有女仔寄宿咗喺我嘅頭到！: 26

廷叔送Miss Ko同零到車站之後，佢就自己走咗。
「零，你覺得佢地點」

「幾好呀，佢地又唔惡」

「唔...話時話今日真係唔好意思呀」

「咪話咗唔緊要」

「但係你唔驚一直留喺嗰度咩」





「又唔算驚嘅...咁總有方法出去，只不過係我地唔知」

「唔...不過你唔以為我地好廢喎，今日淨係係個別例子」

「Missi，如果話你地廢，咪即係話埋我廢」零笑住講。

「點解呀」Miss Ko露出一副天然呆嘅表情。

「因為我唔係都入咗盟度咩」





「係喎...」
「所以我話你地啲人廢，咪即係話埋我自己，我先唔會話我自己廢」

Miss Ko再露出一副原來如此嘅表情。


而同時間，喺豪宅度...






「廷，你覺佢點」

「唔...幾好呀，份人幾玩得」

「唔係呀，我話佢個人點」

「我咪話咗佢幾玩得囉」

「你知我話緊啲咩㗎」李爺爺皺一皺眉。

「唔...我覺得我地可以着重培養佢」

「點解」

「聽冷月話零可以喺冇武技嘅情況下，打低高過自己三星嘅妖獸，雖然打得有啲勉強，但係喺冇武技嘅情況下，要打低勁自己兩星嘅人已經好難，更何況係三星，仲要係妖獸，要知道妖獸比人類勁好多，同境界人類嘅三星都可能未必打得低一星嘅妖獸」廷叔見李爺爺有啲唔耐煩，於是就好正經咁講。





「嗯...」

「仲有我覺得我地出到翻嚟唔係偶然」

「唔...」

「雖然冇咩證據，但係我覺得冇理由佢一嚟，跟住我地就出得翻嚟」

「唔...有冇數據睇吓」

「唔知，要睇吓之後修唔修復翻，仲有我地宜家盡量會搵方法去顯示虛擬空間所發生嘅事」

「嗯...佢嗰邊你再畀我諗吓，其他嘢就交畀你，你宜家出翻去先」





「係，咁李叔你早啲休息」

「嗯」

於是廷叔出咗去，得翻李爺爺一個。

「究竟係唔係好彩呢，如果唔係好彩，咁點解佢地又會出到嚟...定係係我地諗多咗呢」李爺爺皺一皺眉。


此時，零家。

「唉，點解冷月佢地好似好勁咁，我就咁廢」零啱啱一翻到屋企，就攤咗喺梳化。

「唔錯，幾有自知之明」雪話。





「........」

「嘿嘿...講笑啫」

「呀...係喎...」零行去書房度。

「咩呀」雪問。

「搵緊上次嗰兩本嘢呀」零摷一摷張檯。

「呀...搵到喇」零手上拎住兩本古舊嘅典籍。

「你諗住修練喇」

「係呀」





「咁你記住配埋個心法喎」

「嗯...」