你是一名在戰場上的無名士兵: 第12章 - 6

「咁 －」「不如我哋打完再傾。」當城牆變成石堆後，把泥土掀起，你們完全看不到城內的情況。「啊......」過道從地獄而來的咆哮令你想起在斯丁的那隻怪物。「講真，我都就嚟唔得。」隊長露出疲倦的神情，就像被人勞役完一樣。而他的手彷彿浸進了水一年，呈現的紋路比八十歲的老人還要慘不忍睹。

「咁冇咗你，我哋點打？」「用火槍射。」聽見隊長這樣說，你實際上覺得也是死路一條。因為如果真的是那個怪物，它會慢慢變大，然後把你們踩成肉醬。你對同伴們很有信心，但遇見前所未見的敵人，會不會臨陣脫逃也很難說。「咁不如等我用。」「我唔係話唔想，但呢樣嘢唔係普通人頂得順。」

雷電可以貫穿人體，但為甚麼隊長剛才直接接觸發出電的雙劍都沒有電死？「我唔係驚你畀電電死。係驚你控制唔到，然後電死自己。」「嗯。」「火槍隊準備！」塵土開始散去，在紗布後面的果然是你想像的噩夢。

「啊......」它有三個城牆疊起來那樣高。「嗰個係咩嚟㗎？」「石頭怪物？」「神明派嚟嘅聖獸？」士兵們的雙腳開始顫抖，陣型也逐漸崩潰。「睇到未？呢啲就係嚟自神嘅力量。」你聽見尼哥爾的聲音從怪物的頂部傳來。「唔好驚！驚就中咗佢嘅計！」隊長勉強地坐在馬上。

雖然她叫你只要打仗就好，但這完全不是正常的攻城戰吧。你們要如何戰勝這個龐然大物？「等陣先......你呢個大嚿衰好似出唔到嚟㗎。」你朝着怪物的頭部大叫。隊長看着你，「而且就算出到嚟，都係等畀人電。」他照着你說。





「你喺邊度聽返嚟？行唔到，但可以跳出嚟......」「發炮！」數百顆子彈朝石頭怪，在它的身體上撞成了一些缺口。「你哋可唔可以聽埋我講......」「散開！」二萬人馬上跑往四方八面，情況就像在大荒地捉小蟲子一樣。「冇槍嘅人撤退！留喺度都冇用！」

「咁我要做咩？」你不斷思考自己可以幫忙的地方。不過即使你有能力所及之事，你已經非常疲累，連閃避都非常困難。隨着槍聲起落，已經有人粉身碎骨，聽着士兵們的慘叫聲，你迫使自己發出最大力量去想出對策。

「電、屏障、擴散、擴張......闊度、集中、釋放、伸縮......爆炸、極限、衝擊......我諗到喇！」「開火！」「隊長！」你忍着全身的痛楚跑到他旁邊，「你做咩？散開！」「唔係！我諗到方法喇，畀雙劍我！」「我咪講咗唔會畀你，一係你講個方法我 －」「冇時間喇！我哋每嘈一句，只會有更多傷亡。」「你唔係諗住去送死......」他把兩把劍遞給你，「會唔會死我唔知，但都要試下。」

如果磨擦便可以產生電，那麼不斷磨擦應該可以製造更多電。而所謂的屏障是指電覆蓋的範圍，那麼便可以把大量的電壓縮在一點。「一定唔好將把劍向下隊！」隊長對你說。當電量超出極限時，電應該就會朝雙劍指着的方向發射。既然電可以擴散，那麼擊中怪物時應該可以破壞它。

雖然全部都是你的猜測，但你舉起雙劍、向着怪物，開始磨擦。當藍白光不斷出現時，你在劍中間感到一股把你拉扯過去的力。「好難控制......」你咬牙切齒，嘗試控制愈變愈大的力。「唔係咁用㗎！你要拉開......」你沒有理會隊長的勸告，但雙手開始不自在地嘗試擺動，「啊！」你頭以下的位置就好像麻痺了一樣，而劍中間開始形成一道電柱。





「你到底想做咩？你會死！」雖然他明顯地露出恐懼的神情，但隊長仍然相信你。你的頭就像在風暴內圍般不斷抖動，連眼前的目標也看不清。但你的雙手仍然在不斷磨擦。

「我會唔會死？死咗之後嘅世界會係點樣？我死咗，家人同朋友咪會好傷心囉。不過喺戰爭入面，唔係你死就係我亡，每樣嘢都係合理嘅。」

電光一閃，如雷貫耳，如夜閉目，幽暗一片。