你是一名在戰場上的無名士兵: 第14章 - 2

兩個守衛在一個特別高大的營帳前看守，城衛也在它前方停下：「請等一陣，我要同政務官傾下。」說畢便走進營帳。

你們三人乘機溝通，「都幾多人。」卡登在你們耳邊說，「仲有牆上面嗰啲 -」「喂！你哋三個縮埋一嚿講啲咩啊？」其中一個守衛打斷切爾基的話，切爾基嚇了一跳慌忙回應：「我 - 我哋只係好奇政務官閣下係個點嘅人啫。」

「唔好再咁做！有咩要講就大聲講出嚟，除非係講啲唔俾我哋聽得嘅嘢......」「好似佢細個嗰陣喺田入面瀨尿咁？」「喂！你唔好咁囂張喎！」卡登用守衛的警告開了個玩笑，但切爾基顯然不覺得有趣。

守衛也沒再多說話繼續站崗，「不過依度真係好大。」你四處張望。

營帳陣中不時有士兵經過輕瞄你們，他們的眼神都帶少許惡意，不過他們看見不認識的人出現在這裏，不歡迎也正常。





城衛從營帳中走出來：「各位，你哋可以入去見政務官。」

你們走進營帳，一個穿著光鮮，年輕但肥得像豬的棕髮男子坐在木桌後面，微笑著等待你們。

「你哋就係要送嘢食畀我哋啲居民嘅商人？」他問。

「係，閣下就係依度嘅政務官？」切爾基向他微微鞠躬。

木桌上放了林林總總的文件，政務官站起來和切爾基握手。





「我係堅尼・修達通，呢兩位係我嘅護衛，梅迪・李蘭度同沙隆・尾拉托斯。」

「我係馬士路，好高興見到三位。」政務官揮手吩咐城衛離開：「依度冇多餘嘅櫈，要麻煩各位忍耐一下。」他回到座位坐下。

「堅尼先生，我想問下你點解會送嘢食過嚟？你應該知道我哋打緊仗，你明唔明幫我哋係咩意思？」

「我當然知，但我只係想幫下有可能會因為戰爭而受傷害嘅人民。自從開戰而嚟都不時會有衝突，雖然冇打到去城入面，但有朝一日一定會波及到平民。」

「就好似堅尼先生咁講，尤其依度係最近前線嘅城市，佢哋一定會出盡全力攻過嚟。」