你是一名在戰場上的無名士兵: 第5章EX2：未來的結晶 - 4

「冇，我講下咋。」海迪路絲眨着眼說。

雖然隔着睡毯，但冰冷仍令你感到一股寒意。

「袋嘢聽日你揹。」海迪路絲指着載着食物和其他東西的大袋說。

「好，不如我哋食啲嘢先。」你聽着外面不斷吹着的寒風，覺得自己身處在一場暴風中，從帳幕往外看還能見到大雪紛飛的景象。


海迪路絲拿起一塊圓麵包，「我明明記得我唔係淨係買麵包㗎喎...」你仔細查看手中的圓麵包。





「食就食啦！唔食變涷咗你就變雪人。」海迪路絲咬下麵包。

你吃了麵包的一部分，感覺很像不同你在店內買的麵包。「妳係咪做咗啲手腳？」你把頭轉向海迪路絲。「我咪話食就食啦，一塊麵包咋嘛，多啲料少啲料又唔會少點咩嘅。」海迪路絲再咬下麵包。

「梗係唔同啦！每個人整嘅嘢食嘅味道都唔同，軍隊入面嘅伙食兵每一個人煮嘅嘢嘅特色都唔同，例如滑滑地嘅蛋黃係藍斯整嘅，甜甜地嘅芥蘭係朱利整嘅，酸酸地嘅菜心係馬連整嘅！」你正經地用食指指向海迪路絲。

「我真係冇你乎，你鍾意點就點啦。」海迪路絲別過頭。

說着說着，你也有一點想念在軍隊的生活，不過如果可以，你寧願永遠都不用再回去。





你仍然不知道那些麵包是怎麼一回事，躺在睡毯上的海迪路絲彷彿在用鼻子畫着甚麼東西。

「妳做緊咩？」你問。

「你真係好多事，我使唔使同你講埋我每日幾點起身，幾點食咩，幾點瞓覺？」海迪路絲把身體轉向另一邊。

你吃完麵包，躺在睡毯上，才發現帳幕是由毛皮組成的，不怪得在裏面有點溫暖的感覺。

你留意自己的呼吸，吸氣，呼氣，你慢慢閉上眼睛。





「喂，起身喇！」海迪路絲拍了你的左肩膀。

你張開眼睛，看見海迪路絲在收拾東西。「唔好瞓喺度啦！幫手執嘢！」海迪路絲把睡毯放進袋子。

你和海迪路絲收起帳幕，你背上袋子，往洞窟走去。

在進入洞窟前，你回頭望去寒風吹着的路，就像一個離開家鄉前往未知之地的年輕人一樣。

「呢度都有啲大，一跌去就冇㗎喇，小心啲。」海迪路絲向前走。

雖然洞窟非常廣闊，但四方八面都有自然光進入，所以內部很光亮。

你們一直前進，沿途有一些很窄的木橋，彎位，不過都有驚無險地走過。





「呢個係咩事...」你看着前方的幾條大冰柱和無盡深淵。

「依家要極度小心，啲冰好跣，雖然對靴可以幫到少少，不過如果你唔留意都好容易出事。」海迪路絲拿出地圖說。

「你就唔使諗咩掉個袋過去先喇，個袋一定仲跣過吟遊詩人唱緊歌。」海迪路絲望着你。

周圍是一個很大的空間，不過離這邊同對面的距離只由幾條大冰柱支撐，圓形的藍白色牆壁彷彿在說着生人勿近。

你背着袋子，跳向第一個冰柱，當你碰到地面時，你馬上往前面滑了一大段距離。「哇！哇！哇！」你轉身試圖往後走停下。

冰柱雖然不夠周圍的空間大，但總有點空間讓人滑來滑去，不過每一次都這樣好像不是辦法。

「不如妳跳過去先，跟住我拋個袋，你接住咪得。」你提議說。

「都唔得，個袋衝埋來，我會畀佢撞埋落去，有冇玩過滾球？」海迪路絲站在你旁邊說。





「咁我盡量停落嚟啦。」你捉緊袋子。

你再跳向第二條冰柱，你比第一次更快停下了。

「哇！」在你後面傳來了海迪路絲的叫聲。

「做咩？」你望回頭。