你是一名在戰場上的無名士兵: 第5章EX2：未來的結晶 - 2

在第二天的夜晚，你見雪倫已經睡着了，便留下了字條。

「雪倫，海迪路絲，即係防具鋪嘅店主要同我出去做啲嘢，應該幾日後先返到嚟，唔使擔心我，等我返到嚟再鬧我啦。巴奇字。」

在這幾天雪倫都衝出去玩，你和她完全沒有交談，她也許是故意避開你，或者是太過害羞。

畢竟在那個夜晚之後，她每次看見你的臉都會臉紅。

你躺在床上閉上眼睛，迎接新的一天。





你起床後看到桌上有一張字條。「我雖然好想同你講啲嘢，不過都係等你返嚟先講啦，路上小心。(我唔係特登逃避你，你返到嚟就知點解)，雪倫字。」打開雪倫的房門，她已經出去了。

你在海迪路絲的店前看見兩輛馬車，一輛載着很多貨物，一輛應該是給你們坐上去的。你看着太陽，現在應該是九時半，進入海迪路絲的店，你看見海迪路絲在背着一個背包。

在昨天，你便把食物全部交給了海迪路絲，那輛馬車上也載着食物。

「你有啲早，食咗早餐未？」海迪路絲問。

「未。」你摸着肚子說。





「一場史詩就喺腳下開始，你一開始就仆親，點可以㗎？我帶你去食啲嘢喇。」海迪嗰絲卻沒有失望，反而是帶點興奮。

你跟隨海迪路絲到一所麵包店。「唔該我想要三個長麵包同埋兩杯熱牛奶。」海迪路絲把雙手挨在櫃台前。

「係你啊海迪路絲？我依家即刻畀妳，啱啱先整好㗎。」灰色頭髮，捲着馬尾，穿着紅色袍，稱顯老態的老闆娘說。

「依度啲麵包好好食㗎，你得閒都可以嚟依度。」雪倫路絲指着店牌。

「迪利西斯麵包店」這是店舖的名字。





「嚟喇嚟喇。」老闆娘拿着食物盤到你們面前。「唔該晒~」海迪路絲拿起一個長麵包。

你們吃完後，便坐上馬車起程。

出發前，海迪路絲給你一件毛皮大衣「你去啲咁涷嘅地方點可以整係着啲咁薄嘅嘢呢？」海迪路絲用手指指着你的黑色護甲和灰色長褲。

你看見海迪路絲穿着白色大衣，大衣上有靛藍色的毛皮，配着她的黃色的頭髮，你有一種冷酷的感覺。

「望咩啫你？」海迪路絲察覺到你的視線。

「我可唔可以摸下妳個頭？」你看着海迪路絲平滑的頭髮。

「你係咪變態㗎？你敢我就將你用火槍射死，然後用你條屍整成人型兵器。」海迪路絲用一種極具敵意的眼神看着你。

道路兩旁充滿了墨綠色的樹，樹的後面盡是森林。而望向前方，可以在遠方看見一座非常高大的雪山。





「妳之前話我對妳係好重要嘅人，係咩意思？」你問。

「唔知你係特登定係仲蠢過喺地下爬嘅螞蟻，唔該唔好再咁煩。」海迪路絲別過頭。

她好像完全不想理會你，於是你從馬車後面看風景，你們坐在馬車後的載人位，馬伕在拉車，海迪路絲原本坐在你對面，但她已經走到你的對角位了。

你們已經離安杜城有一段距離，雖然不知道還有多少時間才能到達。

你在腦中回想雪山的地形。

「山腳一開始有條有啲斜嘅坡，特別係非常之滑，我會畀防滑靴你。」
「過咗個坡，有一個洞窟，洞窟有啲位好窄，有啲位要跳過去，我諗你呢幾日應該唔會特登整到隻腳好攰嘅。」
「洞窟之後，係一個要留意嘅懸崖，我哋要靠邊行過去，一跌落去你就可以永遠安息㗎喇。」
「懸崖後面，有一條橋，好易跌，到時睇情況啦。」




「過咗橋，入面個洞穴就有我哋嘅結晶，不過入面錯縱複雜，我仲認得路，不過你要跟實。」
「攞完結晶之後，我哋唔跟原路，喺洞穴另一面出去，有一堆雪，跟住雪走落去，最後有一條由冰組成嘅長坡，我哋直接跣落去，到時馬車會喺嗰度等我哋。」

預想當時的情形後，你發現還未到達，於是決定再睡一會。

「起身喇！」海迪路絲對着你耳朵稍微大聲地說。你馬上張開眼睛，已經到了，而墨綠的森林早已變成花白的樹和埋在地上的白雪形成的雪地。

「上去之前做下熱身先。」海迪路絲在和馬伕說完話後對着你說。

你拉了筋，讓手、腰、腳都準備好。

海迪路絲背着食物，「你拎住咁重嘅嘢冇問題咩？」你問。

「咁你覺得我第一次係點嚟？」海迪路絲露出兇狠的笑容。





在山腳，有一個由雪組成的坡，看起來很闊，在坡外面則是峭壁。

你和海迪路絲一步步走上坡，每一步都令你感到非常沉重，你的汗不斷流出。雪山雖然很冷，但抵消汗後的寒風可以令人寸步難行。

「轟隆轟隆...」你聽到甚麼東西在蠢蠢欲動的聲音。「海迪路絲，你聽唔聽到...」突然，有一個大雪球滾下來，你馬上避開，雪球滾下山後化成一堆雪。

「都話唔係咁易㗎啦，你準備好未？」海迪路絲回頭對你說。