你是一名在戰場上的無名士兵: 第11章 - 6

在兩個小時的行軍後，你們駐軍在一座可以看見安哥要塞的樹林中。「佢哋已經準備好應戰。」回來的偵察兵指着城牆上難以辨認的人影。「好，」羅傑斯隊長看着要塞。「隊長，我哋咁多人匿埋喺樹林入面，佢哋唔會派人搵樹林㗎咩？」你問。

「咁一係代表佢好有信心，一係代表佢好蠢。唔係嘅話佢可以一把火燒死我哋。」隊長說。「講返轉頭，你先應該係要驚嗰個，我哋休息完就會進攻，你要準備好單挑，如果唔係...」他停了下來，不過就算接下來的內容是甚麼，都不是你所期望的結果。

這兩萬人的軍隊在一個樹林中，如果有人想將這片大草原燃燒殆盡可說是輕而易舉。因此並不是所有人聚集在一起，而是每幾百到一千人便分開到一段安全距離，盡量減少被偷襲的傷亡。也有足夠的人數在外圍觀察動靜。

「無論係點，我都唔覺得呢場仗會好容易打。」安哥要塞比目前為止所佔領過的城都要大上許多，再加上敵人不斷強調它的重要，你背靠着樹幹思考。「如果對手係一個比格利得林仲勁，而我得返我自己，咁我其實係去送死.....」你開始害怕。「就算我打輸咗冇死到，都會影響到士氣，又係一條罪....」你向着壞的方向想。

「又唔係，既然擔心輸咗發生嘅事，不如諗辦法贏好過。趁依家有時間，等我試下把劍先。」你走到一個附近沒有人的區域，拔出緋紅之劍。「比普通嘅劍重....」你揮舞了幾下，「但除咗呢樣之外，有咩咁特別？」你又揮舞了幾下。





「我應該真係畀人玩咗......」你使出不同的劍法，但沒有任何特別之處。「咁我係咪可以扔咗呢把嘢佢？」你繼續用力揮舞，希望這把劍可以令你震驚。「......唔怪之得唔收我錢，原來只係一把塗咗色嘅劍。」你仍然揮舞着劍，看它會不會回頭是岸。

「我忍夠喇。」你把劍扔到地上。劍發出數下撞擊聲後躺在草上。「又唔係喎，一樣嘢發生必定有佢嘅理由，就好似個老闆畀把劍我一樣，應該唔會係垃圾嚟。」你撿起劍，「定係真係我自作多情？」你把它放回劍鞘，打算看看之後會不會有派上用場的時候。

「不如繼續同隊長討論之後點算。」你走回羅傑斯隊長所待的地方。

「睇實佢哋，有咩動靜即刻同我佢講。」「係。」隊長剛吩咐一位士兵觀察要塞的動向，他雙腳交叉坐下，但你完全感覺不到任何破綻。「副隊長，你應該做好心理準備同確保最佳狀態。」雙腳交叉的坐姿由不同人可以達到截然不同的效果，一位少女坐下會讓人感到活潑，一個成年人坐下會讓人感到嚴肅，但隊長坐下只讓你感到刻意，並且危險。

「隊長，依家地道隊已經開始潛入，但如果佢哋失敗，哋會曝露我哋位置囉。」你雙膝跪地，在他約一米外坐下。「如果佢哋做咗俘虜，的確會好麻煩。所以咩都睇你，如果你贏咗，我哋咩都可以叫到返嚟。」他的聲音比大象的腳步聲還要沉重。





「我咪叫你休息囉，唔好再行嚟行去，休養生息。」隊長令你變得堅定。「遵命。」你走到一棵樹旁，閉上眼睛。