗在我臉上，依舊改不了喜歡玩弄我的性格。

「喂呀！好核突呀衰人！」我也不甘示弱，捉著他的手回攻嬉戲一番後才發覺坐對面的Jacky和Dan正不懷好意對著我們笑。

「有啲嘢喎你哋」阿Dan說。

「咩呀，你哋兩個咪又係餵對方食嘢～而家好熟咩？」Eddie質問，兩個大男人就這樣你一言我一句爭論不休。

「好啦兩個，夠鐘上堂啦。」我提醒兩個大孩子。





往後的每一天，我們四個都同聚一枱，即使假期時間也不例外。地頭蟲Eddie帶我走遍倫敦特色地方，樂此不疲。時間的推使阿Dan和Jacky的感情更加深厚，最後發展成情侶。

「講樣嘢俾妳知吖，我哋一齊咗啦。」我第一次見到Jacky笑得燦爛無比，整日不間段地傻笑。而且時不時就在我耳邊表揚阿Dan的優點。

「佢平時雖然係呆呆地，又唔知我點諗。不過佢真心對我好，夠曬坦白，結婚之後一定好好啫！」竟然聯想到結婚了...

「妳會唔會諗太多啊？啱啱先一齊咋。」我個人認為太早拍拖的人最後大多分手收場，試問天下間有幾多情侶能一生一世？作為Jacky的好閨蜜我絕對有責任提醒。

尤其是我經歷過和初戀分開的痛苦...
這幾個月來Eddie對我雖有發動攻勢，但皆因我心裡存在的結。

不過這裡是外國，說這些避免太多餘。
「諗得太多嗰個好似係妳喎老友。」她回應。

說得也是，我就把心中所想吞下肚，好好祝福她們。