搵cc遇著女同事....返工又比你屌,放工又比你屌: 第七章‧開大會,你又黎?!獅子、老虎同靚豬?
就係咁,我地約定左一個星期五既下午見面。
今次我地約o係天后站。
佢話為左唔想見都見唔倒我就比人放飛機,佢決定好撚老土咁要d記認。
乜撚野年代丫...
哩d女係咪穿越過黎ga...
諗埋d咁撚樣既野。
但佢就話如果我唔帶記認,到時我比幾多錢都唔會同我搞...我又信丫...
佢當時係咁講既:「拿,哥哥~為左表示你頭先既歉意,見我果日同我帶d北角雞蛋仔黎。一定要北角果間丫...唔係既話你比幾多錢我都唔會同你走。」
其實有無人話過比佢聽北角雞蛋仔係有分店既呢...
但真係好撚特別...哩一條女真係人間少見...極品...
當然,我都唔係傻既。你要一眼認倒我,我就都要一眼認倒你囉。
我:「咁作為等價交換,請你帶住一支dada既西瓜汁...唔好飲,倒左佢。」
一個星期好快就過。老處個project已經穩定左落黎...
可能係我一次o係公司附近見倒佢無帶傘,遮埋佢。
(偷偷地話比你聽,我當時成日有意無意把遮搖黎搖去,搞到佢半身都濕晒...乜仇都報撚晒。第二朝聽聞佢sick leave 左。)
當去到佢樓下果時,佢半個身都濕晒,我仲係咁比紙巾佢抹。當然...心地唔好既人一般都無好下場...我全個身都濕晒。之後果日仲發燒添。
又或者佢真係破左處...
我估後面既可能性大d。
佢地team 由上而下對我地既態度亦開始軟化。
(最新update原來老處既頭馬睇中左eddy仔...總之好撚複雜...唔撚理啦。)
於是無驚無險咁到左星期五。
Alice 哩一排亦都好努力咁...on9...
每一次當我同老處女打成平手...每一次疆局既突破口都係Alice。
因為阿芝既細心,基本上老處都捉唔倒我任何痛腳...
但唔知點解我大半年前生多左隻腳...
果隻腳日日都痛...
仲成日都比人鏈...
我真係好想鏈爆佢個頭丫...
今日放工前開大會...到我地team present...
係一個好例行既簡報會。
我地係中間present 我地既team數。
開會前...老闆個partner 好凝重咁公佈左...我地公司今年業積增長下降左...
同去年對比下,無一條team既業積有雙位數增長。
我轉個頭問一問阿芝,阿芝都話佢計過有喎。
無理由...諗到哩度,我背心寒撚左一寒...仆你個街...唔通...
咪住...我地業積咪係要自已upload 上個excel...
阿芝...你估...你會唔會有一個機會...唔小心...叫左Alice去upload...
而佢...又會唔會一個唔小心...一個Control+D...
阿芝:「唔會喎,我明明叫Eddy仔入ga wo...」
我轉頭望一望Eddy... 我見倒佢面都青撚埋...
我好撚好撚細聲咁問:「你隻豬精...你唔撚會係一個唔小心...」
Eddy仔手震震咁指一指Alice...
我仆你個街!而家玩獅子老虎遊戲丫!
獅子叫老虎去搵野食;老虎叫隻狼去搵野食;隻狼...搵左隻豬隻去搵野食...最後搞到火山爆發...陷香!
我屌你老味!!!你兩隻豬精...搵隻真既豬精去做d咁重要既野?!
我立即落左個命令:「我同你地兩個仆街講,死口唔認。Ok?!」
好撚彩公司個System 無先進到可以查倒邊個改既地步。老闆一直都唔重視IT...
正當我地諗掂左哩個偉大既對策...我總係覺得忽略左d 野...
死!!仲有隻真豬精未講!!!
Alice:「無理由...」
Eddy 仔已經乜都唔理,掩住左佢個咀先。
...但全場人都望住我地team...
到左哩個時侯...台就一定落唔倒嫁啦,只有拼死相搏!
我企左起身:「王生,無理由喎。我知道我地每一個都好努力!
我聽講James果Team 今年都有成廿個%,我地每一team都以James 為榜樣。
所以大家都好努力咁希望為公司做返個好成績。敝Team都有18%。
會唔會係有少少誤會呢?」
(因為隻豬精開左口,我只有好樣衰咁為佢打掩護。我自己覺得,自己team既事,唔洗柒到過隔離。外人面前,必須要撐。返到位,關埋門。老豆都會打仔啦。)
但哩一步好明顯就擺左James 上檯。
做得哩一步,一定係經過精密既計算。
哩一條最精密既數式係由一位極偉大既理論家發明出黎既。
佢叫幹妃子,一聽個名就知佢好咸濕。
oh....sorry.....我中文唔好,應該係韓非子。
佢用左個故仔黎講出哩條咁撚勁既數式,個故仔叫「守株待兔」。
1999?唔撚明?
現代翻譯,即係屎忽撞棍法呀!!
James 就係一個乜都要認叻叻同威威既百佳兒童。
佢有d cam cam 地,衣著風格非常獨特,成日都著到成個飛輪海咁。
佢聽到我咁講,都有d疑惑。
我哩個萬年老二做乜無啦啦要捧佢一下呢。
(我地既業績基本上年年都係第二第三。
唔係我地做唔倒,而係槍打龜頭鳥。
凸左個龜頭出黎咪容易比人打囉。
做左第一,又要一直追數,d quota 仲升撚得快過d樓市。
反正 d bouns 都係咁派ga la。
為乜要做死自己。)
不過佢幾近乎弱智既政治手腕,令佢好快以為我同佢係同一陣線。
我佩服佢係一個好有才華既人,而且收得d客好掂。
但我對佢認叻既性格完全不敢苟同。
James用d 乸乸地既聲線,再扭下扭下咁講:「我地當然唔會連雙位數都無啦。連你都有,我會無?王先,揾chole(王生秘書)check check條數好喎。」
跟住其他team head 都起哄。
唯獨是老闆另有深意咁望住我,再拎一拎頭。我估佢大意係叫我唔好搞事。
老闆,你估我想搞事ga!!!!!!
邊個想開哩d無鳩聊會丫。
我都想好似AV仁咁你有你講,我有我睇AV。
不過你幫我扔左隻靚豬落街先得唔得?
之後我一句野都無講過啦。
好彩有James 掩蓋左我既風頭。仲有老闆頂住。
聽聞王生度氣最後都係發左喺秘書頭上。
有驚無險咁樣行返出黎。返到位。
我:「Ali....ce!!!! 入房!」
阿芝同eddy 拉住我。
阿芝:「冷靜!冷靜丫大佬~小心比人聽倒。」
Alice 退後兩步。口震震咁同我講:「大.....大.....佬, sor....ry ar.....我估......應該」
我就黎噴火啦!!!!
我:「應該應該!你應該做既就全部都無撚做!唔應該做既你就同我做撚齊晒!屌那聲!
其實... 大家有無諗過...一個好微弱既可能性?
...其實真係唔關Alice事。
我見Alice 一路比我鬧,都仲有d心不在焉。仲成日望手機。
我:「好趕時間咩?」
Alice:「唔係,只係約左人。」
我:「今日既事唔好再發生。我唔想出warning letter比你,劃花你個底。你走啦。」
Alice:「大佬...乜你今日咁好人既?」
我...
![](http://i100.photobucket.com/albums/m24/marslei/anger_zps413fa9e4.jpg)
我把火又再著左
我:「真...係....屌...唔...夠??!!」
Alice:「大佬、大佬、對唔住。我出返去啦。」
因為我都約左人...