【全劇終】《我喺街執咗個失憶嘅女仔返屋企》: 後記

阿帆同小悠嘅故事就此完結（？），多謝睇到呢度嘅各位。
 
呢個係我過去寫過嘅故裏面，自己私心最鍾意嘅一個，因為呢個故帶俾我好多新嘗試：第一次寫咁Q長篇、第一次用全口語寫故、第一次畫咁多個人設（有啲位想再執吓所以暫時收起咗，有機會再放上IG）、創作時間最長（寫咗1年零3個月...）、文句上有啲刻意去仿日輕…出嚟嘅效果未必好好，有啲位又可能kam kam地，不過創作過程係開心嘅，開心到我自己都唔係好捨得完。
 
有見及此，作者決定又嚟個假互動真呃like遊戲：只要PNN嗰邊每多100個like，就可以解鎖新內容，可能係番外，可能係賀圖…呢個遊戲唔會有限期，如果目標達成又好耐都唔見我更新嘅話，一係我唔知已經夠數，一係我死咗/上唔到網，前者可以去IG告知我，後者嘅話...就冇辦法了。（順帶一提，下一個解鎖位係1200個like）
 
所以，如果覺得呢個故事幾好睇嘅話，請不要吝嗇你嘅讚好，另外無論係正皮定負皮，有意見都歡迎向作者提出，我每一個留言都會睇架！
 
最後都係嗰句，覺得幾好睇嘅話，歡迎大家睇埋我以往嘅作品（之前因為登入問題，所以《我喺街》喺PNN用咗新ac發佈，下面嗰個係我原本個ac）：
 




《七歲嗰年我被學校叫去睇醫生。》
https://www.penana.com/story/85605
 
《被垃圾作者耽誤人生的我跑到現實世界討價還價。》
https://www.penana.com/story/67531
 
因為作者太懶關係，以上兩個故事都只有PNN版本。細細聲講，呢三個故事由某個微妙嘅細節串連埋一齊，算係小小彩蛋（？）送俾追晒全部故嘅讀者。
 
嚟緊想花多啲時間磨練畫技，所以一段長時間都唔會寫新故住，有緣嘅話可以見到我喺IG更新，所以記得follow：kowfunyip
 




過幾日會同大家分享一啲呢個故嘅裏設定，請繼續留意PNN或者紙言嘅更新，再一次感謝睇到呢度嘅你，同埋喺PNN/紙言/IG留過言或者讚過好嘅各位。