我在召妓中重遇初戀: 初次見面

我立即從那些思想中返回現實, 清一清喉嚨, 「是咁的, 想當年......」

 當年我19歲, Hailey 同我一樣大 (依家依個Hailey 唔係食米線嗰個) 

每個人既初戀都係甜蜜既。

 中學畢業後, 日日過著行屍酒肉既日子, 有一日, 我中學巴打同我講話去旅行, 平時將啲錢拎曬去課金既我, 梗係無錢去旅行啦, 但無錢又要扮大頭鬼,最後我決定去薩莉亞見工。

 嗰時先得個五月,我係全場最細既兼職, 好多姐姐呀, 姨姨呀對我都好好。

例如會拎啲私人珍藏出嚟食呀, 做野比我偷懶, 同佢地番工竟然出其地好歡樂。 

過咗兩個月後, 正係我第一次去旅行既日子, 呢程旅行可能只係另一個男既關係,時間過得特別快,食兩啖炸魚薯條就過咗。 

番到香港後,我繼續番薩莉亞, 依個時候已經係暑假, 多咗好多兼職既同事, 有好多靚仔靚女, 但係我只係對一個人特別有興趣, 佢就係Hailey 喇。

我地第一次見面係日頭, 收工既時候係夜晚。

 佢雙眼唔算大但清澈, 櫻桃小嘴, 咖啡色馬尾, 身形高挑瘦削, 外貌十分討人喜歡, 人靚聲甜, 對我來說是一位完美女神。





 過咗兩日我都未搵到機會搭訕, 為咗能夠同佢打開話題, 我上咗當時仲係好少人既連登, 終於比我搵到搭訕既方法。

 我睇咗個時間表, 喺11點至12點其間只有我同佢兩個樓面, 於是我一早番到薩莉亞, 瘋狂照鏡, Gel 咗個頭, 準時打卡, 睇準Hailey 番嚟既時間, 準備一切既工作。

 毒撚最忌有自信, 但我要證明比全世界知我唔係毒撚!!!!

 在她打卡的一刻,我露出我最有自信既笑容, 「早晨! 我叫呀Roy 呀, 你點稱呼?」我一口氣咁講曬出嚟。

 一秒...兩秒...三秒... 死喇  好似卡爾洛斯對我講 我已經死亡!!!! 有危就有機!

「呀! 呀Roy 你好呀! 我叫Hailey, 多多指教!!」 說罷後她竟然伸出手。 我二話不說與她進行了第一次既身體接觸。