搵cc遇著女同事....返工又比你屌，放工又比你屌: 第十八章‧我搵Marcus！
哩兩日比阿芝hack左我既生活，完全無私人空間。
打下(飛)機又唔得、睇下(咸)書又唔得、就連想上下(咸)網都唔得….
生活不知幾健康。不過我個電視就中左毒，一日o係度播d 「跑吧！狗公們」丫、「二世祖們」丫、「來自射精的你」丫…
之類。令到我成日都幻覺好似聽倒有人o係度講緊粗口咁…
唔知點解d 泡菜一見面就問侯人地個「蘿」，一日o係度oppa oppa咁…總之我就快痴線！
睇睇下書，佢就係咁問我問題…當你入左個小說世界每五分鐘or十五秒比人拉出黎一次，
果種感覺就好似…有個靚女幫你搖幾下停手，搖幾下又停手咁… WTF!!!
仲有就係做Facial….係咁用支針o係我臉上面篤篤篤…同埋要抆眉…搞到我自己好似個玩具咁。
但我非常之敬重d 女人，竟然可以為左靚，去受哩種刮骨之痛！
我覺得，其實Facial 可以納入去迫供既酷刑之一。
痛到我流眼淚！
琴晚送走左依依不捨既阿芝之後，我甩難啦！老子終於重獲自由！
上返樓，返入屋….整整齊齊既屋企…塊地版好似比人起過咁乾淨…
D 裇衫直到可以paper cut 我條頸。
四圍d 野樣樣都井井有條…！我屋企係咪比外星人入侵過丫！！
我d 衫去晒邊丫？本來明明放左一堆衫o係洗衣籃ga？
Come on !!! 第一件事…你懂的....
時間過得真係好快，嘭嘭聲又到左星期一。
由於之前既健康生活，星期一早上我精神爽利咁返工，重點係無遲到！
一入門口個reception 妹妹見倒我好似好驚訝咁…
我：「早晨丫~ Sabrina，今日咁靚女既？」
Sabrina：「早丫~Marslei。做咩今日好似唔同晒咁既？好似好fresh咁既？放完假咩？looks like a brand new marslei~」
我：「啱啱打通左任篤二脈之嘛。」
Sabrina:「咩黎ga～? Spa?」
正當我想解釋比佢聽，順手介紹埋雙修哩種順應天意既練功方法比佢試下時，後面傳來阿芝把聲：「早晨～」之後阿芝停都無停就走左入去。
Sabrina：「阿芝好似好累咁喎～你唔好咁摧殘佢啦....對女仔要溫柔d先得嫁。」
......
我就咁「妖」左一聲就走左去。
坐左返位一陣，阿芝攞左袋野過黎，問：「大佬～食左早餐未？我食唔晒。比d你～」
數一數檯面果堆野，腸粉燒賣凍咖啡....你係食唔晒定食唔倒丫？成個7仔B餐喺晒度。
我：「你....你食果份應該好難消化下喎。無益ga,唔好食咁多。」
芝：「咩丫？」
我：「7仔份早餐B餐除左送果兩張印花之外，應該喺晒度啦喎。你仲唔係食左張印花？！」
芝：「總之你搞掂佢啦！」之後佢就返左埋位。
過左一陣，Alice 行左埋黎，見佢拎住杯P記既咖啡同一包唔知咩。
但佢一見我食緊早餐，就淨係放低左杯咖啡。問：「大佬，P記咖啡買一送一，多左一杯，你要唔要？」
.....去到哩度，我心諗：莫非我平時太浪費食物，食神要罰我食撚返以前浪費左既野？
算啦，我都鍾意飲 _acific
既咖啡，多奶少糖加玉桂。
主要係忍唔倒口。另一個想法就係，難得佢想搞好d同事關係，拒絕佢又好似趕豬入窮巷咁。
於是我就接左杯咖啡，攞左銀包出黎，遞左三十蚊比佢，同埋講左聲多謝。
點知佢竟然話：「唔洗啦，反正唔洗錢。」轉頭就瀟灑哥咁走左去。
但哩個時候，唔知喺邊度傳左句千里傳音過黎：「鞋並唔係咁樣擦的。」
全場靜晒….我繼續扮無野食我既早餐….
一飲杯咖啡….第一反應係竟然有加玉桂…
但係……屌你老味……洗唔洗加咁多丫？！我幾乎噴左出黎…
刺激、但重口味…
於是我都係飲返杯7仔咖啡算啦…
其實我返工唔係淨係食早餐同打文的…係要做野既…
於是我又開始一日既工作。
但今日唔知點解，Alice搵我多左…平時佢避我都避唔切，仲點會仲黎搵我。
今日佢竟然成日走埋黎同我問哩樣、問果樣…
做野啦...柒頭！
我心中第一個想法唔係「真係好，佢開始有心機做」而係「仆街啦！係咪又係暴走前既先兆丫？！」
終於無驚無險又到左七點。由於今日老闆唔o係香港，所以我既鬥夜收工比賽無對手。無對手就自然hea dd啦。
於是我就執野走啦。
當我走到出公司樓下，走左幾條街。
邪惡既事發生啦！
「Marcus!!!」
開頭我都無意識都係叫緊我，但聽聽下把聲好熟…個名仲熟…
我第一個想法就係…哥斯拉打到黎？！
成日睇哩d 災難片，配角見倒哥斯拉踩落黎…就打開個口得個窿咁等死。
NO! 我絕對唔係等死既人，走！為！上！策！
於是，我就轉入一間大廈既後巷，仲打算閃埋入去走火門果度。避一避難先，起碼去到後巷無人，唔洗禍及無辜嘛！
我一路走一路聽到後面有人叫：「等陣…等一等。」
轉到入後巷，後面果個人好大聲咁大叫：「Marslei Ma, 你同我企o係度！！！」 好大聲，真係好大聲。我甚至懷疑十樓既朋友會唔會都聽到！
我十樓果度有個客.....
我都嚇左一嚇… 以前成日以為d 差佬一面追賊一面叫人咪走係極度廢既事。
但今日先知道…廢既係d 警犬…有氣勢咁叫，真係會有人停o係度…起碼我係其中一個。
當然，大家都知道哩個咁有氣勢既人就係Alice 啦。
Alice：「你做咩要避開我丫？！點解要走？！」
我：「哦~頭先唔小心跌左條頭髮落地下，以為食環捉人丫嘛。你搵我有事？」
Alice：「食環捉你你走得甩咩？！」
今次個理論咁清析既….升左Lv?
我：「hey~犯法既自然反應姐。」
我地兩個對望左一輪…佢鼓埋胞鰓咁beer 住我，但最後過左唔夠三秒…佢輸左，佢笑左。
Alice：「哈哈~~白痴，你真係好白痴。」
客觀咁講，佢笑起上黎真係好靚好Charm。其實佢真係搵個有錢人嫁左佢算啦….洗乜受(我)咁多苦？佢有咁既本錢。
天然系 + 陽光feel，又鍾意笑，又蠢蠢地。如果佢o係高登出post，唔知幾多巴打比佢既笑容電死！
笑完之後，佢忽然同我講：「我….唔係黎搵你嫁~ 大佬…我黎搵Marcus…」
WTF!!! 唔係黎真下嘛…