女神老細係我女朋友: 第十三章
我走出客廳，老細就坐咗係梳化到，個頭仲係濕濕地，睇嚟好似頭都冇乜點抺就趕住出咗廁所，不過我仲衰，啱啱換完嘅衫又俾老細整到濕翻晒。
「老，老闆。頭先，對唔住啊。我，我冇心㗎。。。」我係走廊口，隔住咗張梳化企係到，啱啱發生咗件咁嘅事我都唔敢坐近老細。
「我都知......我沖涼沖到廁所濕晒....」e個時候嘅老細同係公司嗰陣嘅佢完全唔同，簡直就好似係兩個人嚟咁。
「我間房，係你，執過嚟？」
「我.....我唔係有心掂老闆你啲嘢㗎.....只係好奇留意到.....間房咁亂先.....」
「唔.....該。你，過嚟坐低啦，唔好企係到。。。」老細示意我埋去梳化坐低，因為我仲以為佢會嬲我私自入佢間房，尷尬到成碌竹咁棟咗係到。
我行埋去坐係老細隔離張梳化到坐低，見到老細單腳翹住坐係張梳化到，仲係著住我啱啱拎俾佢嗰條真理褲，加上老細坐梗嘅姿勢，真係係男人都會偷望老細下面啦。
不過老細一見我坐低就即刻坐翻好個姿勢，雙腳掂翻地，真係可惜。不過咁樣反而令到我有機會好好欣賞老細嘅上半身。
老細著住件白Tee，都係oversized嘅，因為坐咗係到，老細件衫跌落嚟啱啱好遮住咗條真理褲，淨係露出咗做佢嗰對美腿，仲有種好似冇著到褲嘅既視感，再加埋老細濕漉嘅頭髮同佢個樣，睇落好似啲日本寫真嘅model咁，睇到我扯晒旗。
為咗唔俾老細望到我扯到行晒，我用兩隻腳夾到條野實一實，廢事又有咩誤會。
「頭先，對唔住....我唔應該咁樣話你......係我唔記得攞齊衫褲去沖涼...」
「唔洗道歉㗎老闆你，我啱啱都係因為冇睇清楚地下有水先......」我急忙搖手叫停老細。
「係到可以唔洗叫我老闆......叫我景霖.....」
「景霖？！」我估唔到老細竟然要我叫佢個名，我都不禁擘大咗對眼。
我注意到老細臉上嘅紅暈愈發明顯，唔知係因為個客廳焗定係佢怕醜。
老實講，我真係完全估唔到老細會有咁嘅一面，同之前係公司嘅形象完全相反，真係越強嘅女人就有越不為人知嘅另一面。
「係喎，我搞到你，件衫濕晒......我入去攞過第二件衫俾你。」老細講完就係梳化起身急急腳咁走入房，幾秒後出翻嚟「我冇晒啱你瞓覺嘅.....衫....」
其實我就冇乜所謂，平時自己一條毒撚大部份時間都唔著衫瞓覺，但係今次唔同，我係係老細屋企。
「唔梗要啦，老.....景霖，我係廳除衫瞓，聽朝一早著翻套翻工衫就得㗎。」
「係廳瞓？唔係幾好嘅。。。你想唧可以入.......房.....瞓。。。」
「入你房瞓！？」