我在召妓中重遇初戀: 薯皮C

兩個月後, 我放棄了, 我前前後後搵咗你六個月, 一啲消息一啲線索都冇。 

有一日, 我見到一個以前一齊番薩莉亞既舊同事薯皮C。

 估唔到佢遙遠已經認得出我, 佢見到面目全非既我, 行過嚟問我 

「哇! Roy 點解你變成咁既, 你受到啲咩打擊呀?」

我睇我出佢真係好關心我 



「Er… 你知唔知Hailey 既消息呀?」 我把聲已經變得沙啞 

「吓! 你話比我聽咩事先!」 於是我就將我嗰幾萬字既經歷同咗佢講, 講到最後我已經聲嘶力竭, 淚水已經不受控制了。 

「對唔住呀Roy ! 我無佢消息呀, 但係都過咗咁耐, 你應該要放低佢。無論佢咩情況都好, 佢都唔想見到你依家咁既樣, 你咁樣你覺得佢仲會鐘意你咩, 人無事先做到世界第一嘛。 精神啲! 」 薯皮C 安慰我 

我仍然係度喊緊, 我知道我依家個樣一定好肉酸, 好核突, 但係我真係控制唔到嘛。

 之後嗰幾日, 帶著天使光環既薯皮C 日日都聽我係度呻, 佢完全做咗一個社工既角色, 日日都喺度開解我, 其實我知架, 薯皮C為咗安慰我, 佢連幾篇文都唔夠時間打, 日日都被讀者催更。



 我真係對佢唔住, 但係好彩佢喺度, 我先可以重新振作。