你是一名在戰場上的無名士兵: 第8章 - 3
「好，我接受。」你說。「咩話？但係......」「我想聽下佢想講乜嘢。」你打斷了雪倫。
「好，咁請你哋跟我嚟。」格利得林說。兩名士兵在你們旁邊，周圍則有幾十個士兵包圍，沒有一絲突圍的機會。你們走過門窗緊閉的街道。
「我哋嘅目的已經達成。」格利得林對一個比其他士兵看起來有些許不同的人說，然後他向一幢有三、四層高的建築跑去。「冇嘢嘅，我只係想同你交換啲情況。」格利得林轉頭對你說。
由於是黑夜，有數名敵兵拿着火把在你的前、後、左、右照明，你們繼續前進，走過一個空地，空地的地上有着不少小孩子畫上的塗鴉。「我哋好快到。」格利得林說。
再走一分鐘，路上有不少樹，因為夜風而搖曳。你在前方看見市政廳，前方是一條非常長的白色樓梯。樓梯間有不少火把插在間隔中照明。走上樓梯後有兩個門衛打開門讓你們進入。「呢邊。」格利得林走向右邊打開門。
門內是一個宴廳。中間有一張讓十四個人坐的長桌，兩旁放了不少畫，右邊的窗戶可以看到外面。而桌上鋪了白色餐布，布上放了不少食物。「請坐。」格利得林命令兩名士兵把你們帶到左邊的第三和第四張椅子，雪倫坐在你左邊。
「你哋留喺度。」格利得林命令士兵站在宴廳四方。「你到底想講乜？」雪倫說。「你有乜嘢好快啲講。」你說。「咪住先，我諗你哋搞錯咗身份。」格利得林說。
「我想問你哋啲嘢，你一定要講真話，如果你唔講真話，咁就等喺監倉過一世啦。」格利得林一邊吃牛肉一邊說。
「好啊，你隨便問。」雪倫說。
「你哋唔食？總之，第一條問題，你有冇曾經喺某個人身上或者邊度搵到啲寫住一隻字嘅便條？」格利得林說。「咩字先？」你問。「西方人用嘅英文。」格利得林再割下一塊牛肉放進嘴裏。
「有。」你說。「好！我欣賞誠實嘅人。」格利得林說。「你做乜講畀佢聽......」「等陣先。」你對雪倫說。「咁我畀你問返我一條問題。等價交換，好公平。」格利得林說。
「我想問「天選之人」到底係邊個？」你問。「「天選之人。」真係有趣。佢唔知係男係女，淨係知道佢會「拯救」依個世界。」格利得林說。
「十五年前，發生喺一個城鎮嘅大爆炸，奇怪嘅係嗰場爆炸冇損害到個城市，反而係將城鎮周圍嘅嘢炸清光。」格利得林說。
「聽講嗰一場爆炸得唯一一個見證人，而嗰嗰人返咗去佢嘅國家之後就變得好古怪，成日唔知喺度做乜，而之後都有幾個人出現咗啲咁嘅症狀。」格利得林說。
「喺發生咗場爆炸之後，據聞係爆炸嘅中心點每年都會出現一個灰黑色的石碑，石碑上面留咁啲信息，唔知係畀邊個睇嘅，但係提到咗一個名「天選之人」。」
「喺嗰個城鎮嘅佈告版上面仲出現咗要搵「天選之人」嘅公告，話如果搵到佢就要帶佢去羅斯亞城。但係當年好多人都好驚，所以冇理到。而依個傳聞就漸漸咁畀人遺忘。」
「依啲嘢我全部都知，你可唔可以講啲新嘢？」你說。
「我依家就入正題。據說「天選之人」就出現咗喺兩個交戰緊嘅國家嘅軍隊入面。而據聞嗰嗰人有一種好特別嘅能力，可以摧毀一切，只係佢自己都唔知。」
「咩話？」雪倫說。
「「天選之人」本來就係一個傳言，但係依家我哋嘅高層都好關注依件事，所以我哋就係咁搜索關於「天選之人」嘅情報，只希望唔會係假。」
「「天選之人」嘅能力係未知數。我哋都唔知搵到佢之後會點。淨係希望可以見識到「拯救」呢個世界嘅存在。」格利得林說。
「我哋諗緊係咪「你」，定係另一個人。」格利得林說。
「另一個人？」你說。
「一次一個問題。」格利得林說。
「我講完喇。到我問返你問題，「你有冇見過一個識發明好多嘢嘅女人？」」
「有。」你說。「好！夠誠實，我依家就再畀你問我一條問題！」格利得林說。「我想問......布朗斯帝國嘅目的係咩？」你問。
「我哋嘅目的？雖然最後可能都要同你講聲再見，不過我都講下啦。」
「我哋嘅目的原本係想透過武力嚟達至和平，但係點知你個國家喺兩個月前，愛利文帝國嘅叛亂入面同我哋成為咗敵人。」
「關於呢點我都有嘢想問，不過我諗我冇得再問。」你說。
「呢樣如果有機會下次再講，但我講明，我哋寧死不屈，你要殺晒我哋全部就殺啦！」格利得林說。
「我同你哋有一場好充實嘅對話，依家你哋可以走得喇。」格利得林說。
「真係走得？」雪倫說。「既然我知道咗我想知嘅嘢，你又知道咗你想知嘅嘢，你就走得。」格利得林說。
「好，咁我哋告辭喇。」雪倫和你站起來。
「等我送埋你哋走。」格利得林說。「咁啲嘢食呢？」你說。「我哋會自己搞掂。」格利得林說。他在言語間沒有任何惡意的氣息，彷彿你們只是幾個在酒館暢所欲言的人。還是他就是想營造這樣的感覺？
你們和幾十名士兵按大街走到城門，「我殺咗你啲人，你唔殺返我？」你在城門外對着格利得林說。「雖然我好想，但如果喺度殺咗你，所有嘢都唔會有好結果。」格利得林站在城內說。「呢場戰爭到底係為咗咩？」你憤怒地說。
「你咁想知嘅話咪戰鬥落去，不斷見證生離死別，終有一日你會知道答案。」格利得林始終都用平淡的語氣說。「你係咪玩緊我？」你比剛才更大聲地說。「唔好唔記得你依家係優勢，依家啦。」格利得林說。「你個！」當你想衝前時，數名士兵拔劍阻止你。
「劉巴奇先生，請記住，就算你對敵人仁慈，敵人都唔會對你仁慈。如果敵人對你仁慈，啫係佢想利用你。」「閂門！」格利得林說完後便命人把門關上。
「啪啊！」「嗰條粉腸根本當我哋係玩具咁玩！」你踢了牆一下。「不如我哋走先。」雪倫說。「都係，不過我哋起碼知道咗我哋想知嘅嘢。」你說。
「但係我哋要點走？」雪倫問。「我嚟嗰陣騎嗰隻馬應該仲喺度。」你和她走離城。在不遠的地方，你看見馬在站在路中間。「喺嗰隻喇！」你跑向馬。馬叫了幾聲後才讓你騎上去，也許是嗅到在你的衣服上的血吧。
「我哋行喇。」雪倫坐在你後面。你把馬領向後面，然後開始回程。
「雪倫，妳係點畀人捉？」你問。「當我喺間房讀緊書嗰陣，突然有個人喺我後面將我整暈，我醒咗就喺監獄入面。」雪倫說。「妳諗唔諗佢係點入嚟同點走？」雖然你不能得到太多資訊，但你想問一下雪倫的想法。
「我平時應該會聽到有人喺出面，但我今次完全聽唔到。」雪倫說。「唔通係專業嘅暗殺者？」你思考着行兇者的身份。
不論是行兇前或者行兇後，手法都完全無法推論，「我啱啱應該問佢㗎！」你差點用手槌打在馬上。「的確，如果我哋唔知佢係點做到，咁之後我哋好有可能會有人再畀佢捉。」雪倫抱着你的腰。
「返返去最基本嗰步，佢捉妳嘅原因係咩？係為咗問我料？畀下馬威我？定係想講佢哋只係放緊水？」你說。「我覺得三樣嘢都係。」雪倫說。「我諗佢哋都對「天選之人」都有好大疑問，所以佢哋想藉我引你出嚟，同時都係為咗畀我哋睇佢哋嘅實力。」雪倫繼續說。
「你覺得會唔會係因為城牆爛咗，所以佢哋唔係行城門，而係行爛咗城牆？」雪倫問。「我覺得唔會，開戰之前佢哋一定會整好啲城牆，而開戰嗰陣城牆都冇爛。」你說。「既然佢可以無聲無息咁行入嚟，佢會唔會有啲嘢可以跨過城牆？」雪倫問。
「！」伴隨馬在奔馳的震動，你彷彿好像想到了甚麼。「雖然應該都唔係咁，我諗佢應該係開戰之前就匿埋咗。」你說。「係喎！真係咁都唔定。」雪倫說。
「佢匿埋咗喺民居，等打完之後搵機會去捉妳。」你說。「但係打仗嗰陣匿埋會當逃兵處理，係死罪嚟㗎。」雪倫說。「佢一開始嘅任務就係呢樣咪唔係囉！「啫係所有嘢一開始就整定？」」
「冇錯，佢係特登畀座城我哋。」「就係為咗問你幾條問題？冇乜可能。」「同埋，如果佢真係要咁做，點解要畀你殺佢啲人？」雪倫說。
「有啲人係用條命嚟做戲。」你說。「咁都太蠢。」雪倫說。「但作為士兵就一定要服從上司嘅指令。」你說。「佢哋都應該估到後果。」
「戰爭係好殘酷。」「有時候你係要用自己條命去幫隊友獲得勝利。」