《我追咗一個女仔好耐，最後...》: 第二十四章

得知要進去陪小朋友玩耍，我趕快整理儀容，準備好精神陪同Eddie 進去。還沒開門就有一群小朋友衝出來抱住Eddie，場面非常熱鬧，更多是溫馨。

「Eddie 哥哥！我哋好掛住你呀！」

他將小朋友一個一個抱起，像是一家人，原來Eddie平日最喜歡陪小朋友玩耍。他怕孤兒院的小朋友生活過悶，揭盡所能為他們帶來樂趣。更加希望能填補他們缺失的愛。

「我都係呀，不如我哋快啲入去先！個個要做曬功課先准同我玩㗎。」

結果我們一整天都留在孤兒院，從學習到照顧小朋友Eddie都一一包辦。常說認真做事的男人最有魅力，我想我大概知道是怎麼一回事了。因為專心教功課的Eddie很...有型。





在學校裏看似花心，玩世不恭的人私底下原來富有愛心，眼神也特別有吸引力。

我就如班中的女同學一樣痴痴地看著Eddie，敗倒在他散發出的光芒之下。

雖然不想承認...

「喂妳做乜成日望住我啫。」他轉頭看向我。

「我望緊Simon咋嘛，你睇吓佢幾可愛。」我指向他旁邊的小朋友。





「唔好望住啦，快啲幫佢哋做埋啲功課我就表演魔術㗎喇。」

「魔術？」我小時候覺得魔術這種東西很神奇，但出於對職業的尊重自然不會刨根問底。

「我唔識㗎，我靠啲道具表演咋嘛，妳個樣好似特別興奮嘅。」Eddie 偷笑。

「冇呀！」我的微表情已經出賣自己。

「唉無辦法啦我咁靚仔係應該望多兩眼嘅。」他趾高氣揚的態度還是讓我非常激氣。





「好煩呀你！」

我這次真的感到生氣，在他表演魔術時也是不理不睬。Eddie 看出我心有不快，立刻用小毛巾變出一朵白玫瑰送給我。窗外剛好有隻蝴蝶飛進來，依附在花瓣上。

「鮮花蝴蝶襯美女，係我口臭，唔好嬲啦。」他單膝跪地，模仿史力克裡的長靴貓瞪大水汪汪的眼睛裝可愛。

見此情景，我也不得不消氣。
「唔嬲你啦。」我笑笑道。

一天的義工很快便過去，我們告別一眾孩子後就離去。心情大好的我回家路上一直哼著歌，和Eddie 並肩而行。

「喂...下次再同我一齊陪佢地玩好唔好啊。」他試探式問我。

「考慮下先～」我故意加快腳步，打算戲弄他一下，誰知道Eddie 這個人就是不慢不急，又將我一軍。





「咁算啦唔勉強妳，下次我搵第二個女仔去。可以搵Jessie 啦Mary啦甚至呼Cherry添。」

「哦！你以後都自己去囉！我返屋企！賤人！」我感受到莫大的侮辱，直接跑走了。

一連數日，我又回到最初無視他的狀態。本來都快要對他改觀，他又再次突出自己死要臉的性格。完全不顧及我感受！差勁又賤格！

可是結局...我又一次被他攻陷。