《我追咗一個女仔好耐，最後...》: 第十二章

「買啲嘢食啦，今晚返去我煮。」袁生找到一間超級市場，推起購物車純熟地選食材，情況好像經驗豐富的主婦。

袁生對我的態度從昨晚到今天有所不同，一開始是冷漠，然後
得知我分手後轉換成柔和關心，現在欣賞完瀑布後又有點奇怪。完全不問我意見，走在最前帶領我，真正的袁生是什麼性格我實在看不透。

「買呢個...仲有呢個，跟住買埋呢個...哇好似貴得濟。」他沒有理會我，專心挑選食材。

「喂思思！妳今晚飲唔飲紅酒啊？」他突然問。

「吓？哦...飲囉。」





揪住兩大袋的食物，我們又回到宿舍，在公共廚房準備今晚的晚餐。看上去袁生基乎沉醉於煮飯，沒空理會我，而且還開始哼起歌來，我所了解的袁生不像是會如此放鬆的人。

他只需要我坐在椅子上等待他為我煮的聖誕大餐，一會兒桌子上便放著各式美食，主菜是...一碗公仔麵。

放上刀叉、點上舊式蠟燭、在頸上圍上餐巾、最後倒上已經醒好的紅酒。袁生坐到我對面，滿面笑意地看着餐桌上的牛排、抄菜，公仔麵。

袁生舉起酒杯，緩緩道。
「思思，聖誕快樂！」





對於他今天各種反常，我終究忍不住問。
「其實你今日做咩事？你唔似係一個...」

他揮手示意我停止話語，思考了片刻，徐徐道。
「我睇落去唔似一個咁樂觀，活潑嘅人係咪？妳諗得我無錯啊，我的確係一個好容易就睇唔開嘅人，好難喺一件事入面抽離。正係因為我自己太悲觀，所以想妳好。我係對生活無乜新鮮感，亦都無試過好鍾意一個人，不過想我希望我可以感染妳。有啲事可以留戀，生活要繼續，係咪？」

我明白他意思，知道他用心，豁然開朗。
「多謝你。」

「有咩唔開心都好，過個好節日食啲好嘢，唔洗諗太多。」





解決我心中疑問後，我放開地享受今年的聖誕。

舉起酒杯
「聖誕快樂。」