你是一名在戰場上的無名士兵: 第10章 - 8

你見她完全沒有停止的意思，便決定把她打醒。「快啲醒啊！」你一拳打在海迪路絲的胸口，這一拳理應把她打倒，但不知道為何她不但一動不動，她反而變得更加「熱情」。「我愛你......」她用比先前更單純的力氣呼出這句話。

「點解你仲未瞓低？」你覺得不論用甚麼方法都要把她打倒。「去死啊！！！」海迪路絲依然帶着屍體般的涼向着你衝來。「冇計啦！」你只好向海迪路絲飛踢。這一腳擊中她腹部後把她重擊到地上，應該有人聽到打鬥的聲音了。

你上前檢查海迪路絲，「我會唔會踢死咗佢？」你看着她一動不動的。你嘗試用不同的方法弄醒她，但她還是躺在那裏。「起碼冇出事......」在你確認她還有呼吸後，你鬆了一口氣。「既然咩方法都唔得，咁樣應該都唔得啩？」你覺得不會有用，但你摸了摸海迪路絲的頭。

出乎意料地，她馬上彈了起來，把你嚇了一跳。「我真係好愛你......」但似乎醒過來的只有她的身體。你馬上把小刀踢開到房間的角落，「點解摸頭佢就會起返身？起返身點解又冇回復正常？我係咪做錯咗啲咩？」雖然效果不是你期望的，但方向應該正確。

「定係我做漏咗啲咩？既然係咁，死就死啦！」你向海迪路絲衝去，試圖強吻她，誰不知你卻被她的蠻力阻擋，她不斷把你推開。
「嗰樽嘢仲會強化人嘅力量？加啲咁嘅嘢落去做咩？」你愈來愈搞不懂海迪路絲製造藥水的原意。





「你想做咩啊？死到臨頭仲想反抗？」雖然沒有了武器，但海迪路絲仍不斷攻擊你，你只好不斷躲開她揮出來的拳，嘗試找出機會。

「你可唔可以唔好郁？死咗佢咪算囉！」海迪路絲變得愈來愈瘋狂，她攻擊的速度和力度也愈來愈大了。「醒啊!！你又整錯嘢喇」你嘗試叫醒海迪路絲，但她無動於衷。

「你講乜都冇用，我依家就係要殺死你！」在你在房間內不斷走動的時候，海迪路絲朝你衝來。在你快要撞到桌子上的藥水時，她揮出右鉤拳，你化開她的攻擊後親了下去。

海迪路絲停了下來。「終於肯停喇咩？」你把她弄到站立的姿態後抹掉頭上的汗。她就像一隻木偶般毫無生氣，連手也沒有擺動
「海迪路絲？妳有冇事啊？」你不斷在她前揮手，但沒有回應。





「咁樣應該醒到喇啩！」你決定用最有效率的方法叫醒海迪路絲。
「啪！」你一拳打在她的臉上。你看見海迪路絲的樣子都不好意思。她的臉腫了，不過方法倒是有效。「啊......？巴奇？」海迪路絲迷迷糊糊地說，好像完全失去了記憶。

「海迪路絲！你冇事就好喇，啱啱你好似想殺咗我咁！」你覺得海迪路絲對剛剛發生的事沒有記憶很奇怪。「我想殺咗你？哦！我啱啱整緊嘢，可能又出咗事，所以嗰效果有問題。」海迪路絲搔了搔頭。

「你講緊呢樽？」你拿着寫有「愛情藥水」的瓶子給海迪路絲看。
「係啊！就係呢樽，可能我落錯嘢，令到個效果變咗做「因愛成恨」。」海迪路絲哭笑不得地說。「咁佢原本嘅效果係點？」你問。

「佢原本係飲咗之後，服用者所仰慕嘅對象就會鐘意佢。」海迪路絲說。「但妳可以整到個效果由對方變成自己。」你忍著不笑出來。「對唔住.....」海迪路絲低下頭。「算啦，唔係啲咩大問題。」即使你剛剛便被同伴殺死。





「一係我聽日請你食餐飯？」海迪路絲握住你的雙手。「好，好啊。」你迫不得已只好接受。「時間都唔早喇，我會整返好樽嘢，你返房休息先啦。」海迪路絲拿起藥水。「嗯。」你流着尷尬的冷汗，搔着頭地走出了房間。

「咁佢應該唔知我錫咗佢一啖。」