搵cc遇著女同事....返工又比你屌，放工又比你屌: 第一章‧ 不一樣的同事

各位巴打，上左高登咁多年，我都未點認真出過Post....

但今次哩件柒到核爆既事。。。我真係忍唔住要爆啦！！！

比d 空間我。。。

件事發生o係三個星期前(約三月頭)。

首先，我係唔係一個毒撚都好啦，總之同你一樣，得閒上下高登。





日日早返夜放，有件固定既女朋友咁啦。

我既工作，總括黎講就係三樣野：
1. 準時存在o係公司，同埋同老細鬥夜走
2. 欺瞞上司
3. 取悅顧客

當然都要做野啦，不過大家做左野咁上下時間一定明白以下道理：
識做人+識做事＞識做人+唔識做事＞唔識做人+識做事＞唔識做人+唔識做事
咁好彩我識少少做人，又識少少做事。有幸奶倒個位返黎做下。





我下面有三個同事。兩女一男。重點講其中一個九十後既女仔。
我印象中佢大概係咁上下樣啦。。。。咁上下啦



佢上年年尾入職，明明請佢果時份cv吹到天花龍鳳，又乜乜勁公司出黎。。。。
點知做落先知原來乜撚都唔識，做野又亂七八糟。。。

開頭幾個月，見佢有心機做，又肯學肯做。（最緊要個樣唔差）




咁我覺得，當個花樽放o係度，見客時帶埋出去都無咁柒。
點知過左Probation，成個人變晒樣，計條數做份野3,4個錯。
成本當左價錢比客，都不特止。
5點40分開始唔聽電話。。6點都未到就已經唔見左人。。。

開始我都有同佢好聲好氣咁講，畢竟大家都係搵食o者，又唔係賣身。
個女仔暫時叫住佢Alice先....
「Alice, 你要留心d哩度喎，出錯數比客好麻煩ga。」
「Alice, 你打錯左個客名喎，改返先好出丫。」
「Alice, 返工第一件事係打開你d文件話比人知你返左工，唔係打開個化妝袋。」
「Alice, 對客打Email, 唔好用hihi開頭丫，你點知佢係咪高登仔丫。」
有時幫佢對數仲慘過我自已做。佢錯既地方完全係神來之筆，好似鬼影變幻球咁：無定向、無預兆。。。無腦，sorry, 係無諗過先o岩

大家唔好誤會，其實我對其他果兩個都係咁。。。好似係...





去到近期。。。我真係頂唔順啦。。。佢既行為令到我同我兩個同事幾乎做埋佢d野。

兩個同事都狂篤佢，有次我地同我大佬食飯，兩個仲係咁講d有骨野比說話Alice 聽。
去到哩個地步。。。作為一個低層。。。我當然唔可以比大佬知到我管理不善同請左條柴返黎啦。。。
就beer左兩個同事一眼，手上做左個收皮既手勢。
(潛台詞: 咪玩野丫，再玩野Bam你ga）
好彩o係我既霸氣底下，兩個小朋友都肯收聲。
但我知為左我地既將來。。。Alice 一定要搞掂。
Plan A: 令佢做返個正常員工。。。
Plan B:大菠蘿x3。。。。大家都懂的。。。



話說到左plan A 同plan B 既選擇上面。
正所謂惻之心人皆有知，一日係大佬，走之前都係大佬。




我當然想將佢變返個正常既員工啦，
畢竟人地都只係個初出茅蘆既小妹妹。
一鳩踢走人地......仲要賠一個月，好可憐ga ma .....我
HR 仲唔借勢CUT 埋我個 head count 咪大鑊？

咁咪做撚死我？唔得。Plan A1....勸退

第一件事，我就捉左佢入去開會。

Alice, 你入一入黎conference room, 我有d 野同你傾。
（因為我個座位雖然大d ，但其實就係坐佢地後面，塊板由1.2m , 加到1.5m,無房）

入到去，alice一面天真到好似從來無諗過野既表情望住我，

問我：「有咩事丫，大佬，係咪終於有客 要比我跟啦？」（話說另外果兩個要自己湊客）





我當堂打左個突。無名火起......「Alice, 你都黎左半年啦。你覺得哩度既工作你應唔應付得黎？」

Alice: 「無問題丫？幾好丫。」

我已經火火地，終於都忍唔住要噴到佢一面都係.......口水

「你覺得你ok無問題？遲到早退我唔同你計啦，但交比你做果d 野我仲慘過自己做。

小學生功課都唔撚係咁啦，你仲話無問題？屌，你有無諗過睇過先交出黎？我帶你係責任，但同team同事要執埋你d手尾就唔撚得啦！d客5點半就搵唔倒你。之後又係打比我地。小姐，做人有d 責任感好喎。」

我忍唔住爆左佢十分鐘，途中見到佢開始眼濕濕。不停咁「但係、不過」

最後仲爆喊埋出黎。







佢一路喊我只有遞紙巾比佢，一路比，佢就一路喊，無限Loop。

作為一個男人，點都有少少心軟。

正打算開聲，Alice 突然間問：「大佬，咁係咪即係要炒我丫？」

費左九牛二虎之力，終於令到小妹妹了解左宜家既情況。

我話：「咁又未要炒你，不過你再咁落去。搞到上老闆度都唔係唔可能。所以你醒定d。」

不過好多女仔都係咁，一喊就乜都聽唔入耳。佢又再無限Loop….「咁係咪即係要炒我丫？唔好炒我住啦，好唔好？」

頭兩次我都聽唔倒個「住」字。。。第三次我終於聽倒啦。。

我問「『住』？」

(去到哩度要講一講，其實我地公司係幾好paid。比起大部份同行都高dd，而且公司又唔細。哩個就係老闆既英明領導底下，個個都肯搏，令公司收入連續幾年都有雙位數增長。)

Alice:「大佬我知d同事唔鍾意我，但可唔可以比多兩個月時間我丫?兩個月丫，兩個月之後先炒我好無？」

我：「小姐，你如果唔想做就即刻走啦。仲兩個月？到時就到我要走ga la。你走啦，我唔想搞大件事。」

Alice突然捉住我隻手o係度搖：「大佬，唔該你啦。我哩兩個月真係好需要錢。好啦，唔該你啦。最多。。。」




我完全反應唔倒。。。邊有人咁ga。。。。講到明兩個月之後走，仲要我炒佢。。

天丫。。。點解我會請左個傻既返黎ga??!!!! 係咪要咁玩我？？！！



我一下甩開左佢隻手:「痴線。你講既野我當聽唔倒。總之你之後諗清楚自己適唔適合哩份工。如果決定留低，唔該你同我認認真真咁做。」

之後我就好老蕭咁走左出conference room，亦都無再理佢。

過左大概半個鐘，我望一望佢，見倒o係位度，無晒反應咁低頭望住個檯面。

當晚佢依然係6點鐘走，conference room 出黎佢都無再聽過電話。

我地三個都好自動咁pick左佢d Call。

7點左右，兩件同事走埋黎問：「大佬，你炒左佢啦？佢好似Short左喎？即炒？」

我義正詞嚴咁同佢地講：「大家都係搵食，邊個o岩o岩出黎做野無濕鳩過。唔洗下下咁絕既。」

個男仔就答：「不過佢係特別濕鳩喎。。。。大佬，下幾個星期xxx個客個campaign 出街啦，無埋佢我地好難搞wo」

個女仔又附和：「係丫，我後星期個project 到期啦，要埋尾，成日要去場，我幫唔倒手丫。」

我：「你兩個死野。。。不滿又係你地話既，而家我話佢兩句，short左啦，你地就黎抽我後腳。唉，又年尾啦。。。你地知作文好辛苦ga la」(Appraisal)

兩個同聲：「得得得，我返去做野先啦大佬，一定同你死掂佢。」

到左第二日，大家以為佢起碼都會射一日波。或者完全唔見左人而唔返。

所以我地三個約左個早餐會，大家分左佢既工作，以求共渡時艱。

（大家可能有d野諗唔明，點解佢無啦啦消失既話我又會無事呢？哩d就係辦公室政治啦。

如果我炒佢，就係我管理不善。

但係如果個員工既品質有問題，咁HR就絕對有責任。

而且我仲可以食住個勢上，要求佢地請個有更經驗既人返黎。

咁有經驗既人自然就貴啦。

咁下年加人工個budget就會多左。

大家唔好諗錯，殺雞取卵既野我係唔會做既。。。多左既budget我真係會用返o係同事身上。

畢竟野總係要有人做，錢多d，即係我叫佢地做野既bargaining power大d。

有時錢係好，但有人真心幫你做野，有錢都未必搵倒。而且要識用錢，唔係就咁扔落去。要加得黎，要加得佢地開心。）

但點知。。。我地九點半返到去已經見倒佢坐左o係度。。。仲真係打開左本Notebook同d folder o係度睇緊。。。

男同事：「大佬。。。你死啦，佢真係Short左丫。。。。」

女同事：「佢住日起碼十點先化完妝，十點半先食完早餐。。。今日。。。你死啦。。。」

我：「做野啦你兩件蛋散。驅邪治鬼哩家野我都略懂一二。」

由於成個上晏都有會開，開下開下又食下飯咁已經三點鐘。

返到個位我竟然收倒個由Alice send黎既email。

內容大致係話哩半年黎唔好意思，唔知道佢為我地team帶黎左咁多麻煩。佢會好比心機咁做，希望我比多次機會佢。。。之類既on9野。

我睇完都打左個突。。。。做左咁多年人，都真係無點試過狠狠咁屌完一個人，佢係大徹大悟，真係明白自己有問題。

就如某人話爛口達，屌左香港人咁多年，有幾多人真係比佢屌醒過？

「有埋伏！」哩個係我既經驗話比我聽既。但係有咩埋伏呢？

跟住落黎既日子，Alice 做野的確比以前有返d heart，做野快左，上心左。

不過人既本性好難改，做野依然係咁大意。不過我都已經唔會好似妹妹仔咁不停錫住佢。一有事就會話佢。小事小話，大事大屌。

例如：
「Alice, 我咪同你講過成本同報價要分得好清楚，比我地睇過先好出囉！好彩個客同我熟打黎問我。。如果唔係個project白做啦！你有無帶腦返工丫？」
...
「Alice, 你做乜話比個客聽我地用咩supplier? 洗唔洗話埋佢聽你住o係邊丫？」

Alice: 「.....佢知丫....」