女神老細係我女朋友: 第五十八章

幾日後

另一邊：景霖阿媽

「總裁，大件事了，我哋美國個邊既對手開始做嘢了」秘書神色慌張衝咗入黎

「發生咗咩事？」好少見到秘書咁緊張究竟係咩事呢？

「我哋瀚霖集團因為之前業績下降導致公司股票跌價，再加上啲資金唔流入，啲散戶大幅拋售我哋嘅股票，依家對手嘅狙擊公司開始大幅吸收我哋公司嘅股票，一旦我哋公司嘅股權小過51%，咁公司就唔再係我哋㗎了。」秘書一輪嘴好快咁樣講，快到我差啲聽唔到，唯獨聽到公司再唔係我哋呢句對白






「唉，瀚天（景霖阿爸）如果你仲喺度公司一定唔會咁樣樣，仲要而家個女咁樣反叛，事到如今我仲可以點樣做」呢次點算呀？我個腦突然一片空白


「總裁好消息呀！美國嗰邊嘅股票交易行暫時停止咗我哋公司股票嘅交易，為期兩個月，但萬一到時我哋冇任何資金注入既利好消息，股票行就會將我哋公司強行交俾持有我哋公司最大股票嘅人，所以我哋得返兩個月時間咋」秘書突然喜出望外咁講，聽到呢個消息我都稍為回復返心情


「事到如今唯有俾個機會靚仔同個女試一試啦，成敗與否就睇佢哋兩個啦，希望佢唔會係第二個Edward，個Edward攞晒我哋公司嘅資料之後走去同我哋班金主講我哋壞話撤走晒我哋嘅資金而家住喺股票市場度狙擊我哋，如果個阿明係第二個Edward，咁就.........唉」突然之間唔知點解我會選擇相信果個靚仔，唔通因為景霖為佢辯護既時候所表現表情打動左我？我唔知呀！！






———————————————————-


另一邊：景霖同阿明係床度

「景霖，啱啱細強打電話俾我話呢幾日我哋唔喺度，公司出咗好大件事，有同事睇到新聞話我哋美國嘅總公司俾人狙擊緊，再加上公司而家不斷喺各方面cut資源，班同事都好驚可能會失業，所以細強啱啱黎問我哋而家公司嘅情況其實係點樣樣，會唔會真係會失業」我一聽到呢個消息就好心急咁話比景霖

「如果係咁，可能你阿媽嗰邊出咗事，但係前幾日同阿媽嘈一大交，我返到去真係唔知點樣面對佢，更何況仲要我質問佢發生咩事？」景霖聽到之後面色一沉，之後好心急咁樣講

「其實兩母子冇隔夜仇，始終你哋係兩母子，在公在私我都覺得我哋應該返去睇吓，就算我哋真係唔為你阿媽着想，都應該為下我哋班同事着想呀」我嘗試開解下佢，希望佢冇咁開心啦





「你咁講都啱嘅，佢始終係我阿媽，我出咗嚟咁耐都應該返去睇吓」經過左一輪嘅開解之後，景霖既心情都好返少少

景霖突然Whatsapp響

「阿女返一返嚟公司我有嘢要同你講，記得一定要帶埋個阿明黎」我係景霖隔離大概聽到伯母既說話


「阿媽send WhatsApp嚟叫我返去呀，仲叫我記得一定要帶埋你返去」景霖收線之後就同我講


「咁我哋換套衫嗱嗱聲返去啦」吓，伯母竟然話記得帶埋我去？究竟發生咩事呀？我越嚟越混亂