女神老細係我女朋友: 第八十四章

————————————————
張志明

我望住個顯示板心諗，仆你個街！唔好再多啲！唔理啦，跑！ 分頭搵最快呀

究竟伯母係邊到呀！屌！我四周圍一路跑一路望，但係都唔見佢蹤影

「媽咪！媽咪！」好似係景霖把聲，我都馬上跑過去

我離遠見到景霖攬住伯母，好似好激動咁，比啲時間佢地，再加上我唔得啦，已經跑到喘曬氣，唯有慢慢行過去





「景霖！伯母！」我行到景霖背後

「張志明？我有事要你幫幫手」伯母對我既語氣好似唔同咗，係溫柔咗呀

「係！有咩我可以做到？」我用最誠懇既語氣回應伯母

「你要係我離開香港呢段時間，好好照顧我個女，唔可以好似上次咁激嬲佢呀，我而家急住上機」伯母將景霖隻手遞比我

「知道！伯母！」我接過景霖隻手，捉實





「媽咪！」景霖默默又繼續流眼淚

「乖啦，我真係要上機啦」

伯母同我地講完拜拜就匆匆離開，入閘

景霖就一直拖到我實一實，好開心咁對住我笑，佢真係笑得好靚，好耐冇見過佢發自心底既笑容

「呀明，我好開心呀，媽咪好似已經認同咗我地啦」講講下，我見到景霖眼角又開始想流眼淚





我即刻攬住佢「傻妹黎既，咁開心做咩又想喊呀」

我用手幫佢抹走眼淚，錫咗佢一啖

「張～太」我係佢耳邊講

「咩呀？今晚先啦」景霖好怕羞咁樣講

「咩今晚呀？咁媽咪都承認咗我地，咁妳仲係張太咩？」我好疑惑咁反問景霖

「下？你唔要獎勵咩？」景霖面都紅埋

「哦！乜原來係妳想要呀？仲唔比我試到妳」我對住景霖奸笑





「唔係呀，衰人！」景霖一邊講一邊追打我

就係咁景霖同我手拖手行出機場門口。為咗慶祝成功拯救咗公司，仲有伯母終於承認咗我地，我地返咗屋企換咗套衫，景霖換咗黑色吊帶裙，加少少踭既高踭鞋，仲噴咗好甜既香水，將直髮卷到微曲，就出發去四季酒店食自助餐，

「呀明，我地好少好似今日咁樣一齊出黎拍拖食嘢啦」坐係對面既景霖，好開心咁望到我實一實

「傻妹，做咩咁樣望住我呀，比你望到我怕醜啦」

可以得到伯母既認同真係好開心，但最開心既係景霖同伯母終於冰釋前嫌，我同佢都可以光明正大啦！！

過咗一陣，我同景霖都好食到好飽，今日既景霖著得比平時更加吸引，今日著既裙仲令到佢既事業線若隱若現，佢好耐冇著到咁索啦

當我眼甘甘咁望住佢既同時，發現佢都望到我實一實

「係呢？唔知張生一陣得唔得閒～呢」景霖望住我笑，仲單左一下眼！





面對景霖既暗示，小志明又出動啦！

「埋單！」我向待應表示

我心急拖著景霖走出酒店接持處

「兩人床房一晚，唔該！」我將身分證同信用卡放係抬面

「618號房....」

攞咗房卡之後，我好急咁拖住景霖去搭lift

入到lift，我將景霖推到牆邊，之後貼近不斷同佢打車輪，同時間我係咁伸手入去景霖條裙亂摸一通，景霖大髀真係好滑！