我在召妓中重遇初戀: 屁孩聚會

跟住落嚟第二日既晏晝, 我整咗一份魷魚筒飯、一份漢堡配雞翼。 

Hailey 遙遠已經聞到香味, 「嘩! 你真係整埋比我食架? 」佢開心嗰個樣已經表露曬出嚟。

 「緊係啦! 大丈夫一言既出駟馬難追嘛!」見到佢開心我都開心曬。 

「好唔好食呀?」 我問佢 

「好好食呀! 好耐冇食過咁好食既野喇廚神!」 佢食到lam lam 脷 





跟住落嚟個幾日我整咗綠茶意粉, 特製芝士薯仔, 三文魚意粉, 炒飯等奇怪料理。

 但係Hailey 佢每次都好棒場, 整親啲咩佢都覺得好食, 搞到我每日番工既動力就係去煮一個美味既Lunner 比佢。

 過咗一個禮拜後,我先發現我冇佢電話號碼, 我又要諗方法拎佢個number 番嚟。

 其實薩莉亞個群組入面有齊曬所有人既電話， 而我都知佢電話係既多號。

 佢Whatsapp Icon 係一隻可羅米, 其實我鍾意Melody多啲, 但係我都張我個頭像轉做巴庫, 希望佢會留意下啦。





 今日又同佢一齊食呢個Lunner, 菠菜芝士薯仔加煙三文魚焗飯。 

「係呢, 你電話幾多號呀?」 我一路問路避免發出Jap Jap 聲 

「你係個群組入面搵下咪知囉!」佢調皮地答 

「依個群組大拿拿五十幾人, 我以為個姐係你既話咁咪出事!!!!」我笑笑答 

「哈哈哈哈.... 哈哈哈哈...」佢笑到見牙唔見眼 





「有冇咁好笑呀? 小屁孩!!」我取笑佢 

「邊個屁孩呀, 你就屁孩, 你唔引我笑咪得囉!!!! 拎部電話嚟! 」佢伸隻手比我 我沒有作出任何反抗就雙手呈上我部電話。

 佢按咗兩按就比番我, 我拎到時一睇, 原來佢已經將佢自己個號碼set 咗落去。

 個名仲叫靚女Hailey。

 我無言...

「將自己叫做靚女係屁孩先會咁做! 」我挪揄佢 

「屁你個頭呀, 本身想同你講一樣野, 依家唔講lu ~~」 佢用得意洋洋既表情同我講 

賤女人.......

「對唔住呀靚女, 我先係屁孩呀, 大人有大量呀...」 我用一個哭腔同佢講 

「哈哈哈...哈哈哈... 你好攪笑呀 ! 好啦,我講喇, 其實呢... 唔同你講喎!」佢又偷笑

 佢笑雖然癲但係很美, 但佢都好記仇下喎。 

「唔講就算! 」 我再冇精力同佢傾落去喇 

「小屁孩, 你嬲呀, 唔好嬲啦, 靚女姐姐同你講喇, 其實呢琴日係我既生日喎!」佢同我講 

「生日!!!! 你生日! 噢 ! Er… 呀... 生日快樂呀 靚女妹妹! 」我有啲生硬咁講 

「多謝! 點解叫我妹妹既? 你大個我呀?」 佢一路甜笑一路講 





「係呀, 我大個你呀! 」我講完行咗去收銀個位置, 拎咗張紙喺上面寫咗畫咗啲野就番番埋位。

 「嗱, 生日快樂, 送住呢個生日蛋糕比你先, 一定有機會送個大蛋糕比你,靚唔靚呀?」我將啱啱畫咗喺張紙上面既蛋糕送比佢。 

「哈, 嘩! 估唔到你畫畫都有番咁上下水準喎! 你應承送個蛋糕比我架!!!!!」佢一次比一次笑得更燦爛

 「Okay 我會架喇!」 講完又夠鐘番去做野喇。