精神科護士的見聞: 1. 出院難d定入院難d？

全港大約有8間精神病院，負責不同區的精神健康服務。
精神病其實好似傷風感冒，身邊總有人會經歷。
輕則情緒出現問題，容易緊張，訓唔到教；
重則精神失常，經常出現幻覺，有被害妄想。
「若然你唔好彩，需要入院治療，都好難出翻來！」
呢句說話好多人都認同。又有無人好奇一個病人係點入院呢？

其實精神病院屬於非急症醫院，從來唔會有人行去醫院門口，話：「我要入院。」
就算有，保安都趕走左你。
咁到底病人係點黎？





其實主要來源有兩個地方，一個係普通科醫院，一個係精神科門診。
病發求助，首先都係要去到急症室，向醫生反映自己病情。
若然有需要，會即時轉介精神科諮詢會診服務。由精神科醫生/護士進行全面又詳細的檢查，再轉送精神病院。

而精神科門診，來源就五花八門。以下有幾個例子：
- 你曾經入精神病院，出院後要定期覆診
- 曾經求助於普通科醫生，而醫生認為你有精神方面問題，轉介你到門診覆診
- 曾經到急症室求醫，經精神科諮詢會診認為你不需入院，但需要定期覆診，轉介精神科門診





好多人認為入院後好難出院，直頭好似坐監咁無自由。
曾經試過有院友入院第二日就大吵大鬧，話好唔習慣，覆即時出院。當然一位經驗老到職員咁樣處理；
病人：我要出院！
職員：無問題丫，其實你出院過程已經成功左一半。
病人大喜：止話當真？
職員：你已經入左院，只係差出院。

其實出院話事權喺醫生到，一般會觀察病人精神狀態有無改善，快則3/5/7日，慢則1個月，有d嚴重情況要去到1年半載先走到。
有另一種情況係病人家屬要求帶病人走，申請DAMA（discharge against medical advice）。醫生評估過後，覺得家人有能力照顧病人，及講解出院後一切風險，都會俾病人出院。





入院定出院難，見人見智。

*精神病人入院及出院涉及法律程序，日後詳細講解
*入院兩個來源只供參考，有其他零粹例子。