女神老細係我女朋友: 第十六章
「既然你問到，就講你聽下啦，趁景霖唔係到我先講你聽，你記住唔好同景霖講係我同你講㗎。」
「哦。」
「其實我都唔係好清楚，Edward係景霖兩年前嘅男朋友，嗰陣佢地仲好似係到一齊住過一排，我仲成日車佢地兩個周圍去。」
「咁而家個Edward去咗邊？」
「我都唔知啊，突然有一日好似同景霖唔知因咩鬧交定點，之後就分咗手，我都冇再見過佢，我問景霖咩事佢都好似唔係幾想答我，我都唔敢再問。」
『究竟發生咩事呢？』
正當我同全叔傾梗計嘅時候，老細都落到嚟大堂，行出嚟我同全叔嗰到。
「早晨阿全。」
「早晨啊小姐。」全叔同老細打招呼之後，我地就一齊上咗車，同尋晚一樣老細一上車就瞇埋眼瞓覺，我都忍唔住䀫咗陣。
「到啦兩位。」個零鐘頭後我地就翻到公司樓下，今日反而冇尋日咁早，反而係，全叔一次過叫醒我地兩個。
我同老細一齊同全叔道別咗之後就落車走入大堂，同尋日一樣，老細照樣同大堂保安打咗聲招呼，我一直跟住老細入去等𨋢。
我見到細強同其他同事係等𨋢嗰到，同細強揮咗下手打招呼，但係佢同其他同事擘大隻眼咁樣望住我，都啱嘅，我e個新仔第二日翻工竟然係坐老細車。
上到公司，老細粒聲唔出就翻咗入房，簡單咁同第一日見唔到嘅groupmate認識下，我就坐翻埋位繼續做野。
「喂，做咩你有得坐老細車翻工嘅啱啱？你做過啲咩嚟啊新仔？」細強係隔離跣張櫈埋嚟八卦咁樣問我。
「冇咩嘅，尋晚....」我一次過講晒尋晚由公司到去老細屋企過夜嘅事俾細強聽，當然除咗廁所發生嘅事同我偷咀老細單嘢啦。
「哇，你咁好彩嘅，第一日翻工就上咗老細屋企過夜！？我聽人講老細係公司係冇朋友咁濟，居然會請過第一日翻工嘅新仔上自己屋企過夜？你係咪特登㗎，睇你個樣似想溝咗老細喎，都係嘅，老細咁正。」唔知點解我覺得細強e刻講嘢嘅語氣好似全叔。
「喂唔好咁大聲啦，老細房就係後面咋，聽到都唔知點算。」我即刻叫細強細聲啲。
我即刻轉身望一望後面老細房，隱約見到老細睇梗電腦，應該聽唔到細強講嘢。
「嗱，我想溝老細e件事得你同我知㗎咋，唔好講出去tim啊。」我指住細強講。
「得啦，我係唔會同任何人尤其是老細講你想溝佢嘅。」細強輕挑咁講。
「屌你啦。」我少有咁講粗口屌細強。
「哦~~~~」細強一下跣翻去自己個位。
我今日都係同細強出去食咗lunch，翻嚟繼續同我嗰gp啲同事做埋份project，話咁快就到咗差唔多放工。
正諗住同細強吹下水等放工嘅時候，我俾老細企係門口叫咗入房，細強即刻扮做梗野並以一個詭笑望住，我執以一個無奈嘅眼神。
「景，啊唔係，老闆.....搵我.....咩事呢？」e刻我好驚會唔會係老細發現我偷咀佢。
「你今晚得唔得閒？」老細用平時嘅語氣問我。
『吓？』