我在召妓中重遇初戀: 岩布仙尼

「我係咪可以打開喇?」我好奇地問 

「係呀, 送比你架!」 佢答 

我一打開個蛋糕原來唔係即場買架, 蛋糕係依個Melody 蛋糕 , 一見到唔係即場買而係訂既, 我個心好似比佢融化咗咁,。 

喺依一刻, 我只得一句說話, 我好愛佢。

 「做咩呆咗呀, 係咪唔靚呀?」見到我呆咗, 佢有啲驚 



「唔係呀, 我好鐘意呀, 我未試過有人會買個蛋糕比我食, 我好感動!」我真誠咁講 

「你鐘意就好喇! 」佢對我嫣然一笑 之後佢對我唱生日歌, 但係佢要我好似岩布仙尼咁自己要唱埋一份。 

「 祝你生日快樂! 」終於最後一句喇, 我終於明白岩布仙尼既感覺 佢想叫我切蛋糕,

「喂, 你未同我影相喎!」 好彩喺切蛋糕前叫停, 重要既事緊係要影相留念 

「三、二、一... 咔擦! 」 我同佢第一幅合照就咁誕生。



 相入面我地之間仲有小小距離, 我笑、佢笑得更甜。    

 佢食咗個蛋糕八份之一, 我食咗蛋糕既八份之七。 

我頂住肚子咁同佢分別 

「好多謝你今日過嚟同埋訂個蛋糕比我!」我由衷地說 「你鐘意就好喇!」

佢笑多一下 



如果要喺依個世界上揀一樣野比我睇一世既話, 我大概會揀你那個真摰天真既笑容。