你是一名在戰場上的無名士兵: 第13章 - 5

「如果我對手仲郁到，我一定會摸妳個頭，叫妳唔好猶疑。」你露出笑容。

她依然不知道該說甚麼，只作出驚訝反應。

「海迪路絲，我係個野蠻人，唔明妳嗰啲理論，但我知道妳去幫國王陛下一定有好前途。」

「巴......巴奇......」她的臉很紅，好像感激得想抱著你，又怕會弄傷你所以作罷。

「我知道喇。為咗唔辜負巴奇嘅努力，我會盡全力幫國王陛下！」她下起決心。





「妳呢個發奮向上嘅樣真係好可愛。」

「唔......唔好咁講......我 - 我都係聽巴奇講嘅去做......」

「唔係我講，係妳自己揀嘅。」

「冇 - 冇錯！係我自己揀嘅！」

這種語言藝術聽起來好像在騙她遠離你，但這裏已經有雪倫，她留在這裏只會淪為調味料，不能散發她完整的香甜。





海迪路絲笑著離開，她走出門前說：「如果有得放假，我一定會嚟搵你！」

「我會等妳！」

她用關門聲回應，不過你也有心理準備會有一段時間不能見她。

以往，武器不外乎刀、劍、槍、矛、盾、弓、戟、戈以及其他殺傷力各有千秋的兵器，但火槍無視盾牌，直接從遠處擊殺敵人的威力改變了戰爭局勢。

敵人一定會嘗試複製火槍並納為己用，因此，海迪路絲是極度重要的人物，要是她落入敵國手中就麻煩了，國王陛下應該也是考慮到這點才召她回首都。





但也不能撇除敵國有派間諜到首都的可能，要是海迪路絲被間諜殺死 -

「巴奇，你睇落好似好驚啲咩咁。」

「我有咩？妳諗多咗。」

「好心你啦，個人都變成咁仲喺度擔心其他嘢。」

「我唔可以係驚自己一世都會係咁嘅？」

「但係海迪路絲走咗之前，你一直呆住咁望住道門，仲唔係擔心佢？」

你一副被識破計謀的狼狽樣子，不敢直視她的雙眼。

「其實雪倫妳唔使再留喺我身邊㗎......妳鍾意去邊都得......」你轉換話題。





「依家周圍都打緊仗，我邊度都去唔到。咁留喺度陪你都好合理啫。」她拉圓桌旁的木椅到床邊坐下。

「我係個廢人，妳陪我都冇意思㗎，出邊大把世界，好多男人好過我啦。」