搵cc遇著女同事....返工又比你屌，放工又比你屌: 第三章‧不怕神一般的敵人，就怕豬一樣的靚女...
終於到左果日。
o係忙碌既工作底下，（鬼咩，四個人既野2個人做...唔忙就一係我太勁...一係真係有鬼囉～ 屌你...)
哩d情況，俗語叫『捉虫』，學名叫：「捉虫入屎忽」）我都唔記得過左幾耐...大概o係我有意識既時候，已經係九點幾。
阿芝已經返左黎...
我超有攬住佢既衝動...好滾（感）動丫...
不過，做大佬要大佬果樽鹽，仲有中指一定要揸得好緊。
我：「返黎啦。喂，個客交左比你年零姐，佢變到咁爛口既？我話份quote聽日比佢之嘛...佢屌我老母喎...返工姐，禍不及家人嘛。」
芝：「大佬...個客對我唔該前唔該後ga wo...你一開頭交比我果時佢唔小心講句粗口都會同我講sorry ga wo...上個月我仲話佢乖左添...會唔會係人既問題丫...」
我：「...仆...算啦...今日present點丫...」
我真係好撚驚...如果搞鑊左老闆個客...我真係要用膠梗切腹...。
聽聞以前d人切腹要拉個三角型出黎先係真漢子...我係咪要搞個旋渦狀先可以呢...？
阿芝：「大佬….你咁次大鑊啦….真係好大鑊…..」
正當佢想講既時侯，原來老闆都返左黎，忽然老闆走左過黎搵阿芝。
叫左阿芝過去。
我心諗唔會真係咁大鑊下嘛? 我又做錯左d 咩丫?
過左一陣...檯頭電話響...
老細：「馬仔，入一入黎我房。」
......哩一刻我真係好大壓力。
特別係阿芝講完d 咁野之後。
懷著50000頓既重力，我慢慢走向老闆房。
哩一刻我真係諗唔倒...成件事我都無參予。
點解會出現：「你大鑊啦哩個情況?!!!」
天丫! 你可唔可以比個答案我丫?
入到老闆房，我見倒老闆塊面仲黑過奧巴馬…
喂，做乜撚野丫? 我今日無殺過人喎…
老闆：「馬仔，你覺得香港人做既廣告點丫? 」
喂… Open end question???!!!
搞乜撚丫?
點解我好似聽倒：「馬仔，你覺得我老婆點丫？」哩d 充滿殺機既說話咁既？
我額上一面滴汗，一面答：「香港人既廣告內容夠充實，幾好丫。」
老闆塊面由奧巴馬立即變成包公。哩個時候我真係想講句：「你仲用緊以前隻染面劑丫？」
正當老闆運足氣，正打算拍檯屌完我老豆再屌我老母同細佬妹之際。
老闆檯頭電話響起。佢眼尾望左一望，面色由紅轉金...好似打倒把Legendary 武器咁既樣。
佢聽完個電話之後，做個手勢叫我地出去，順手關埋門。
一出到去，仲未到我地個位。我不停叫自己忍住忍住，唔可以哩一刻爆。因為出面係同我地好唔o岩既部門。
我愈樣衰，佢地就愈開心，好快就會傳到成公司都知我就快死。
一返到位，我已經唔理九九八十一，一野捉住阿芝個肩頭。係咁熬，係咁熬，係咁熬。你講：「你兩條旦契究竟做左d 咩，你講！你講丫!!!!!」
阿芝：「大佬!!!大佬!!!!你聽我講!!! 聽我講!!! 唔關我事ga~~~真係唔關我事ga!!!」
我：「你再唔講!!! 我就將你幾年前個清純可愛小女孩既樣比Eddy睇!!!!(我地team另外果個男仔)。等我比人炒左之後，佢日又寸夜又寸，寸到你。等你感受世上最可怕既酷刑!!!!」
阿芝：「大佬，你冷靜d ~ 冷靜d 丫~~~你咁樣~~就即係迫我~~將你溝xxx公司~個妹~~食~~檸~~檬~~果鑊野~~~爆出黎~~~ga 咋。」
我停都無停：「你敢！！！快d 講！！！我都走囉，唔怕同你攬住一齊死！！！唔係~ 我要你生不如死!!!」
阿芝：「停丫！大佬，我真係嗌ga la。」
大家可能唔明白，當一份工，大家都好辛苦，對Teammate多過對屋企人既時候，大家真係會多左一份感情。起碼我知道，哩一類公司，同事之間一係超憎對方，一係大家
超Close。所以哩d 真係好平常，有時出黎去船p 之類玩得仲癲。
我：「咁你就話我聽啦！旦散。」(佢其實都係講到斷斷續續，不過為左令打得快d, 唔打野啦)
阿芝：「Alice!! Alice ar~~~~Present 完，佢正正常常咁present 完之後，當我以為無事啦。client 個 marketing ger 仲好開心添。
點知個客口多多問Alice 覺得佢地d 廣告點…
Alice 就話，香港人做廣告，全部都將d 字隊晒落去，d message 有咁多得咁多，字有咁大得咁大。完全無創意可言。外國d 廣告就唔同啦，一張圖或者幾個字就已經出晒成楝大廈。所以香港人既廣告都同個城市一樣，得個迫字！」
我：「... 大小姐，可唔可以話我知邊個仆街教佢d 咁樣既野ga?」
阿芝：「我想同佢兜ga...不過佢一句講『大佬話ga...』。
咁o岩老闆又全程聽住。所以呢...大佬...哩次睇黎都要同你踐行ga啦。我會掛住你既...」
沈默左大概三分鐘，我換上一副華叔既氣概。
我：「我自橫刀對天笑，去留肝膽兩崑崙！阿芝，大佬無求過你d 咩...而家...殺左我...我寧願死o係一個聰明既靚女手上...好過死o係一隻...靚豬既手上...留下污名...」
有道是: 不怕神一般的敵人...就怕豬一樣的...靚女...