你是一名在戰場上的無名士兵: 第14章 - 4

「雖然我想講我講嚟都冇用，不過閣下應該唔會接受呢個答案。遇到啲垃圾政府想推翻都係好正常，但要睇下自己有冇咁上下料先。」卡登答得有模有樣。

「梅迪先生係認為國家目前冇人做到嘢？又或者梅迪先生想自己取而代之？」

「取而代之？我冇乜大志，單純係覺得啲人食飽冇嘢做，當國家係玩具咁拋嚟拋去，冇理到我哋呢啲低等人嘅感受。」

「但係為咗照顧平民溫飽，推翻無能政府係第一樣要做嘅嘢，梅迪先生唔通唔係咁認為？」

在一個執政者不願聽市民建議的社會裏，要改變可謂難上加難，馬士路不知出於甚麼原因拋一道沒有正確答案的難題給你們。





與光聽見問題便流起冷汗的你相反，卡登同樣立刻回答：「嗰樣係其中一樣可以做嘅嘢，但人民靠自己適應到先有本錢講咩作反。」

「人民作反就係因為適應唔到，點可以叫佢哋又適應又作反？」

「閣下講得冇錯，人喺冇飯好食嘅時候先會想反抗，但我講嘅適應唔係生活無憂，而係唔靠政府，靠平民同平民自己互相扶持就可以維持到生活。」

「梅迪先生指人民要有共同意識先可以作反？」

「係。」





「我明白喇，唔知三位對我啱啱所講嘅提案有咩睇法？」馬士路回到招攬你們的議題上。

切爾基回應：「好似馬士路閣下咁講，我哋國家目前喺窮困處境入面，我哋冇理由離佢而去。我哋呢次嚟純粹係想送嘢食畀依度嘅居民，冇其他意思。」

如果答應請求，要離開就更困難了。

「但係堅尼先生都知道，我哋依家打緊仗，唔可以隨便畀外人周圍走。」

目前得到的情報不知道夠不夠，不過死在這裏，得到多少情報也毫無用處。





但此時卡登做了個讓你和切爾基不敢苟同嘅決定。

「加入你哋對我哋有咩好處？」卡登向馬士路表示自己的興趣。

「梅迪，唔好再講。」

「堅尼！雖然我哋係愛利文嘅人，但係你唔覺得留喺度更加有前途咩？」

「梅迪，跟咗布朗斯我哋就返唔到去。」你提醒卡登。

「係囉，你細心諗下我哋嚟依度係為咗啲咩。」