《澄叔與Hi Hi的回憶錄》: 冬季主題-「精神崩潰」
大家期待已久嘅第二集終於都到喇！今次嘅topic大家都見到，就係「精神崩潰」，想知我哋兩個有咩精神崩潰，睇埋落去你就知。
------
撰文者：HiHi
-
最近我好像有點精神崩潰，主要因為沉重的打擊接二連三。先是聖誕假整天無所事事，多了時間胡思亂想，有種白流著血淚的感覺。突然很羨慕以前的自己，不用畏首畏尾，看別人臉色做人。
-
［也許我們認了吧，潺潺年月留不住那碎裂童話，未知秋涼已經冬霜，你倦嗎？］
-
然後就是各科UT不停出事，無論多努力，成績和合格線總是「只差一點點，即可以再會面，可惜偏偏剛剛擦過」。雖然開始懷疑自己當初的決定，但我不會為過去後悔，所以只好硬著頭皮繼續努力了。
-
［原來白天消逝，繁星天際，才看到光輝。］
-
2020年就在我們的呼吸間溜走了，很多人都説上年看似什麼都沒有完成，就已逝去。不過對於我來説，這才是最好的一年。想做的都做了，認真過、瘋過、懷緬過、展望過，就算下一秒要死，大概也沒有什麼值得稱為遺憾的事情了。
-
［抓緊一生的良辰，賣力地放任，來日當我向著你前行，起碼我沒白過此生。］
-
知死，知生。我認為只有明白人生命的無常，明瞭死亡説來就來，能把握當下，才可以稱為真正活過。曾經，我也有夢想，卻沒有奮鬥的目標；但現在，我只想認認真真的活著，哪怕是一種煎熬。
------
撰文者：澄澄
-
（由於我覺得使用口語撰寫本文的質素會比書面語更好，更加可以清楚表達我的心聲，所以本集會採用口語撰寫。）
-
上年三月開始，長篇小說《夾出一個她》連載開始，一個令澄澄故事台逐漸有更加多人認識嘅小說呈現咗喺各位面前。但寫咗接近六十集的時候，喺一啲主線劇情連接時出現咗「空窗期」，完全唔知道點樣連接情節同情節。
-
面對《夾出一個她》的審美疲勞，我發覺自己開始踏入一個精神崩潰的狀況。於是我放咗個長假，一個停咗半個月連載兼寫文嘅假期。
-
呢個假期究竟有冇用？我唔可以話佢好有用，亦都唔可以話佢冇用。
-
［大概也夠我送我來回地獄又折返人間。］
-
有用嘅就係俾咗我一個完全放低故事台嘅空間，嗰陣時完全唔掂故事台嘅工作，話晒由三月開始都無間斷咁寫，就當放一個長假期。冇用嘅係，放假嘅時候有好多爆嘅idea，有好多新嘢、有趣嘅嘢想寫，但自己完全冇心落筆，個人就變得空虛咗，好似冇咗一個目標咁，到之後重新寫返嘅時候又冇乜精神。
-
［然而誰明白我沒你們所想的堅狀。］
-
啱啱先過嘅一月，我因為考試，所以冇乜時間去寫文，亦都因為之前嘅長假期，暫停一切故事台嘅工作，導致一月冇乜文出。因為故事台啲文唔係即寫即出，而係要早個幾兩個禮拜寫定嘅，所以之前復課嘅時候都可以keep住逢星期三、日都有文出。
-
上個禮拜六，終於考完試，再次出返《夾出一個她》，本來都冇嘢，咪就係正常出文囉！點知執執下文嘅時候，播中陳柏宇（The Players Live In Concert 2016）嘅《沒有你，我甚麼都不是》嘅時候，啲眼淚係唔自覺咁飄出嚟，真係喊到要停低手上嘅工作。
-
唔知點解，突然好覺得對唔住啲讀者，好似有好多應承咗大家嘅嘢都冇做到，例如計劃喺上年暑假連載嘅《數學堂的夢境》、上年十二月推出嘅《前度超渡師》。呢兩個大project喺宣傳嘅時候就誇啦啦！去到而家咪又係乜文都冇，甚至應承咗大家逢星期三、星期日嘅《夾出一個她》都做唔到，一個咁簡單嘅事情都做唔到。不過可能你會話呢啲都係小事啫，使乜喊喎。
-
［我很想找個人，對我說別怯慌。］
-
聽到《沒有你，我甚麼都不是》，我就諗起陳柏宇出道初期，都係冇乜人識佢，係之後啲歌先令到佢越嚟越出名，而呢首歌正正就係多謝一直支持佢嘅屋企人、佢嘅朋友、佢嘅樂迷。正正就係因為呢首歌，令我鍾意陳柏宇。星期六晚聽呢首歌，我都諗起一直支持我嘅讀者同朋友，冇出文嘅呢個月，都收到有啲讀者嘅DM話幾時出文，我都係以考試為由而推卸出文嘅責任。真係好對唔住一班支持我嘅讀者。
-
其實寫文冇錢，出文都冇收入，但寫文呢個係我嘅興趣，可以令我自豪嘅事。我可以大安旨意執咗個故事台，或者任由啲故事爛尾，但開呢個故事台係我嘅興趣，係我嘅目標。應承咗讀者，就要兌現返承諾。寫文容易，但堅持好難，所以我應承大家，之後都會勤力啲出文嘅。
-
其實原本今集係諗住講因為肺炎而令到我「精神崩潰」嘅事，但我決定最後都係臨時抽起，即刻動筆開一個新故事，寫低我最近的感受，成為一個「回憶錄」。
-
（待續 To be continued）
IG：chingchingstory