搵cc遇著女同事....返工又比你屌，放工又比你屌: 第二十一章‧又係你！
一面響起只要共你活一天，Alice一面將我拉向的士站。
一上的士，我仲係一頭霧水。
我：「喂，小姐，夠竟去邊呢？」
Alice並無理我既疑問，直接就同司機講：「去赤柱丫唔該。」
我：「等等！去赤柱？做咩去赤柱？」
點知Alice都仲係無視我:「司機哥哥唔洗理佢，開車丫～」
於是的士就咁開始左哩一段路。
車一直o係度行走，但我地兩個都無講野。
沉默就係車上的氣氛主調。
大概開左車十五分左右，今次又係佢輸左，因為佢又開左聲先。
Alice:「做咩唔問落去丫？你唔係想知我地點解去赤柱咩？」
我：「你會講既時候，自然會講。反正我今日無野做。」我都只係冷冷咁應左一句。
過左一段時間，我地都無再對話。或者係我既語氣太過冷淡，或者我唔係一個太鍾意刺激既人，又或者因為工作既關係，我習慣左用一個冷淡既態度去面對未知既事。香港人都是這樣…
未知的，總是不會投放過多感情進去，因為我們的時間太少，感情太貴，往往浪費不起。
慢慢地，我感覺到一束秀髮慢慢向我肩頭靠埋黎，一對手輕輕攬住我既手臂。
我身體不自覺咁樣縮左一縮。可能係我既反應太過突然，又或者真係傷害左佢…佢都縮返雙手。
Alice: 「你係Marcus，我係Snowy。哩個係你講既…唔係咩？咁做咩要避開我？」
我：「我今日已經唔係Marcus啦…」
哩一刻佢又再施展佢最利害既絕招──閃閃發光眼，充滿哀怨咁講: 「你呃人！我知道頭先鍚我果個係Marcus，你呃我！」
我：「其實…做咩要咁執著呢？過左去既野由佢過左去唔好咩？」
Alice:「如果你覺得因為d錢既問題，我比返你丫？好無？如果無左哩樣野，我地咪可以好似一對普通情侶咁樣囉…」佢好激動咁伸手想去攞錢包，但比我捉住左對手。
我：「如果無哩樣野，我地跟本唔會相遇，亦都唔會有咩發生。可能o係日後既日子，你有你做，我有我發火。我地就好似兩條平衝線，永遠唔會有交叉點。收返佢，你需要佢。」
點知Alice又開始發癲，佢用雙手夾住我塊面，一下咁將我塊面拎左過去，講：「你望住我…你宜家望住我。你夠膽話對我一d感覺都無？我地之問除左錢，真係一d野都無？講丫～」
本來我心諗，其實…唔係就係咁簡單咩？或者我真係太單純…o係感情哩一方面…到哩一刻仲迷信緊，哩個只係一個交易。
我望住佢個樣，諗起當日同Snowy既相處…
其實唔回味就假既…
但哩一份係一份禁忌既感情。
禁忌到我唔可以話比任何人知…我或許…多多少少愛上了一個cc。
我輕輕的搖頭嘆左一口氣。
Alice：「男仔…係咪真係可以咁快愛上，又咁快忘記？如果係…我真係寧願我係男仔…做女仔太辛苦啦…」
講到哩度，唔知係咪又係佢心中個悲劇女主角走左出黎。
不知不覺，佢既眼淚又一滴一滴咁由佢既眼眶滴出黎。
Alice一面喊，一面撲左埋黎我既身上想攬住我。
但無奈好安全既安全帶阻止左佢，佢只可以攬住我隻手。
佢一面攬住我隻手，一面係度用塊面捽落我件衫度，一面講：「咁點解…點解你仲要留底餅雞蛋仔？我相信你係對我有感情既，係咪？」
去到哩一度，大家仲記唔記得我地身處的士上面？
其實好多人都唔記得，的士上面除左乘客，係仲有司機ga。
好多人一上到的士就以為係入左殘廁，乜撚野都做得出黎。揸、摷、嘴、屌乜撚都做得出。因為大家都忘記左哩個司機既存在…
其實個司機係o係度ga。不過大部份司機都唔會即時出聲，用黎當茶餘飯後用黎吹水既本錢姐。
不過我哩個司機似乎都係不甘寂莫既人。
司機：「哦～哥仔，你咪就係果日指東指西，最後話去北角買雞蛋仔果條柚？小朋友，我真係睇唔過眼，我東哥成世人最憎人中出即飛，o靚仔，睇住報應丫！」 阿叔出完聲之後，我無應佢，亦無打算應佢。
諸事八卦既人，你愈應佢，只會令佢愈多話題。
你唔理佢，佢反而無癮。
其實我好想知道，哩d人既心態係咩。
正當我拎開個頭去望窗既時候，一幕我估唔到既事發生左。
Alice:「你做咩鬧人丫？關你咩事？吓？！」
阿叔：「喂喂，姐姐仔，阿叔我睇唔過眼姐。」
點知阿Alice愈鬧愈好火，十足十將平時收集左我鬧佢既氣，一次過成個元氣彈扔過去阿叔度。
Alice:「揸車你就揸車啦！幾十歲人仲咁八卦。洗唔洗借本筆記簿比你抄低佢黎出書丫？吓？你以為你係邊個姐。
而家我做錯左，我哄返佢係天經地義，輪到你黎講咩野丫？你…（下省兩分鐘，因為我無乜留心佢既內容，不過我覺得，幾個月黎…我又污染多一個人…）」
我一路聽住Alice鬧佢，見到阿叔雙手一路震…
佢隻手一路震，我就一路驚。
我真係唔想死係哩度…囉！
我都話我遲早有一日死o係哩隻靚豬手上…
我一直都以為係激死…點知…
為左阻止哩件慘劇發生，（主要係我慘，你兩個三唔識七，做乜撚要為左我而鬧交呢？兩個靚女為左鬧，我或者有少少虛榮感，但我唔想係個阿叔囉！）
我：「停啦停啦…夠啦。阿東哥，唔該，停車。哩度放低我地，對大家都好。」
「吱～～～～～」一下急剎，哩個東哥可能都已經痴撚左線！
Alice幾乎成個人飛左去前面，好彩有一條比好安全既安全帶更安全既我抱住左佢。
如果唔係佢個頭一定撞左埋前面個Seat位度。
阿叔：「我屌你老味，好心幫你，你個死八婆係要犯賤…」
正當Alice想再還口的時候，我大叫一聲：「收聲！！！」
我一面講，一面打開的士門，解開左Alice條安全帶，拿拿臨半推半就咁叫左Alice落車。
我就慢慢就解左自己條安全帶，施施然掏出八十蚊比個阿叔：「阿叔，唔洗咁火，幾廿歲人同個細路女嘈？你個錶宜家六十幾蚊，哩八草夠你去到赤柱有凸。多一事不如少一事啦。」
見佢唔接，我就就咁扔低左o係司機位隔離張櫈。瀟瀟洒洒咁走左出車。
一出到車就聽倒個阿叔唔知好大聲咁鬧左句咩。
我就聽唔倒，但Alice似乎聽得一清二楚，好大聲咁講：「你講咩丫！你把口咁賤！因住撞車撞死你丫！」
我：「唔好同佢嘈啦，狗吠介意黎做咩？」為左安全，我搭住Alice個肩頭帶左佢向馬路既反方向走。
正當個阿叔落左車再講左半句唔知咩野既時候…
「碰！！！！」一聲幾大聲既響聲傳黎我地耳邊。
我喃喃道：「叫撚左你唔好嘈嫁啦…哩度單線雙程行車…磨碌P牌又多，唔係撞到你你就應該還神啦。」
果然，一架p牌車同阿叔架的士黎左一個「巧插後庭花」。
見到Alice仲o係度望，我一下拉住佢：「走啦！靚豬，仲望？！跑啦！」
又係跑。點解今日好似係咁o係度跑咁既？不過，今次輪到我拖住佢隻手去跑！